फिलिप्‍पि 3:15 - याम्फु

¹⁵ कानिङ बिस्‍वासबेॽ पक्‍का लिबॽआजि चोबे़ॽ इडोक्‍मानोॽ निवा खिमा खे़ये। हे़निङ्‌बेॽ खोरो खोरो निवा टुहोङ्‌सो निवाहाङ्‌डे़ॽनोॽ हे़निङ मो लेमेये।

फिलिप्‍पि 3:15 Cross References

मत्‍ति 5:48

मोडोगे़ॽ थाङ्‌सिरिबेॽ पेङ्‌खुबा हे़निङ्‌मि निवाहाङ पाबा चोप थोकबेॽ परिपक्‍का लिडिडोॽ, हे़निङ्‌सो आक्‍टोॽनोॽ लिसानिङे।”

लुका 11:13

हे़निङ पापि ले़न्‍डानिङ्‌होङ्‌सो टाङ्‌बामि पसाजि नुबा खा पिलेन्‍डानुमहोङ छना थाङ्‌सिरिॽटु पेङ्‌घुबा हे़निङ्‌मि निवाहाङ पाबे़ॽ खोनुङ ङाःक्‍खुबाजि इन्‍डोक बेॽलो पबित्‍रा होङ्‌निवा पिये।”

युहन्‍ना 6:45

‘मोबा चोप याॽमिजि निवाहाङ्‌डे़ॽनोॽ इःन्‍डुजे’ लुनुङ साप्‍पॽआ खा अगमबक्‍ताजिमि नेॽचिराबेॽ टुहा। असा असे़ॽ पाबामि खा खेम्‍नुङ चिङ्‌इम्‍मे माहाजि चोप काबेॽ लेङ्‌इम्‍मे।

युहन्‍ना 7:17

निवाहाङ्‌डे़ॽ नेन्‍जाबॽआ खा पालना ले़ःॽमा योक्‍खुबा याॽमि ले़म्‍मिहोङ, काङ्‌मि सिक्‍छे निवाहाङ्‌बाङ ले़येन्‍डे काबाङ ले़ये लुनुङ लेन्‍डुहा।

रोमि 15:1

कानिङ बिस्‍वासबेॽ बोलियो याॽमिजिडे़ॽ टाङ्‌बामि निवे़ॽ नुबा मिॽपॽआ खारेॽ ले़ःॽमा फे़न्‍निबा। बिस्‍वासबेॽ थोःप्‍थोपहा याॽमिजि सहायता ले़ःॽमा खे़ये।

१ कोरिन्‍थि 14:20

वावानिसानुङ नानुसाजि, मिॽमे खाबेॽ पिच्‍छाडोॽ ए़लिसानिङे। मङे़हा खामि टुम्‍बेॽ चाहिँ पिच्‍छाडोॽ इमाङ मे़लेघुबा लिसानिङे, तर मिॽमे खाबेॽ चाहिँ पाको याॽमिडोॽ लिसानिङे।

१ कोरिन्‍थि 2:6

मोडोॽसो कानिङ बिस्‍वासबेॽ पाको याॽमिजिनुङ यामुमाबेॽ निवादाङ्‌बा खानुङ यामुन्‍डिङ्‌मा, तर मो इगो युगमि निवा ने़ॽनि, मोबा इगो युगमि हाङ्‌बाजिमि निवासो ने़ॽनि। राज्‍य ले़ःॽखुबा हाङ्‌बाजि इक्‍याक नासि लिघे़म्‍मे।

गलाति 5:10

कानिङ चोप परभुबेॽ भरोसा युङ्‌घुबाजि लिबॽआसे़ॽ मे़ॽनोक्‍हा खाबेॽ निवा टिसानुम्‍नि लुनुङ आसा ले़ए़टुङे। हे़निङ फाङ्‌सेॽनुङ मे़ॽनोक्‍हा खाबेॽ चिक्‍खे़ॽखुबाजि असाहोङ्‌सो निवाहाङ्‌डे़ॽ दन्‍डा पिन्‍डुए।

एफिसि 1:17

कानिङ्‌मि परभु येसुमि निवाहाङ, आदर महिमा ले़ःॽमारोमा पाबाडे़ॽ हे़निङ पबित्‍रा होङ्‌निवाबाङ निवानुङ बुद्‌धि पिरो लुनुङ हे़निङ्‌मि लागि पारथना ले़नुङे। मो निवानुङ बुद्‌धि चुप्‍नुङ हे़निङे़ॽ निवाहाङ छना बेॽलो लेहेन्‍डानुमे।

कलस्‍सि 1:28

मोडोगे़ॽ कानिङे़ॽ चोप याॽमिजि खिरिस्‍टमि टुम्‍बेॽ खेम्‍मेटुङ्‌मे। चोप याॽमिजि खिरिस्‍टबेॽ पक्‍का टोङ्‌नुङ निवाहाङ्‌बेॽ रुक्‍मेॽमामि कानिङ चोप निवाडे़ॽ चोप याॽमिजि होसियार ले़ःॽसाङ हे़निङ सिक्‍छे पिन्‍डुङ्‌मे।

कलस्‍सि 4:12

हे़निङ्‌मि इक्‍को लङ्‌गाम खिरिस्‍ट येसुमि सेउते इपाफरासडे़ॽसो हे़निङ सेवायो लुहाङ्‌इटे़। हे़निङ निवाहाङ्‌डे़ॽ मिॽपॽआडोक्‍नोॽ ले़ःॽखुबाजि, मोबा बिस्‍वासबेॽ पाको लिमिरो लुनुङ खोसे़ॽ सानिङ हे़निङ्‌मि लागि पारथना ले़न्‍डुए।

१ थेस्‍लोनिकि 4:9

बिस्‍वासि वावानिसाजिनुङ नम्‍नम ले़ःॽखुसे़ॽचुमा खे़ये लुनुङ्‌गो हे़निङ लुमा पाप्‍निबा। इन्‍ढोङ्‌होङ हे़निङ निवाहाङ खोमटाङ्‌बे़ॽनोॽ नम्‍नम ले़ःॽखुसे़ॽचुमा खे़ये लुनुङ इःॽपेटे़।

२ तिमोथि 3:17

निवाहाङ्‌मि याॽमिजिडे़ॽ चोप नुबा योम्‍बोक ले़ःॽहेसुजिरो लुनुङ्‌नोॽ धारमिक नेॽचिरा पिबॽआ ले़ये।

हिब्‍रु 5:14

खदिलो चामागो परिपक्‍का याॽमिडे़ॽरेॽनोॽ चोन्‍डुहा। मो याॽमिमि निवा पक्‍का लिबेबॽआसे़ॽ नुबानुङ मङे़हा खा इमाङ्‌डे लुनुङ लेहेन्‍डुहा।

१ युहन्‍ना 2:5

तर असे़ॽ खोमि खा खेम्‍इन्‍डुए, मोसे़ॽ निवाहाङ चइबानोॽ नम्‍नम ले़न्‍डुए। इगो खाबाङ्‌नोॽ कानिङ खोबेॽ टुन्‍डिङ्‌मा लुमे खा लेन्‍डुङ्‌मे़।