फिलिप्‍पि 3:14 - याम्फु

¹⁴ थाङ्‌सिरिबेॽ चुप्‍मिये इनाममि निसानालाम का बोल टिनुङ पोम्‍बेॽ खे़ॽमे़ॽनिङ्‌सिङे। निवाहाङ्‌डे़ॽनोॽ इगोमि लागि खिरिस्‍ट येसुराम्‍बाङ का के़ए़टिङे।

फिलिप्‍पि 3:14 Cross References

लुका 16:16

“बप्‍तिस्‍मा पिघुबा युहन्‍नामि बेलाडोक्‍लो मोसाडे़ॽ पिबॽआ नियमनुङ अगमबक्‍ताजिमि खा याॽमिजिडे़ॽ ले़ःॽमे़ॽनिङ्‌सिडुजे। मोबाङ इगिॽयु चाहिँ निवाहाङ्‌मि राज्‍यमि सुसमाचार खेम्‍मेॽमे़ॽनिङ्‌सिये, मोबा चोप मोबेॽ येॽयेॽ पे़खे़ॽमा योॽइम्‍मे।

रोमि 11:29

इन्‍ढोङ्‌होङ निवाहाङ पाबाडे़ॽ पिबॽआ बरदाननुङ के़ःॽपॽआ खा इन्‍डोक्‍पेॽसो खोसे़ॽ मिन्‍डेडुनि।

१ कोरिन्‍थि 9:24

चइबानोॽ पिम्‍मागो चोपनोॽ पिङ्‌इम्‍मे, तर इनाम चाहिँ इक्‍कोसे़ॽरेॽ चुप्‍मिन्‍डुए लुनुङ हे़निङे़ॽ लेन्‍डानुमे। मोडोक्‍नोॽ हे़निङ्‌सो इनाम चुप्‍मामि लागि पिनानिङे।

२ कोरिन्‍थि 4:17

इन्‍ढोङ्‌होङ कानिङे़ॽ ए़क्‍साङ चुप्‍मिये इन्‍डोक्‍पेॽसो रुक्‍खे़निये महान महिमा पोरोक्‍मे़ॽनिङ्‌सिन्‍डुए। मो मिॽमाबेॽको आयु कानिङे़ॽ इॽछोॽ आङ्‌बॽआ खेःगो चइबानोॽ इमाङ्‌सो ने़ॽनिबा।

फिलिप्‍पि 3:3

इन्‍ढोङ्‌होङ चाइबमा खतना ले़ःॽखुबाजिगो कानिङ्‌गोरे ले़न्‍डिङ्‌मा, कानिङे़ॽ निवाहाङ्‌मि होङ्‌निवाबाङ खोमि ओहाङ ले़न्‍डुङ्‌मा। खिरिस्‍टबेॽ गरब ले़न्‍डिङ्‌मा मोबा याॽमिडे़ॽ टोङ्‌बॽआ रितिथितिबेॽ भरोसा ले़टुङ्‌मानि। चाइबमा खतनानुङ्‌हा चाहिँ कानिङ ले़न्‍डिङ्‌मा।

कलस्‍सि 2:18

कानिङे़ॽ सेन्‍जिसेम्‍माङ चुप्‍मिटुङ्‌मे लुसाङ, मे़नोक्‍सो ए़डेम्‍मा रे़ङ्‌डिडोॽ ले़ःॽनुङ थाङ्‌सिरिदुतमि पुजा ले़ःॽसाङ खोजि टाङ्‌बा बेॽए रे़ङ्‌इम्‍मे। इडोक्‍हाजिमि रेम्‍सिङ खाडे़ॽ रेम्‍नुङ हे़निङे़ॽ चुप्‍मे इनाम मे़चोघुबाजि ए़लिसानिङे। इडोक्‍हा याॽमिजि इमाङ मे़ॽनिङ्‌सो माङ्‌माङ बेॽए कामानिम्‍मे। तर खोजि बेॽए लिमे खा इमाङ काप्‍टुजिने।

