फिलिप्‍पि 2:1 - याम्फु

¹ इमा खिरिस्‍टबेॽ टुये हे़निङ्‌मि हिङ्‌मवाडे़ॽ हौसला चुप्‍मिटानुमे ? खोमि नम्‍नमबाङ हे़निङे़ॽ सान्‍ति चुप्‍मिटानुमे ? हे़निङे़ॽ पबित्‍रा होङ्‌निवामि सेवा सङ्‌गति ले़ःॽमे़ॽनिङ्‌सिन्‍डानुमे ? इमा हे़निङ इक्‍कोसे़ॽ हाइको बेॽलो नम्‍नम ले़ःॽखुसे़ॽचुन्‍डानिङे ?

फिलिप्‍पि 2:1 Cross References

लुका 2:25

मोडोक्‍पेॽ सिमियोन निङ ले़ःॽखुबा याॽमि यरुसलेमबेॽ पेने़। खो धरमि ले़टे़, निवाहाङ्‌मि खा नुरोॽ खेम्‍खुबा ले़टे़। खोसे़ॽ इस्‍राएलिजि मुक्‍ति पिघुबा इक्‍को याॽमि ले़ङ्‌इये लुनुङ राम खाङ्‌मे़ॽनिङ्‌सिडुए। खोनुङ पबित्‍रा होङ्‌निवा टुसे़।

युहन्‍ना 14:18

के़ॽ हे़निङ टुहुराडोॽ याःॽयासुङ्‌नि, का फेरि हे़निङ्‌बेॽ लेङ्‌इङे़।

युहन्‍ना 14:27

“के़ॽ हे़निङ्‌नुङ सान्‍ति याःॽयानुङे। के़ॽ काङ्‌मि सान्‍ति हे़निङ पिनिम्‍ने़। मो सान्‍ति इगो मक्‍खाम्‍डेमडे़ॽ पिबॽआडोॽमा ने़ॽनिबा। हे़निङ्‌मि निवा दुःखि मे़लिरो, मोबा मे़ङ्‌किस्‍सिरो।

युहन्‍ना 17:13

“तर हागो का हे़ने़ए़म्‍बेॽ के़ॽमे़ॽनिङ्‌सिङे। मोबा माहाजिमि निवा के़ए़ हाङ्‌हाङ्‌डे़ॽ टिबुरो लुनुङ के़ॽ इघा खा मक्‍खाम्‍डेमबेॽ का टुमाबेॽनोॽ लुमे़ॽनिङ्‌सिनुङे।

एप्‍पा चोङ्‌सा 2:46

खोजि इक्‍को निवा लिनुङ सानिङ्‌नोॽ मन्‍दिरबेॽ सुम्‍नुङ सङ्‌गति ले़टामे। खोजि खिम-खिमबेॽ सोरि पेन्‍नुङ साप्‍थाङ्‌मानुङ परभु भत्‍तेर चासामे।

एप्‍पा चोङ्‌सा 4:32

परभुबेॽ बिस्‍वास ले़ःॽखुबाजि इक्‍को निवा लिनुङ खोजिनुङ टुहा चोप थोक “असे़ॽसो इगो के़ए़” लुनुङ मे़लुसुजे, तर माहाजिमि चोप थोक साझा ले़टहा।

रोमि 5:5

मोबा कानिङे़ॽ चुप्‍पॽआ मो आसाडे़ॽ निरास टोङ्‌निबा, इन्‍ढोङ्‌होङ निवाहाङ्‌डे़ॽ कानिङ पिबॽआ पबित्‍रा होङ्‌निवाबाङ खोमि नम्‍नम कानिङ्‌मि निवा इॽठुप युङ्‌बेटे़।

रोमि 8:26

मोडोक्‍नोॽ पबित्‍रा होङ्‌निवाडे़ॽ कानिङ कमजोर लिमाबेॽ सहायता ले़ये। इन्‍डोॽ पारथना ले़ःॽमाबेॽ कानिङे़ॽ मे़लेबॽआ खा, पबित्‍रा होङ्‌निवाडे़ॽ कानिङे़ॽ लुहेनिबा पाराबेॽ निवाहाङ्‌नुङ बिन्‍ति ले़ःॽपिये।

