फिलिप्‍पि 2:21 - याम्फु

²¹ हाइखाजिडे़ॽको टाङ्‌बे़ॽ मिॽपॽआ खामिरेॽ ले़ख्‍खो ले़न्‍डुजे, येसु खिरिस्‍टडे़ॽ मिॽपॽआ खामि ले़ख्‍खोनोॽ ले़टुजिने।

फिलिप्‍पि 2:21 Cross References

मत्‍ति 16:24

मोबा ए़क्‍साङ येसुडे़ॽ टाङ्‌बामि चोङ्‌साजि लुसुजि, “काङ्‌मि चोङ्‌सा लिमा मिॽखुबे़ॽ टाङ्‌बा मिन्‍डेॽमा खे़येनुङ टाङ्‌बामि काप्‍सिङ खिमानुङ कानुङ राम्‍म खे़ये।

लुका 14:26

“के़ए़ चोङ्‌सा लिमा मिॽखुबाजिडे़ॽ टाङ्‌बामि पाबा मामा, बनिमा, पसाजि, वावानिसा, नानुसानुङ खोमटाङ्‌बाबाङ्‌सो बेॽलो का नम्‍नम ले़ःॽमा खे़ये, मोबारेॽ खो के़ए़ चोङ्‌सा लिहेये।

एप्‍पा चोङ्‌सा 13:13

मोबा पावलनुङ खोमि लङ्‌गामजि पाफोसबाङ योङा जहाजबेॽ साङ्‌नुङ पाम्‍फेलिया ठाउँमि परगा लुमे सहरबेॽ रुक्‍टाजु। मोबाङ मरकुस लुमे युहन्‍नाडे़ॽ, पावलनुङ बारनाबास याःॽयानुङ, यरुसलेमलाम टेघडा।

एप्‍पा चोङ्‌सा 15:38

तर पावलडे़ॽ मरकुस चिॽखे़ॽमा मे़मिॽटु इन्‍ढोङ्‌होङ खोसे़ॽ याक्‍लोसो निवाहाङ्‌मि योम्‍बोक मे़येॽलेॽ खोजि याःॽयानुङ खो पामफिलिया लुमे ठाउँबाङ टेघे़ॽपॽआ ले़टे़।

१ कोरिन्‍थि 10:24

असे़ॽसो टाङ्‌बामि लागि नुबा लिहा खा ने़ॽनि तर हाइखाजिमि लागि नुबा लिये खा योक्‍मा खे़ये।

१ कोरिन्‍थि 10:33

के़ॽ हाइखा चोपमि लागि चोप नुबा योम्‍बोक ले़ःॽमा योॽइनुङे। हे़निङे़ॽसो के़ॽ ले़टिडोक्‍नोॽ ले़टानुमे। माहा योम्‍बाक काङ्‌मि लागि ने़ॽनि, तर बेॽलो याॽमिजिमि नुबामि लागि ले़नुङे, मो योम्‍बोकबाङ खोजिडे़ॽ मुक्‍ति चुप्‍हेसुजिरो।

१ कोरिन्‍थि 13:5

नम्‍नम ले़ःॽखुबा याॽमि मङे़ॽमा रामबेॽ राम्‍निबा, टाङ्‌बामिनोॽ खाबेॽ येॽयेॽ कानिबा, फोरेन्‍नोॽ सुरके़ॽनिबा, हाइखाजिडे़ॽ खो मङे़हा ले़ःॽपॽआ खा निवाबेॽ युक्‍सुनिबा।

२ कोरिन्‍थि 1:5

इन्‍डोक कानिङ खिरिस्‍टमि लागि कस्‍ट आङ्‌इन्‍डुङ्‌मे, मोडोक्‍नोॽ खिरिस्‍टबाङ कानिङे़ॽ बेॽलो सान्‍त्‍वना चुप्‍मिन्‍डुङ्‌मे।

फिलिप्‍पि 2:4

हे़निङे़ॽ टाङ्‌बामिरेॽनोॽ नुबा ने़ॽनि, तर हाइखाजिसो नुबा लिये खा मिडानुमे।

२ तिमोथि 1:15

एसियाबेॽ टुघुबा चोप याॽमिजि काबाङ कोघे़ॽपॽआ खागो हे़ने़ॽसो लेन्‍डुए। माहाजिबेॽ फुगेलसनुङ हरमोगेनससो ले़न्‍जे।

२ तिमोथि 3:2

इन्‍ढोङ्‌होङ मोडोक्‍पेॽहा याॽमिजि टाङ्‌बारेॽनोॽ नम्‍नम ले़ःॽखुबा, याङ्‌मि बेॽलो लोभ ले़ःॽखुबा, काङायोङ्‌बा, लुबॽआ खा मे़ङ्‌खेम्‍खुबा, हाइखाजि बेजेत ले़ःॽखुबा, पाबा मामामि खा मे़ङ्‌खेम्‍खुबा, बैगुनि, असुद्‌ध,

२ तिमोथि 4:10

डेमासडे़ॽ इगो मक्‍खाम्‍डेम नम्‍नम मिॽइन्‍डुए, का याःॽयानुङ खो थेस्‍लोनिकिबेॽ खे़ॽए़टे़। मोबा केरेसेन्‍स गलातियाबेॽ खे़ॽए़टे़। तितस चाहिँ दलमतियाबेॽ खे़ॽए़टे़।

२ तिमोथि 4:16

तर का याक्‍लोएखेॽ मुद्‌दा सिॽमाबेॽ असासो के़ए़ पक्‍छेबेॽ यामुघुबाजि माडामि। चोबे़ॽ का याःॽयासामि। इगो खामि आप्‍टिक खोजि असासोक्‍पेॽसो मे़न्‍सिॽलो।