फिलिप्‍पि 2:9 - याम्फु

⁹ मोडोगे़ॽनोॽ निवाहाङ्‌डे़ॽ खो चोप्‍पाङ बेॽए सम्‍मान चुप्‍मे ठाउँबेॽ युक्‍सु, मोबा खो मो निङ पिसु, मो निङ चाहिँ चोप निङ्‌बाङ मिन्‍डु टुये।

फिलिप्‍पि 2:9 Cross References

मत्‍ति 11:27

“के़ए़ पाबाडे़ॽ चोप थोक का जिम्‍मा पिटिङे। पाबाबाङ हाइखा असे़ॽसो पसा लेसुजिनिनुङ पसाबाङ हाइको असे़ॽसो पाबा लेसुजिने, मोबा पसे़ॽ लेमेॽपॽआजिडे़ॽ चाहिँ पाबा लेन्‍डुजे।

मत्‍ति 28:18

मोबा येसु खोजिमि के़क्‍पेॽ खे़ॽनुङ लुसुजि, “खेप्‍सानुमे, निवाहाङ्‌डे़ॽ का थाङ्‌सिरिनुङ मक्‍खाम्‍डेमसोक्‍पेॽ चोप अधिकार पिटे़।

लुका 10:22

“पाबे़ॽ का चोप सक्‍तिनुङ अधिकार पिबेटिङे। पसा असा ले़ये लुनुङ का पाबे़ॽरेॽनोॽ लेये, इडोक्‍नोॽ पाबा असा ले़ये लुनुङ पसानुङ खोसे़ॽ लेमेॽपॽआ याॽमिजिबाङ हाइखाजिडे़ॽ लेसुजिने।”

युहन्‍ना 13:3

पाबाडे़ॽ चोप अधिकार येसु पिटुए लुमे खा खोसे़ॽ लेसुए, मोबा का निवाहाङ्‌बाङ लेङ्‌इटिङेनुङ का निवाहाङ्‌बेॽनोॽ टेघे़ॽमे़ॽनिङ्‌सिङे लुमे खासो खोसे़ॽ लेसुए।

युहन्‍ना 17:11

हागो का हे़नबेॽ आप्‍मे़ॽनिङ्‌सिङे। का बेॽलो मक्‍खाम्‍डेमबेॽ पेङ्‌ङानि, तर इघाजिगो मक्‍खाम्‍डेमबेॽनोॽ पेङ्‌इम्‍मे। पाबा हे़न्‍नुङ का इक्‍को लिडिडोॽ हे़ने़ॽ का पिबॽआ हे़ने़हा याॽमिजिसो इक्‍को निवानुङ्‌हाजि लिमिरो लुनुङ हे़ने़ए़ निङ्‌मि सक्‍तिडे़ॽ जोगा ले़टाजे। मो निङ हे़ने़ॽ का पिबॽआ ले़टे़।

युहन्‍ना 17:12

का खोजिनुङ टुसिङारो के़ॽ हे़ने़ॽ पिबॽआ हे़ने़ए़ निङ्‌बेॽ खोजि जोगा ले़टुङ। माहाजिबेॽ नासि लिमानोॽ खडे़ याॽमिबाङ हाइखाजि असासो नासि मे़लिमेॽटुङ्‌जिङ। इगोगो धारमिक नेॽचिराबेॽ साप्‍पॽआ खा पुरा लिमा खडे़।

युहन्‍ना 17:5

हागो हे पाबा, मक्‍खाम्‍डेममि सिरिस्‍टि लिमा याक्‍लो हे़न्‍नुङ टुमाबेॽ कानुङ महिमानोॽ हे़ने़ए़ पोम्‍बेॽ टुमाबेॽ का पिमा।