१ थेस्‍लोनिकि 2:12

हे़निङ चोपनोॽ अरति पिसाङ्‌नुङ हाङ्‌हाङ पिसाङ निवाहाङ्‌डे़ॽ नेन्‍जामारोमा रामबेॽ राप्‍सानिङे लुनुङ आट पिसुङ्‌मा। इन्‍ढोङ्‌होङ खोमि राज्‍यनुङ महिमाबेॽ खोसे़ॽ के़ये।

२ तिमोथि 1:9

निवाहाङ्‌डे़ॽनोॽ कानिङ पापबाङ छुट्‌कारा ले़ःॽनुङ खोमि पबित्‍रा याॽमि लिमामि से़न्‍इटे़। कानिङे़ॽ नुबा योम्‍बोक ले़ःॽपॽआसे़ॽको ने़ॽनि तर खोमटाङ्‌बामि योजनानुङ अनुग्‍रहाडे़ॽ कानिङ पापबाङ छुट्‌कारा ले़टा। इगो अनुग्‍रहा याक्‍लोनोॽ येसु खिरिस्‍टबेॽ कानिङ पिबॽआ ले़टे़।

हिब्‍रु 3:1

मोडोगे़ॽ निवाहाङ्‌डे़ॽ से़म्‍बॽआ पबित्‍रा वावानिसानुङ नानुसाजि, निवाहाङ्‌डे़ॽ पाङ्‌बॽआ पसानुङ चोप्‍पाङ एप्‍पा याडाङ्‌बा लुनुङ कानिङे़ॽ बिस्‍वास ले़ःॽपॽआ येसुबेॽ निवा टिसानुमे।

हिब्‍रु 6:1

मोडोगे़ॽ खिरिस्‍टमि टुम्‍बेॽहा याक्‍लोमा सिक्‍छेरेॽ ने़ॽनि कानिङ परिपक्‍का टोङ्‌घुबा खाबेॽ निवा टिमा, सिमवालाम लाघे़ॽखुबा योम्‍बोकबाङ निवा टेमा,

१ पत्‍रुस 1:13

मोडोगे़ॽ योम्‍बोक ले़ःॽमामि हे़निङ्‌मि निवा पोरोगानुमे। होसियार ले़टानिङे मोबा परभु येसु लेम्‍माबेॽ चुप्‍मिये आसिसबेॽ पुरा भरोसा ले़टानुमे।

१ पत्‍रुस 5:10

चोप अनुग्‍रहानुङ्‌मा निवाहाङ्‌डे़ॽ खिरिस्‍टबेॽ टाङ्‌बामि इन्‍डोक्‍पेॽसो सिघे़ॽनिये महिमामि लागि हे़निङ के़ए़टे़। हे़निङे़ॽ इक्‍याक नियाक खेः आङ्‌नुङ ए़क्‍साङ खोसे़ॽनोॽ हे़निङ फेरि चोङ टोङ्‌इये, मोबा पक्‍कानुङ सक्‍तिसालि टोङ्‌इये।

२ पत्‍रुस 1:3

धरमि हिङ्‌मवा हिङ्‌मामि लागि पाप्‍मिहा चोप खा निवाहाङ्‌मि सक्‍तिबाङ्‌नोॽ चुप्‍मिटुङ्‌मे, इन्‍ढोङ्‌होङ टाङ्‌बामि महिमानुङ भलाइबाङ कानिङ के़ःक्‍खुबा निवाहाङ कानिङे़ॽ लेटुङ्‌मे।

परकास 3:21

के़ॽ हेजानुङ पाबानुङ खोमि पेन्‍ढामबेॽ सोरि पेन्‍डोक्‍टिडोॽ, हेजाघुबा का पेन्‍ढामबेॽ सोरि पेम्‍मे अधिकार पिनुङे़।