फिलिप्‍पि 3:13 - याम्फु

¹³ के़हा वावानिसानुङ नानुसाजि, के़ॽ चोप चुप्‍पेटुङेडोॽ काङ्‌दाङ्‌बा मिॽटुङ्‌नि। तर के़ॽ इक्‍को योम्‍बोक ले़नुङे, मो चाहिँ याक्‍लो लिबॽआ खा मिन्‍डेॽनुङ हागो लेङ्‌इहा खा चुप्‍मामि लागि पोम्‍बेॽ हेरो पिङ्‌घे़ॽमे़ॽनिङ्‌सिङे।

फिलिप्‍पि 3:13 Cross References

लुका 10:42

तर चोप्‍पाङ बेॽए खा इक्‍कोरेॽनोॽ टुये, मोनोॽ मरियमडे़ॽ सेङ्‌इटुए। मो खा खोबाङ असे़ॽसो ङाप्‍खे़ॽहेसुजिने।”

लुका 9:62

मो याॽमि चाहिँ येसुडे़ॽ लुसु, “हुक हालोमि अनाउबेॽ युङ्‌नुङ ए़ङ्‌गुवालाम हिङ्‌घे़ॽखुबा याॽमिडे़ॽ निवाहाङ्‌मि राज्‍यमि लागि योम्‍बोक ले़ःॽहेसुनिबा।”

२ कोरिन्‍थि 5:16

मोडोगे़ॽ कानिङे़ॽ असासो याॽमिजिडे़ॽ खाङ्‌डिडोॽ खाक्‍सुङ्‌मानि। कानिङे़ॽ याक्‍लो इक्‍खेॽ खिरिस्‍टसो याॽमिजिडे़ॽ खाङ्‌डिडोॽ खाक्‍सुङ्‌मे, तर हागोएम्‍बाङ आक्‍टोक खाक्‍सुङ्‌मानि।

फिलिप्‍पि 2:12

मोडोगे़ॽ के़ॽ नम्‍नम ले़ःॽपॽआ वावानिसानुङ नानुसाजि, का हे़निङ्‌नुङ टुमाबेॽ के़ॽ लुबॽआ खा हे़निङे़ॽ ले़टानुम, तर हागो का ओः लिमाबेॽसो हे़निङे़ॽ छना बेॽलो निवाहाङ्‌मि किस्‍सिमवे़ॽ योङ्‌मानुङ हे़निङे़ॽ चुप्‍पॽआ मुक्‍ति खेन्‍जानुये बेबहारनुङ्‌मा योम्‍बोक ले़टानुमे।

फिलिप्‍पि 3:12

के़ॽ ले़ःॽमे चोप योम्‍बोक येप्‍पेटुङे मोबा का पक्‍का ले़ङेगो के़ॽ लुसुङ्‌नि। के़ॽ माहा खा चुप्‍मामि लागि बोल ले़ःॽमे़ॽनिङ्‌सिङे, इगोमि लागिनोॽ खिरिस्‍टडे़ॽ का खोमि टोङ्‌बेटिङे।

फिलिप्‍पि 3:8

चइबानोॽ लुमाबेॽ खिरिस्‍ट येसु काङ्‌मि परभु लेडोक्‍मा चोप्‍पाङ बेॽए खा ले़ये, इगो खामि पोम्‍बेॽ हाइखा चोप थोक के़ॽ योम्‍बोक मे़ॽनिङ्‌हा मिॽइनुङे। खिरिस्‍टमि लागिनोॽ के़ॽ चोप थोक लेॽपेटुङ्‌हा मोबा खो नुरोॽ लेहेमा लुनुङ्‌नोॽ हाइखा चोप थोक से़क्‍चिबाडोक्‍नोॽ मिॽइनुङ्‌हा।

हिब्‍रु 6:1

मोडोगे़ॽ खिरिस्‍टमि टुम्‍बेॽहा याक्‍लोमा सिक्‍छेरेॽ ने़ॽनि कानिङ परिपक्‍का टोङ्‌घुबा खाबेॽ निवा टिमा, सिमवालाम लाघे़ॽखुबा योम्‍बोकबाङ निवा टेमा,

२ पत्‍रुस 3:8

तर के़हा लङ्‌गामजि, इगो खा लेयुक्‍सानुमे परभुमि लागि इक्‍याक हजार निङ्‌डोॽ लिये, हजार निङ इक्‍याकडोॽ लिये।