फिलिप्‍पि 2:22 - याम्फु

²² तर हे़निङे़ॽ तिमोथिमि आनिबानि नुबा ले़ये लुनुङ्‌गो नुरोॽ लेन्‍डानुमे, खोसे़ॽ इक्‍को पसाडे़ॽ खोम पाबानुङ योम्‍बोक ले़टिडोॽ कानुङ सुसमाचारमि योम्‍बोक ले़ए़टुए।

फिलिप्‍पि 2:22 Cross References

एप्‍पा चोङ्‌सा 16:2

लुस्‍त्‍रानुङ आइकोनियनबेॽहा चोप बिस्‍वासि वावानिसाजिडे़ॽ तिमोथि नुबा याॽमि मिॽटुजे।

रोमि 5:4

योङ आङ्‌हेमे बोलडे़ॽ कानिङ नुबा बानि बेहोराबेॽ परिपक्‍का टोङ्‌इये, मोबा मोसे़ॽनोॽ कानिङ्‌बेॽ मुक्‍तिमि आसा लेङ्‌इये।

१ कोरिन्‍थि 16:10

तिमोथि हे़निङ्‌बेॽ लेम्‍माबेॽ खो हे़निङे़ॽ टाङ्‌बामि निसाडोॽ ले़ःॽनुङ पेम्‍मिॽमे। इन्‍ढोङ्‌होङ खोसे़ॽसो के़ॽडोक्‍नोॽ परभुमि योम्‍बोक ले़ःॽमे़ॽसिन्‍डुए।

१ कोरिन्‍थि 4:17

मोडोगे़ॽ के़ॽ तिमोथि हे़निङ्‌बेॽ पाङ्‌इटुङे। खो परभुबेॽ के़ॽ नम्‍नम ले़ःॽपॽआ बिस्‍वासिनुङ्‌मा पसा ले़ये। के़हा चोप ठाउँबेॽनुङ खिरिस्‍टमि चोप मन्‍डलिबेॽ इःॽपॽआडोक्‍नोॽ खिरिस्‍टबेॽ काङ्‌मि हिङ्‌मवा इन्‍डोॽ ले़ये लुमे चोप खा हे़निङ खोसे़ॽ इःबेये।

२ कोरिन्‍थि 2:9

के़ॽ लुबॽआ हे़निङे़ॽ खसिन्‍डानिङेन्‍डे खसिसानिङ्‌ने लुनुङ हे़निङ जाँच ले़ःॽमामि लागिनोॽ मो पत्‍रा साबुङे।

२ कोरिन्‍थि 8:22

मोडोगे़ॽ तितसनुङ मो निसा मोबा हाइको इक्‍को निसासो पाङ्‌मे़ॽनिङ्‌सिन्‍डुङ्‌मे, मो निसासो कानिङे़ॽ बेॽलोखेॽ खाक्‍सुङ्‌मा खो चोप योम्‍बोकपेॽ सानिङ पाङ्‌नुये, खोसे़ॽ हे़निङ्‌बेॽ बेॽए भरोसा ले़न्‍डुएनुङ आइ हे़निङ योम्‍बोक ले़ःॽमाराप्‍मा छना बेॽलो मिङ्‌इये।

२ कोरिन्‍थि 8:24

हे़निङे़ॽ ले़ःॽपॽआ नम्‍नममि टुम्‍बेॽ के़ॽ गरब ले़ए़टुङे, मोमि परमान हे़निङे़ॽ माहा निसाजिसो नम्‍नम ले़ःॽनुङ मन्‍डलिमि रुम्‍बेॽ खाङ्‌मुसानुमे।

२ कोरिन्‍थि 8:8

के़ॽ इगो खा आग्‍या ले़ःॽपॽआ ने़ॽनि, तर हाइखाजिमि जोसनुङ सोरि योम्‍नुङ हे़निङे़ॽ हाइखाजि ले़ःॽपॽआ नम्‍नम चाइबमा ले़येन्‍डे ले़ःॽनिबा लुनुङ लेडोक्‍मामि लागि इडोॽ ले़ःॽपॽआ ले़ये।

फिलिप्‍पि 1:12

वावानिसानुङ नानुसाजि, हे़निङे़ॽ इगो खा लेसानुमे लुनुङ के़ॽ मिॽइनुङे। कासोक्‍पेॽ लेम्‍बॽआ इघा चुङ्‌जामा खेःडे़ॽको छना बेॽलो सुसमाचार परचार लिमा राप्‍मिटे़।