एप्‍पा चोङ्‌सा 5:31

इस्‍राएलि याॽमिजि पापबाङ निवाहाङ्‌बेॽ टेआप्‍नुङ आम्‍लाङ चुप्‍टुजिरो लुनुङ निवाहाङ्‌डे़ॽ येसु छुट्‌कारा पिघुबा हाङ्‌बा टोङ्‌नुङ खोमि चुप्‍थिङ्‌लाम युङ्‌इटुए।

एफिसि 1:10

मो खा लुबॽआ चाहिँ थाङ्‌सिरिनुङ मक्‍खाम्‍डेमबेॽहा चोप सिरिस्‍टि खिरिस्‍टमि अधिनबेॽ लाप्‍मामि लागि ले़ये। मोबा निवाहाङ्‌डे़ॽ मो योम्‍बोक ठिक बेलाबेॽ पुरा ले़न्‍डुए।

कलस्‍सि 1:18

मन्‍डलि चाहिँ खिरिस्‍टमि हिङा ले़ये, खो मन्‍डलिमि निन्‍डवाँ ले़ये। खोनोॽ याक्‍लोमा ले़ये, खोनोॽ चोप खासोक्‍पेॽ एप्‍पा लिरो लुनुङ सिबॽआजिबाङ हिङ्‌बोक्‍पॽआजिबेॽ चोप्‍पाङ खो टुम्‍इये।

२ थेस्‍लोनिकि 1:12

मोडोॽ लिहोङ कानिङ्‌मि परभु येसुमि ओहाङ लिये। मोबा खोबाङ्‌सो हे़निङ्‌मि ओहाङ लिये, इन्‍ढोङ्‌होङ हे़निङे़ॽ निवाहाङ पाबानुङ परभु येसु खिरिस्‍टबाङ अनुग्‍रहा चुप्‍मिटानुमे।

हिब्‍रु 1:4

थाङ्‌सिरिदुतजिबाङ्‌सो निवाहाङ्‌मि पसा खिरिस्‍ट महान ले़ये, इन्‍ढोङ्‌होङ निवाहाङ्‌डे़ॽ “पसा” लुनुङ पिबॽआ निङ चाहिँ माहाजिबाङ महान निङ ले़ये।

हिब्‍रु 1:9

हे़ने़ॽ धारमिक खा नेन्‍जोन्‍डुएनुङ अधरमि खा सिॽचोन्‍डुए। मोडोगे़ॽ निवाहाङ, हे़ने़ए़ निवाहाङ्‌डे़ॽ हे़न खोमि लङ्‌गामजिबाङ्‌सो बेॽलो मिन्‍डु युक्‍सु, मोबा हाङ्‌हाङ्‌मा केवाडे़ॽ अभिसेक ले़ए़टे़।”

हिब्‍रु 12:2

कानिङ्‌मि बिस्‍वास तरिक्‍खुबानुङ मो पुरा ले़ःॽखुबा येसुलाम खाङ्‌मा। खोसे़ॽ खोमि पोम्‍बेॽ युङ्‌बेॽपॽआ काप्‍सिङ्‌मि खेः खाङ्‌नुङ ए़ङ्‌गुवालाम मे़न्‍सेना। मोमि साटो खेः आङ्‌नुङ ए़क्‍साङ चुप्‍मिये हाङ्‌हाङ्‌मि लागि काप्‍सिङ्‌बेॽ बेजेत आङ्‌सिॽ पोरोगा। आइ खो निवाहाङ्‌मि पेन्‍ढाममि चुप्‍थिङ्‌लाम पेङ्‌इटे़।

हिब्‍रु 2:9

तर कानिङे़ॽ थाङ्‌सिरिदुतजिबाङ येसु इॽछोॽमि लागि ए़डेम्‍मा लिबॽआ लेटुङ्‌मे़। निवाहाङ्‌मि अनुग्‍रहाडे़ॽ येसु चोप याॽमिजिमि लागि सिसा। खो चोपमि लागि बलि लिबॽआसे़ॽ खोसे़ॽ महिमानुङ आदरमि मुकुट चुप्‍टु।

