फिलिप्‍पि 2:3 - याम्फु

³ टाङ्‌बारेॽनोॽ नुबा लिये खा ए़योगानुमेनुङ काङायोङ्‌बा ए़लिसानिङे, तर ए़डेम्‍मा लिनुङ इक्‍कोसे़ॽ हाइको टाङ्‌बाबाङ बेॽएम्‍मा मिडानुमे।

फिलिप्‍पि 2:3 Cross References

लुका 18:14

मोबा येसुडे़ॽ लुसु, “के़ॽ हे़निङ लुनिम्‍ने़, मो फरिसि ने़ॽनि तर हाइको मे़क्‍चेन लाखुबा याॽमि चाहिँ निवाहाङ्‌मि पोम्‍बेॽ धरमि लिनुङ खिम टेघडा। हाइखाजिबाङ टाङ्‌बानोॽ बेॽए मिॽखुबाजि चोप ए़डे़म्‍मा लिम्‍मेनुङ टाङ्‌बा ए़डेम्‍मा मिॽखुबाजि चाहिँ चोपजि एप्‍पा लिम्‍मे।”

रोमि 12:10

इक्‍कोसे़ॽ हाइको वावानिसाजि नम्‍नम ले़टिडोक्‍नोॽ नम्‍नम ले़टानुमे। टाङ्‌बाबाङ्‌सो बेॽलो हाइखाजि आदर ले़टानुमे।

रोमि 13:13

कानिङ उज्‍यालोबेॽ टुडिडोॽ होसियार ले़ःॽनुङ पेम्‍मा। टाङ्‌बा इमाङ ले़ःॽमा मिॽइये मोडोक्‍नोॽ ले़ःॽखुबा ए़लिमा, इडे़ॽ सेॽखे़ॽखुबा ए़लिमा, बेभिचारि ए़लिसि, नासि लिबॽआ निवानुङ्‌हा ए़लिसि, काक्‍खुसे़ॽचुमानुङ चेजेवा ले़ःॽमा लेप्‍पेसामे।

रोमि 2:8

तर खिमा योक्‍खुबाजि, चाइबमा खा मे़ङ्‌खेम्‍खुबाजि, मङे़हा योम्‍बोक ले़ःॽसाङ राम्‍घुबाजिसोक्‍पेॽ चाहिँ निवाहाङ्‌मि किस्‍सिमारोमा दन्‍डा सिॽइये।

१ कोरिन्‍थि 15:9

इन्‍ढोङ्‌होङ एप्‍पा चोङ्‌साजिबेॽ चोप्‍पाङ ए़डेम्‍मा चाहिँ कानोॽ ले़ङे। चइबानोॽ लुमाबेॽ का एप्‍पा चोङ्‌सा लिमारोमा ले़ःॽङानि, इन्‍ढोङ्‌होङ निवाहाङ्‌बेॽ बिस्‍वास ले़ःॽखुबा याॽमिजि के़ॽ बेॽलोनोॽ चुङ्‌जाटुङ्‌हाजि।

१ कोरिन्‍थि 3:3

हे़निङ हागोसो पापि आनि बानिमि अधिनबेॽ टुघुबा याॽमिजिडोॽ ले़न्‍डानिङे, मोबा हे़निङ्‌मि रुम्‍बेॽ चेजेवानुङ खिमाचुमा ले़न्‍डानिङ। मोडोगे़ॽ हे़निङ मक्‍खाम्‍डेमबेॽहा याॽमिजिडोॽ ले़ःॽसिन्‍डानिङे ने़ॽनेन्‍डे ?

२ कोरिन्‍थि 12:20

का आक्‍कोबेॽ लेम्‍माबेॽ के़ॽ मिॽपॽआबाङ हे़निङ हाइकोनोॽ लिबॽआ, मोबा के़ॽ हे़निङे़ॽ मिॽपॽआबाङ हाइकोनोॽ बेबहार ले़ःॽमा खे़येन्‍डे मिॽनुङ किस्‍सिङे। हे़निङ्‌मि रुम्‍बेॽ खिमाचुमा, चेजेवा निवा, सुरिॽयाॽवा, टाङ्‌बामिरेॽ नुबा मिॽखुबा, हाइखाजि इःजाघुबा, इःजाघुसे़ॽचुबॽआ, बेॽए रे़ङ्‌बॽआनुङ गोलमाल लिटानिङेन्‍डे लुनुङ के़ॽ मिॽइनुङे।

