फिलिप्‍पि 2:14 - याम्फु

¹⁴ चोप योम्‍बोक कुनुक कुनुक मे़ङ्‌कारेॽ अथबा मे़ङ्‌खिरेॽ ले़टानुमे।

फिलिप्‍पि 2:14 Cross References

मत्‍ति 20:11

माहा याक्‍लो लेङ्‌खुबा खेत्‍लाजि नमयाक टाःप्‍नुङ, अङ्‌गुर सोङ्‌रादाङ्‌बामि बिरोधबेॽ कुनुॽकुनॽ काबोगामि।

मरकुस 14:5

इघा केवा इन्‍जानुङ गरिबजि हाबेॽमा नुडे़।” लुनुङ माहाजिडे़ॽ मो मेॽनामिॽ वोबुजि।

मरकुस 9:14

खोजि हाइखा चोङ्‌साजि टुढामबेॽ लेम्‍माबेॽको बेॽलो याॽमिजि सुम्‍बॽआ ले़टामि, खोजिनुङ यहुदि धारमिक नियम इःॽखुबाजि छलफल ले़ःॽमे़ॽनिङ्‌सिबॽआ खाङ्‌डोक्‍टु।

लुका 5:30

फरिसिनुङ यहुदि धारमिक नियम इःॽखुबाजिडे़ॽ येसुमि चोङ्‌साजिनुङ कुनुक-कुनुक कासाङ लुसुजि, “हे़निङ इन्‍ढोङ्‌डे मे़क्‍चेन लाघुबाजि, मोबा हाइखा पापि याॽमिजिनुङ सोरि पेन्‍नुङ चान्‍डानिङे ?”

एप्‍पा चोङ्‌सा 15:2

इडोक्‍हा सिक्‍छे खेम्‍नुङ पावलनुङ बारनाबास माहाजिनुङ बेॽलो काघुसे़ॽ चुसाजि। मोडोगे़ॽ मोबेॽहा वावाजिडे़ॽ पावल, बारनाबासनुङ हाइखा इन्‍डोक जनाजि इगो खामि फसेला ले़ःॽसिॽ यरुसलेमबेॽ पेङ्‌घुबा एप्‍पा चोङ्‌साजिनुङ मन्‍डलिबेॽहा एलडरजिबेॽ खे़ॽमे निधो ले़टुजि।

एप्‍पा चोङ्‌सा 15:39

मो खाबेॽ पावलनुङ बारनाबासमि रुम्‍बेॽ बेॽलोनोॽ खा लिसा मोबा खोजि फक्‍खडाजि। बारनाबासडे़ॽ चाहिँ मरकुस चिक्‍मानुङ माहोङ्‌मामि राम लिसाङ साइपरस लुमे पोङ्‌बोङ्‌मालाम खडा।

एप्‍पा चोङ्‌सा 15:7

मोबेॽ बेॽलो खा लिबॽआसे़ॽ पत्‍रुस येपोक्‍नुङ लुसु, “होउ वावानिसाजि, हे़निङे़ॽ लेन्‍डानुम, अयहुदि जातिजिडे़ॽ परभु येसुमि सुसमाचार खेम्‍नुङ बिस्‍वास ले़टुजिरो मोबा माहाजिडे़ॽ मुक्‍ति चुप्‍टुजिरो लुनुङ निवाहाङ्‌डे़ॽ का हे़निङ्‌मि रुम्‍बाङ्‌नोॽ बेॽलो याक्‍लो से़म्‍बॽआ ले़टे़।

एप्‍पा चोङ्‌सा 6:1

मोडोक्‍पेॽ परभु येसुबेॽ बिस्‍वास ले़ःॽखुबाजि बेॽलो लिमे़ॽनिङ्‌सिडामे। मोडोक्‍पेॽनोॽ हिब्‍रु खाप्‍ला यामुघुबाजिनुङ गिरिक खाप्‍ला यामुघुबाजि कुनुक्‍कुनक काबोगामि। इन्‍ढोङ्‌होङ सानिङ्‌नोॽ चामे खा हाःमाबेॽ “कानिङ्‌हा राङ्‌मिॽमाजिडे़ॽ उक्‍खारो मे़न्‍चुप्‍टुजि”।

रोमि 12:18

हेःरो चोप याॽमिजिनुङ टोङ्‌जासानिङे।

रोमि 14:1

बिस्‍वासबेॽ थोःप्‍थोप ले़ःॽखुबा बिस्‍वासिजि आप्‍टिक मे़न्‍डिरेॽ नम्‍नम ले़ःॽनुङ टाङ्‌बामि सङ्‌गतिबेॽ स्‍वागत ले़टानुमे।

रोमि 16:17

वावानिसानुङ नानुसाजि, के़ॽ हे़निङ बिन्‍ति ले़निम्‍ने़, हे़निङ्‌मि रुम्‍बेॽ खिमवा खा लाप्‍खुबा मोबा हे़निङे़ॽ चिम्‍बॽआ धारमिक नियममि बिरोधबेॽ सिक्‍छे इःॽनुङ हे़निङ्‌मि बिस्‍वासबेॽ फाङ्‌सेॽखुबा याॽमिजिबाङ होसियार ले़टानिङे। हे़निङ आक्‍टोॽहा याॽमिजिबाङ ओःनोॽ पेनानिङे।