फिलिप्‍पि 1:16

सुसमाचार जोगा ले़ःॽमामि लागिनोॽ का इगोबेॽ टुङे लुनुङ लेघुबाजिडे़ॽ चाहिँ परचारमि योम्‍बोक नम्‍नमनुङ ले़न्‍डुजे।

फिलिप्‍पि 1:5

इन्‍ढोङ्‌होङ हे़निङ याक्‍लोएबाङ आयुरोसो सुसमाचार परचार ले़ःॽमे योम्‍बोकपेॽ कानुङ सोरि टुन्‍डानिङ।

फिलिप्‍पि 1:7

हे़निङ चोपमि टुम्‍बेॽ मोडोॽ मिॽमा के़ॽ नुबा मिॽटुङ, इन्‍ढोङ्‌होङ हे़निङ काङ्‌मि निवाहोङ्‌सिॽयु युङ्‌इटुङे। आयु का तिरिङ्‌गा खिमबेॽ से़क्‍सिघे़ॽमाबेॽसो, याक्‍लो सुसमाचार पक्‍का ले़ःॽमाबेॽसो इगो निच्‍चि बेलानोॽ निवाहाङ्‌मि अनुग्‍रहाबेॽ हे़निङ कानुङ सोरि येःबानिङे।

फिलिप्‍पि 2:20

हे़निङ्‌मि लागि चइबानोॽ सुरता ले़ःॽखुबा तिमोथिबाङ हाइखा याॽमि कानुङ असासो माॽआम्‍मे।

१ तिमोथि 1:18

खेप्‍से, हे़न के़ए़न्‍नोॽ पसाडोॽमा तिमोथि, बेॽलो याक्‍लो हे़ने़ए़ टुम्‍बेॽ निवाहाङ्‌बाङ्‌ए खाडे़ॽ लुबॽआडोॽ के़ॽ हे़न मिन्‍डुहा खा लुन्‍ने़। नुबा योम्‍बोक ले़ःॽमामि निवाहाङ्‌डे़ॽ लुबॽआ मो खाबाङ हौसला चुप्‍नुङ सुसमाचारमि लागि नुरोॽ ङे ले़टे।

१ तिमोथि 1:2

काङ्‌मिडोॽमा बिस्‍वास काप्‍खुबा चइबानोॽ पसाडोॽमा तिमोथि हे़न इगो पत्‍रा साप्‍मे़ॽनिङ्‌सिन्‍ने़। निवाहाङ पाबानुङ कानिङ्‌मि परभु येसु खिरिस्‍टडे़ॽ हे़न अनुग्‍रहा, किरपानुङ सान्‍ति पिरो।

१ तिमोथि 4:6

इघा खा हे़ने़ॽ बिस्‍वासि वावानिसाजिसो इःडुजिहोङ, हे़न खिरिस्‍ट येसुमि नुबा योम्‍बोकदाङ्‌बा लिये। मो खा हे़ने़ॽ खाङ्‌मुन्‍डुए हाम्‍बे बिस्‍वासबेॽ हे़न वाबुइटे़ मो नुबा खा पालना ले़ःॽए़टुए।

२ तिमोथि 1:2

के़ए़न्‍नोॽ पसाडोॽमा तिमोथि हे़न इगो पत्‍रा साप्‍मे़ॽनिङ्‌सिन्‍ने़। कानिङ्‌मि निवाहाङ पाबानुङ परभु येसु खिरिस्‍टडे़ॽ अनुग्‍रहा, किरपानुङ सान्‍ति हे़न पिरो।

२ तिमोथि 3:10

तर के़ॽ हे़न इःॽपॽआ सिक्‍छे नुरोॽ लेन्‍डुहा, के़हा बानि, के़ए़ हिङ्‌मवामि लक्‍छे, के़ए़ बिस्‍वास, काबेॽ टुये खेः आङ्‌मे बोल, के़ए़ नम्‍नम, काबेॽ टुये हुङ्‌हेमे बोल हे़ने़ॽ लेन्‍डुए।

तितस 1:4

इक्‍को बिस्‍वासबेॽ टुये के़ए़ चाइबमा पसाडोॽमा तितस, निवाहाङ पाबानुङ मुक्‍तिदाङ्‌बा खिरिस्‍ट येसुबाङ अनुग्‍रहानुङ सान्‍ति।