गलाति 5:15

हे़निङ टाङ्‌बानोॽ नाम्‍भुङ्‌लाबेॽहा जिवातजिडोॽ हे़ःॽखुसे़ॽ चुन्‍डानिङ्‌होङ्‌गो होसियार ले़टानिङे, ने़ॽनिहोङ्‌गो हे़निङ टाङ्‌बा रुक्‍खे़न्‍डानिङ।

गलाति 5:26

कानिङे़ॽ इक्‍कोसे़ॽ हाइकोनुङ काङायोङ्‌बा रे़ङ्‌मा फे़न्‍निबा, सुरके़ॽमेॽमा फे़न्‍निबा, चेजेवा के़ॽमा फे़न्‍निबा।

एफिसि 4:2

सानिङ्‌नोॽ ए़डेॽमा लिसानिङे, सुधोनुङ सहनसिल लिसानिङे। मोबा हे़निङ टाङ्‌बा इक्‍कोसे़ॽ हाइको नम्‍नम ले़ःॽसाङ सहबा ले़टानुमे।

एफिसि 5:21

हे़निङ खिरिस्‍टमि आदर ले़ःॽखुबा याॽमि ले़ःॽपॽआसे़ॽ सानिङ इक्‍कोसे़ॽ हाइकोमि अधिनबेॽ पेनानिङे।

फिलिप्‍पि 2:14

चोप योम्‍बोक कुनुक कुनुक मे़ङ्‌कारेॽ अथबा मे़ङ्‌खिरेॽ ले़टानुमे।

कलस्‍सि 3:12

हे़निङ्‌नोॽ निवाहाङ्‌डे़ॽ नम्‍नम ले़ःॽपॽआनुङ से़म्‍बॽआ पबित्‍रा याॽमिजि ले़न्‍डानिङ। मोडोगे़ॽ हे़निङ सानिङ नम्‍नम ले़ःॽखुबा, नम्‍नावा ले़ःॽखुबा, ए़डे़म्‍मा लिघुबानुङ सोझो सहनसिल लिसानिङे।

कलस्‍सि 3:8

तर हागोएम्‍बाङ इडोक्‍हा सुरिक, चेजेवा, सिःक्‍चामा, चिक्‍चिमिॽमारोमा खा इघा चोप खा हे़निङे़ॽ ले़ःॽमा लेडानुमे।

१ तिमोथि 6:4

माहाजि काङायोङ्‌बा लिनुङ इमाङ्‌सो लेसुजिने। खो माङ्‌माङ निहु योॽइये, इक्‍को इक्‍को खामि टुम्‍बेॽ खिमा योॽइये। इडोक्‍हा खाडे़ॽ, चेजेवा, खिमाचुमा, अपमाननुङ मङे़हा सङ्‌क पुःक्‍इहा

१ पत्‍रुस 3:8

हागो आखिरिबेॽ हे़निङ लुनिम्‍ने़, हे़निङ चोप इक्‍को निवा लिनुङ पेनानिङे, इक्‍कोसे़ॽ हाइकोमि दुःखबेॽ निवा युङ्‌घुसे़ॽ चुसानिङे। चोपनोॽ टाङ्‌बामि वावा निसाजिडोॽ नम्‍नम ले़चासानिङे, मोबा इक्‍कोसे़ॽ हाइकोमि लागि नम्‍नावानुङ ए़डे़म्‍मा लिसानिङे।

१ पत्‍रुस 5:5

मोडोक्‍नोॽ वेन्‍जाजि, मन्‍डलिबेॽहा एल्‍डरजिमि खा खेप्‍सानुमेनुङ खोजिमि अधिनबेॽ पेनानिङे। हे़निङ इक्‍कोसे़ॽ हाइकोमि अधिनबेॽ ए़डे़म्‍मा लिनुङ पेनानिङे। इन्‍ढोङ्‌होङ धारमिक नेॽचिराडे़ॽ इडोॽ लुये, “निवाहाङ्‌डे़ॽ काङायोङ्‌बाजिमि बिरोध ले़न्‍डुजे, तर ए़डे़म्‍मा लिघुबाजि अनुग्‍रहा ले़न्‍डुजे।”