१ कोरिन्‍थि 10:10

माहाजिडोॽ कानिङ कुनुक कुनुक कामा फे़न्‍निबा। माहाजिबेॽ इन्‍डोक जनाडे़ॽ मोडोॽ कुनुक कुनुक काबॽआसे़ॽ सिमवामि दुतडे़ॽ सेॽनेसुजि।

२ कोरिन्‍थि 12:20

का आक्‍कोबेॽ लेम्‍माबेॽ के़ॽ मिॽपॽआबाङ हे़निङ हाइकोनोॽ लिबॽआ, मोबा के़ॽ हे़निङे़ॽ मिॽपॽआबाङ हाइकोनोॽ बेबहार ले़ःॽमा खे़येन्‍डे मिॽनुङ किस्‍सिङे। हे़निङ्‌मि रुम्‍बेॽ खिमाचुमा, चेजेवा निवा, सुरिॽयाॽवा, टाङ्‌बामिरेॽ नुबा मिॽखुबा, हाइखाजि इःजाघुबा, इःजाघुसे़ॽचुबॽआ, बेॽए रे़ङ्‌बॽआनुङ गोलमाल लिटानिङेन्‍डे लुनुङ के़ॽ मिॽइनुङे।

गलाति 5:15

हे़निङ टाङ्‌बानोॽ नाम्‍भुङ्‌लाबेॽहा जिवातजिडोॽ हे़ःॽखुसे़ॽ चुन्‍डानिङ्‌होङ्‌गो होसियार ले़टानिङे, ने़ॽनिहोङ्‌गो हे़निङ टाङ्‌बा रुक्‍खे़न्‍डानिङ।

गलाति 5:26

कानिङे़ॽ इक्‍कोसे़ॽ हाइकोनुङ काङायोङ्‌बा रे़ङ्‌मा फे़न्‍निबा, सुरके़ॽमेॽमा फे़न्‍निबा, चेजेवा के़ॽमा फे़न्‍निबा।

फिलिप्‍पि 2:3

टाङ्‌बारेॽनोॽ नुबा लिये खा ए़योगानुमेनुङ काङायोङ्‌बा ए़लिसानिङे, तर ए़डेम्‍मा लिनुङ इक्‍कोसे़ॽ हाइको टाङ्‌बाबाङ बेॽएम्‍मा मिडानुमे।

१ थेस्‍लोनिकि 5:13

खोजिडे़ॽ ले़ःॽपॽआ योम्‍बोकमि लागि नम्‍नमनुङ खोजि बेॽए मान ले़टानुमे, मोबा आम्‍निटाङ्‌बा टोङ्‌जासानिङे।

१ थेस्‍लोनिकि 5:15

हे़न दुःख पिमिहोङ हे़ने़ॽसो खोसे़ॽडोक्‍नोॽ ए़ले़टे। सानिङ हे़निङ टाङ्‌बानुङ चोप याॽमिजिनुङ नुबा बेबहार ले़टानुमे।

हिब्‍रु 12:14

चोप याॽमिजिनुङ सान्‍तिबेॽ पेनानिङेनुङ पबित्‍रा लिनुङ हिङ्‌मामि बोल ले़टानिङे। पबित्‍रा मे़लिरेॽ असे़ॽसो परमपरभु खाङ्‌डोक्‍टुनिबा।

याकुब 1:20

इन्‍ढोङ्‌होङ याॽमि सुरके़ॽमे खाडे़ॽ निवाहाङ्‌मि धारमिक योम्‍बोकपेॽ बाधा पिये।

याकुब 3:14

तर हे़निङ्‌मि निवाबेॽ चेजेवानुङ स्‍वारथा खिमानुङ टाङ्‌बामि निवामि काङायोङ्‌बा लिसाङ चाइबमा खा मे़ॽनोक्‍मा ए़ॽटोक्‍सानुमे।

याकुब 5:9

वावानिसानुङ नानुसाजि इक्‍कोसे़ॽ हाइकोमि बिरोधबेॽ कुनुक कुनुक ए़क्‍कासानिङे। आक्‍टोॽ ले़टानुमहोङ हे़निङ आप्‍टिकनुङ्‌मा लिन्‍डानिङे। खाक्‍सानुमे, न्‍याय ले़ःॽखुबा के़क्‍पेॽनोॽ लेम्‍बेटे़।

१ पत्‍रुस 3:11

खो मङे़हा योम्‍बोक लेॽनुङ नुबा योम्‍बोकलाम टेमा खे़ये। खोसे़ॽ सान्‍तिनुङ्‌मा रामबेॽ राम्‍मा खे़ये।

१ पत्‍रुस 4:9

मोबा हे़निङ साप्‍थाङ्‌मानुङ इक्‍कोसे़ॽ हाइको टाङ्‌बामि खिमबेॽ स्‍वागत ले़ःॽखुसे़ॽचुसानिङे।

यहुदा 1:16

कुनु कुनुॽ काघुबाजि, बिसोन्‍तोकिजि, टाङ्‌बामि मङे़ॽमा निवाडे़ॽ लुबॽआ रामबेॽ राम्‍घुबाजि, काङायोङ्‌बा खा इःघुबाजिनुङ टाङ्‌बामि योम्‍बोकमि लागि नेदवा रे़ङ्‌घुबाजि इघाजिनोॽ ले़म्‍मे।