१ कोरिन्‍थि 12:13

कानिङ बिस्‍वासिजिसो इक्‍कोनोॽ हिङाडोॽ ले़न्‍डिङ्‌मा, इन्‍ढोङ्‌होङ यहुदिहोङ्‌सो, गिरिक होङ्‌सो, सेउतेहोङ्‌सो, फुक्‍का होङ्‌सो कानिङ चोबे़ॽ इक्‍कोनोॽ पबित्‍रा होङ्‌निवाबाङ इक्‍कोनोॽ हिङाबेॽ बप्‍तिस्‍मा लाटुङ्‌मे़, मोबा चोबे़ॽ इक्‍कोनोॽ पबित्‍रा होङ्‌निवा चुप्‍मिटुङ्‌मे़।

१ कोरिन्‍थि 15:31

के़हा वावानिसानुङ नानुसाजि, कानिङ्‌मि परभु येसु खिरिस्‍टबेॽ हे़निङे़ॽ बिस्‍वास ले़ए़टानुमे इगो खा मिॽनुङ का काङायोङ्‌बा लिटिङे, मोबा “का चोप याक सिमा पोरोइङे।”

१ कोरिन्‍थि 3:16

इमा हे़निङ निवाहाङ्‌मि मन्‍दिर ले़न्‍डानिङे मोबा खोमि होङ्‌निवा हे़निङ्‌बेॽ पेङ्‌इये लुमे खा लेसानुम्‍ने ?

२ कोरिन्‍थि 13:14

परभु येसु खिरिस्‍टडे़ॽ हे़निङ अनुग्‍रहा ले़ःॽरो, निवाहाङ्‌मि नम्‍नमनुङ पबित्‍रा होङ्‌निवा हे़निङ्‌नुङ सानिङ टुडुङ्‌घे़ॽरो।

२ कोरिन्‍थि 2:14

निवाहाङ ओहाक पिमानोॽ खे़ये, इन्‍ढोङ्‌होङ खोसे़ॽ कानिङ सानिङ्‌नोॽ खिरिस्‍टमि बिजयबेॽ राम्‍मराप्‍मिये। खोमि निवामि नम्‍जानुये खा कानिङ्‌बाङ चोप ठाउँबेॽ टुप्‍इन्‍डुहा।

गलाति 4:6

कानिङ निवाहाङ्‌मिनोॽ पसाजि ले़न्‍डिङ्‌मा लुनुङ खाङ्‌मुमामि खोसे़ॽ टाङ्‌बामि पसामि होङ्‌निवा कानिङ्‌मि निवाबेॽ युङ्‌बेॽटा। मो होङ्‌निवाडे़ॽ ले़ःॽमे़ॽ कानिङ्‌मि निवाडे़ॽ “हे अब्‍बा, हे पाबा” लुन्‍डुए।

गलाति 5:22

पबित्‍रा होङ्‌निवामि चा लुबॽआ चाहिँ इघा ले़हा-नम्‍नम ले़ःॽमा, हाङ्‌हाङ लिमा, याॽमिजिनुङ टोङ्‌जामा, निवा अधिनबेॽ युङ्‌मा, नम्‍नावा ले़ःॽमा, भलाइमि योम्‍बोक ले़ःॽमा, भरोसानुङ्‌मा लिमा,

एफिसि 4:4

निवाहाङ्‌डे़ॽ हे़निङ इक्‍को खाबेॽ आसा पिडिडोॽ, बिस्‍वास ले़ःॽखुबाजि चोप खिरिस्‍टमि इक्‍को हिङा ले़ये। मोबा पबित्‍रा होङ्‌निवासो इक्‍कोनोॽ ले़ये।

फिलिप्‍पि 1:8

चइबानोॽ के़ॽ हे़निङ्‌नुङ चुप्‍मानुङ सोरि पेम्‍मा सारोनोॽ मिॽपॽआ खा निवाहाङ्‌डे़ॽ लेन्‍डुए, इन्‍ढोङ्‌होङ खिरिस्‍ट येसुडे़ॽ हे़निङ नम्‍नम ले़टिडोक्‍नोॽ के़ॽसो हे़निङ नम्‍नम ले़ए़निम्‍ने़।