१ पत्‍रुस 3:22

खो हिङ्‌बोक्‍नुङ ए़क्‍साङ थाङ्‌सिरिॽटु खे़ॽनुङ निवाहाङ्‌मि चुप्‍थिङ्‌लाम पेङ्‌इटे़, मोबा चोप थाङ्‌सिरि दुतजिनुङ थाङ्‌सिरिबेॽहा अधिकारनुङ सक्‍ति खोमि अधिनबेॽ टुहा।

२ पत्‍रुस 1:17

निवाहाङ पाबाडे़ॽ येसुमि आदरनुङ सम्‍मान ले़ःॽमाबेॽ मोबा “इगो के़ॽ नम्‍नम ले़ःॽपॽआ पसा ले़ये, इगोनुङ का सारो साप्‍थाङ्‌इटिङे” लुनुङ इक्‍को परम महिमाबाङ इडोॽ लुमाबेॽ कानिङ मोबेॽनोॽ टुसिङ्‌मा।

३ युहन्‍ना 1:7

इन्‍ढोङ्‌होङ अक्‍खाजि परभुमि योम्‍बोक ले़ःॽमामि लागि राम्‍बोॽइटामे, खोजिडे़ॽ बिस्‍वास मे़ले़ःॽखुबाजिबाङ इमाङ्‌सो मे़लारेॽ लेङ्‌इटामे।

परकास 1:5

बिस्‍वासनुङ्‌मा साक्‍छि मोबा सिघे़ॽनुङ हिङ्‌बुक्‍पॽआजिबेॽ याक्‍लोमा लिघुबा मक्‍खाम्‍डेमबेॽहा हाङ्‌बाजिमि हाङ्‌बा येसु खिरिस्‍टबाङ्‌सो हे़निङ अनुग्‍रहानुङ सान्‍ति लिरो। खोसे़ॽ कानिङ नम्‍नम ले़ये, मोबा खोमि हरिमि बलिडे़ॽ कानिङ पापबाङ छुट्‌कारा पिसा।

परकास 11:15

इगोबाङ ए़क्‍साङ एच्‍चिमा थाङ्‌सिरिदुतडे़ॽ खोमि तुरहि मिडु, मोडोक्‍पेॽ थाङ्‌सिरिबेॽ बेॽहा बेॽहा सेम्‍लानुङ इडोॽ खेम्‍मुसा, “मक्‍खाम्‍डेमसोक्‍पेॽ राज्‍य ले़ःॽमे अधिकार हागोएम्‍बाङ कानिङ्‌मि परभु निवाहाङ्‌नुङ खोसे़ॽ से़न्‍बॽआ खिरिस्‍टमिनोॽ लिटे़, खोसे़ॽनोॽ सानिङ्‌मु राज्‍य ले़न्‍डुए।”

परकास 19:16

खोमि चेॽनुङ सब्‍रे़कपेॽ “हाङ्‌बाजिमि हाङ्‌बानुङ परभुजिमि परभु” लुमे निङ साप्‍पॽआ ले़टा।

परकास 3:21

के़ॽ हेजानुङ पाबानुङ खोमि पेन्‍ढामबेॽ सोरि पेन्‍डोक्‍टिडोॽ, हेजाघुबा का पेन्‍ढामबेॽ सोरि पेम्‍मे अधिकार पिनुङे़।

परकास 5:12

माहाजिडे़ॽ बेॽए सेम्‍लाडे़ॽ इडोॽ सेम इःसुजि, “बलि लिबॽआ थुमा महिमा, आदर ले़ःॽमारोमा ले़ये, खोनुङ चोप अधिकार टुहा, खो चोप थोकमि याङ्‌सरावादाङ्‌बा ले़ये, खो सक्‍तिदाङ्‌बा ले़येनुङ खो निवादाङ्‌बा ले़ये। मोबा खोमिन्‍नोॽ ओहाङ ले़ःॽमा।”