फिलिप्‍पि 2:25 - याम्फु

²⁵ के़ॽ कानिङ्‌मि निसा इपाफोरडिटस हे़निङ्‌बेॽ टेहाङ्‌मा मिॽइटुङे। काजिङ निप्‍पाङे़ॽ ङे ले़ःॽखुबा तिरिङ्‌गाडोॽ सुसमाचारमि रच्‍छे ले़ःॽमे योम्‍बोक ले़न्‍जुङ्‌मा। खोसे़ॽ कानुङ सोरि योम्‍बोक ले़टु, मोबा खोसे़ॽ सुसमाचार खेम्‍मेॽमे योम्‍बोकपेॽ का सहायता ले़टा।

फिलिप्‍पि 2:25 Cross References

युहन्‍ना 13:16

चइबानोॽ हे़निङ लुनिम्‍ने़, मायोङ्‌बाबाङ सेउते बेॽएम्‍मा लिनिबा, मोबा लम्‍बवाँ लाघे़ॽखुबा, लम्‍बवाँ हाङ्‌घुबाबाङ बेॽएम्‍मा लिनिबा।

युहन्‍ना 17:18

हे़ने़ॽ का मक्‍खाम्‍डेमबेॽ पाङ्‌बॽआडोक्‍नोॽ के़ॽसो खोजि मक्‍खाम्‍डेमबेॽ पाङ्‌इटुङ्‌हाजि।

रोमि 16:3

मोबा याक्‍लो कानुङ सोरि येसु खिरिस्‍टमि योम्‍बोक ले़ःॽखुबा लङ्‌गामजि पिरिस्‍किनुङ अकिलाससो काङ्‌मि सेवा लुबेॽमाजे।

रोमि 16:9

खिरिस्‍टमि लागि कानुङ्‌सोरि योम्‍बोक ले़ःॽखुबा उरबानसनुङ के़ॽ नम्‍नम ले़ःॽपॽआ स्‍ताखुससो काङ्‌मि सेवायो लुबेॽमाजे।

१ कोरिन्‍थि 3:9

इन्‍ढोङ्‌होङ कानिङ चाहिँ निवाहाङ्‌मि योम्‍बोक ले़ःॽखुबा सेवाकजि ले़न्‍डिङ्‌मा, हे़निङ चाहिँ निवाहाङ्‌मि रोपा ले़न्‍डानिङे, मोबा हे़निङ मन्‍दिर ले़न्‍डानिङे।

२ कोरिन्‍थि 2:13

तर मोबेॽ काङ्‌मि निसा तितस मे़न्‍चुप्‍माबेॽ का बेॽलो हे़क्‍हे़क मिनिङ, मोबा मोबेॽहा बिस्‍वासिनुङ हाघे़ॽनुङ का माकेडोनिया मुलुकलाम खडिङ।

फिलिप्‍पि 2:26

खोसे़ॽसो हे़निङ चुप्‍मामि बेॽलो मिॽइटुए, खो टुक्‍पॽआ खा हे़निङे़ॽसो खेम्‍इटानुमे लुनुङ बेॽलो सुरता मिङ्‌इटे़।

फिलिप्‍पि 4:18

के़ॽ इन्‍डोक चुप्‍मा खडे़, मोबाङ्‌सो बेॽलोनोॽ चुप्‍मिटुङे। इपाफोरडिटसमि हुकबाङ हे़निङे़ॽ पाङ्‌बॽआ भेटि चुप्‍नुङ का हाङ्‌हाङ लिटिङे। हे़निङे़ॽ पाङ्‌बॽआ भेटि चाहिँ निवाहाङ्‌डे़ॽ लामारोमानुङ नेन्‍जामारोमा बलिदानडोॽ ले़ये।

फिलिप्‍पि 4:3

हे़न्‍जिङ काङ्‌मि बिस्‍वासनुङ्‌मा लङ्‌गामजि हे़न्‍जिङेॽ इघा मेॽनामिॽचि सहायोग ले़टाजे, इन्‍ढोङ्‌होङ इघाजिडे़ॽ कानुङ सोरि सुसमाचारमि योम्‍बोक निवाबाङ्‌नोॽ ले़ए़टुजे। कानुङ्‌रेॽ ने़ॽनि क्‍लेमेसनुङ मोबा कानुङ योम्‍बोक ले़ःॽखुबा के़हा हाइखा लङ्‌गामजिनुङ्‌सो मोडोक्‍नोॽ योम्‍बोक ले़ए़टुजे, खोजिमि निङ हिङ्‌मवामि नेॽचिराबेॽ टुहा।

कलस्‍सि 1:7

इगो खानोॽ कानिङ्‌नुङ निवाहाङ्‌मि योम्‍बोक ले़ःॽखुबा निसा इपाफरसबाङ चिनानुम। खो कानिङ्‌मि साटो हे़निङ्‌मि रुम्‍बेॽ खिरिस्‍टमि लागि योम्‍बोक ले़ःॽखुबा इक्‍को नुबा बिस्‍वासनुङ्‌मा याॽमि ले़ये।

कलस्‍सि 4:11

युस्‍तस निङ्‌मा येसुडे़ॽसो हे़निङ सेवायो लुहाङ्‌इटे़। निवाहाङ्‌मि राज्‍यमि लागि कानुङ योम्‍बोक ले़ःॽखुबा यहुदि बिस्‍वासिबाङ इघा सुम्‍बाङ्‌रेॽ टुम्‍मे। इघाजिबाङ के़ॽ बेॽलोनोॽ बोल चुप्‍मिटुङे।

१ थेस्‍लोनिकि 3:2

कानिङ्‌मि निसा तिमोथि, खिरिस्‍टमि सुसमाचार खेम्‍मेॽखुबा निवाहाङ्‌मि सेउते ले़ये। खो हे़निङ साहस पिनुङ बिस्‍वासबेॽ बोलियो टोङ्‌मामि कानिङे़ॽ हे़निङ्‌बेॽ पाक्‍सुङ्‌मा।

फिलेमोन 1:24

मोडोक्‍नोॽ कानुङ योम्‍बोक ले़ःॽखुबा मरकुस, अरिस्‍तारखस, डेमास मोबा लुकाडे़ॽसो सेवायो लुटामे।

हिब्‍रु 3:1

मोडोगे़ॽ निवाहाङ्‌डे़ॽ से़म्‍बॽआ पबित्‍रा वावानिसानुङ नानुसाजि, निवाहाङ्‌डे़ॽ पाङ्‌बॽआ पसानुङ चोप्‍पाङ एप्‍पा याडाङ्‌बा लुनुङ कानिङे़ॽ बिस्‍वास ले़ःॽपॽआ येसुबेॽ निवा टिसानुमे।