फिलिप्‍पि 2:26 - याम्फु

²⁶ खोसे़ॽसो हे़निङ चुप्‍मामि बेॽलो मिॽइटुए, खो टुक्‍पॽआ खा हे़निङे़ॽसो खेम्‍इटानुमे लुनुङ बेॽलो सुरता मिङ्‌इटे़।

फिलिप्‍पि 2:26 Cross References

मत्‍ति 11:28

“होउ याःक्‍चाघे़ॽपॽआनुङ खाल खालहा कोगे़ॽ टिप्‍पॽआ याॽमिजि, काबेॽ आबानिङे, के़ॽ हे़निङ नाजाढाम ठाउँ पिनिम्‍ने़।

मत्‍ति 26:37

येसुडे़ॽ जब्‍दियामि निप्‍पाङ पसाजिनुङ पत्‍रुस सोरि चिॽखे़ॽटुजि मोबा येसुडे़ॽ चाहिँ बेॽलो दुःखनुङ खेः आक्‍सु।

एप्‍पा चोङ्‌सा 21:13

तर पावलडे़ॽ इडोॽ लुसा, “हे़निङे़ॽ हाःप्‍नुङ इन्‍ढोङ के़ए़ निवा निरास टोङ्‌इन्‍डानुमे ? कागो यरुसलेमबेॽ खे़ॽनुङ हिःक्‍चिमुमारेॽनोॽ ने़ॽनि, तर परभु येसुमि लागि सिघे़ॽमासो राजि ले़ङे।”

रोमि 1:11

इन्‍ढोङ्‌होङ हे़निङ बिस्‍वासबेॽ बोलियो टोङ्‌मामि पबित्‍रा होङ्‌निवाडे़ॽ पिबॽआ आसिस हे़निङ्‌नुङ हाःजाहेमा लुनुङ हे़निङ चुप्‍सिॽ आप्‍मा सारो मिङ्‌इटिङे।

रोमि 12:15

मोडोक्‍नोॽ साप्‍थाङ्‌घुबाद जिनुङ साप्‍थाक्‍सानिङे, हाःप्‍खुबाजिनुङ हाबानिङे।

रोमि 9:2

के़ॽ नम्‍नम मिॽपॽआ इस्‍राएलि वावानिसानुङ नानुसाजिमि खा मिॽनुङ काङ्‌मि निवा बेॽलो टुक्‍नुङ हाःप्‍मिये।

१ कोरिन्‍थि 12:26

इक्‍को अङ्‌गडे़ॽ खेः आङ्‌माबेॽ चोप हिङाडे़ॽनोॽ खेः आङ्‌इन्‍डुए, इक्‍को अङ्‌गडे़ॽ ओहाङ चुप्‍टुहोङ चोप अङ्‌गनोॽ सोरि साप्‍थाङ्‌इम्‍मे।

२ कोरिन्‍थि 9:14

हे़निङ्‌बेॽ निवाहाङ्‌डे़ॽ इडोॽ बेॽलो अनुग्‍रहा ले़ःॽपॽआ खाङ्‌नुङ माहाजिडे़ॽ बेॽलो नम्‍नम ले़ःॽनुङ हे़निङ्‌मि लागि पारथना ले़न्‍डुजे।

गलाति 6:2

इक्‍कोसे़ॽ हाइको सहायोग ले़ःॽखुसे़ॽचुसानिङे, इडोॽ हे़निङे़ॽ खिरिस्‍टमि नियम पुरा ले़ःॽहेन्‍डानुमे।

एफिसि 3:13

मोडोगे़ॽ के़ॽ हे़निङ बिन्‍ति ले़निम्‍ने़, हे़निङ्‌मि लागि के़ॽ आङ्‌बॽआ खेः खाङ्‌नुङ निरास ए़लिसानिङे। इगोगो हे़निङ्‌मि गरबमि लागिनोॽ लिबॽआ ले़ये।

फिलिप्‍पि 1:3

हे़निङ मिॽमाबेॽ सानिङ काङ्‌मि निवाहाङ ओहाक पिनुङे़।

फिलिप्‍पि 1:8

चइबानोॽ के़ॽ हे़निङ्‌नुङ चुप्‍मानुङ सोरि पेम्‍मा सारोनोॽ मिॽपॽआ खा निवाहाङ्‌डे़ॽ लेन्‍डुए, इन्‍ढोङ्‌होङ खिरिस्‍ट येसुडे़ॽ हे़निङ नम्‍नम ले़टिडोक्‍नोॽ के़ॽसो हे़निङ नम्‍नम ले़ए़निम्‍ने़।

फिलिप्‍पि 2:25

के़ॽ कानिङ्‌मि निसा इपाफोरडिटस हे़निङ्‌बेॽ टेहाङ्‌मा मिॽइटुङे। काजिङ निप्‍पाङे़ॽ ङे ले़ःॽखुबा तिरिङ्‌गाडोॽ सुसमाचारमि रच्‍छे ले़ःॽमे योम्‍बोक ले़न्‍जुङ्‌मा। खोसे़ॽ कानुङ सोरि योम्‍बोक ले़टु, मोबा खोसे़ॽ सुसमाचार खेम्‍मेॽमे योम्‍बोकपेॽ का सहायता ले़टा।

फिलिप्‍पि 2:27

चइबानोॽ खो सारोनोॽ टुगा अडे़ॽवे़ॽ सिघे़ॽपॽआ ले़टे़। तर निवाहाङ्‌डे़ॽ खो नम्‍नावा ले़टु, खोरेॽनोॽ ने़ॽनि तर कासोक्‍पेॽसो खोसे़ॽ नम्‍नावा ले़टानुङ के़ॽ सोकपेॽ सोक आङ्‌मा मे़न्‍सिॽटा।

फिलिप्‍पि 4:1

मोडोगे़ॽ के़हा वावानिसानुङ नानुसाजि, हे़निङ्‌नोॽ के़ॽ बेॽलो नम्‍नम ले़ःॽपॽआजि ले़न्‍डानिङ, मोबा हे़निङ चुप्‍मा सारोनोॽ मिॽइनिम्‍ने़। हे़निङे़ॽ का साप्‍थाङ्‌मेॽटानिङ, हे़निङ काङ्‌मि योम्‍बोकमि इनाम ले़न्‍डानिङे। हे़निङ इडोक्‍नोॽ परभुबेॽ सानिङ बोलियो लिनुङ हिक्‍सानिङे।

१ पत्‍रुस 1:6

इगो खामि लागि हे़निङ साप्‍थाक्‍सानिङे, तर हागो इॽछोॽमि लागि हे़निङे़ॽ खाल खालहा दुःखनुङ खेः आङ्‌मा खे़ये।