फिलिप्‍पि 3:3

इन्‍ढोङ्‌होङ चाइबमा खतना ले़ःॽखुबाजिगो कानिङ्‌गोरे ले़न्‍डिङ्‌मा, कानिङे़ॽ निवाहाङ्‌मि होङ्‌निवाबाङ खोमि ओहाङ ले़न्‍डुङ्‌मा। खिरिस्‍टबेॽ गरब ले़न्‍डिङ्‌मा मोबा याॽमिडे़ॽ टोङ्‌बॽआ रितिथितिबेॽ भरोसा ले़टुङ्‌मानि। चाइबमा खतनानुङ्‌हा चाहिँ कानिङ ले़न्‍डिङ्‌मा।

कलस्‍सि 2:2

खोजिडे़ॽ साहस चुप्‍नुङ मोबा खोजिटाङ्‌बामि रुम्‍बेॽ नम्‍नम ले़चामिरो लुनुङ्‌नोॽ के़ॽ इडोॽ ले़ए़टुङे। मोडोगे़ॽ खोजि नुबानुङ मङे़ॽमा निवाबेॽ पक्‍का लिनुङ निवाहाङ्‌मि लेमा छॽइये खा लेमे निवा अथबा खिरिस्‍ट नुरोॽ लेहेखुबाजि लिहेम्‍मे।

कलस्‍सि 3:12

हे़निङ्‌नोॽ निवाहाङ्‌डे़ॽ नम्‍नम ले़ःॽपॽआनुङ से़म्‍बॽआ पबित्‍रा याॽमिजि ले़न्‍डानिङ। मोडोगे़ॽ हे़निङ सानिङ नम्‍नम ले़ःॽखुबा, नम्‍नावा ले़ःॽखुबा, ए़डे़म्‍मा लिघुबानुङ सोझो सहनसिल लिसानिङे।

हिब्‍रु 6:18

हागो निच्‍चि खा टुहा, माहा फेङ्‌घे़ॽनिहा खामि टुम्‍बेॽ निवाहाङ मे़ॽनोॽमा लिनिबा। मोडोगे़ॽ खोबेॽ बिस्‍वास ले़ःॽखुबाजिडे़ॽ कानिङ्‌मि पोम्‍बेॽ युङ्‌बॽआ आसा ले़टुङ्‌घे़ॽमे़ हौसला चुप्‍मिटुङ्‌मे।

१ पत्‍रुस 1:2

याक्‍लोएम्‍बाङ्‌नोॽ निवाहाङ पाबाडे़ॽ हे़निङ खोमि याॽमिजि लिमामि से़ना, खोमि होङ्‌निवाडे़ॽ हे़निङ पबित्‍रा टोक्‍सा। मोडोगे़ॽ हे़निङे़ॽ येसु खिरिस्‍टमि खा खेम्‍इन्‍डानुमेनुङ खोमि हरिडे़ॽ हे़निङ चोखो लिटानिङे। निवाहाङ्‌डे़ॽ हे़निङ बेॽलो बेॽलो अनुग्‍रहानुङ सान्‍ति पिरो।

१ युहन्‍ना 3:24

खोमि आग्‍या पालना ले़ःॽखुबाजि चोप निवाहाङ्‌बेॽ टुम्‍मेनुङ खो माहाजिबेॽ पेङ्‌इये। इडोॽ निवाहाङ कानिङ्‌बेॽ टुये खा खोसे़ॽ पिबॽआ पबित्‍रा होङ्‌निवाडे़ॽ लेमाराप्‍मिये।

१ युहन्‍ना 4:12

निवाहाङ असे़ॽसो इन्‍डोक्‍पेॽसो मे़ङ्‌खाङ्‌डिॽ। कानिङे़ॽ इक्‍कोसे़ॽ हाइको नम्‍नम ले़ःॽटुङ्‌माहोङ निवाहाङ कानिङ्‌बेॽ टुयेनुङ खोमि नम्‍नम कानिङ्‌बेॽ खाङ्‌मुये।

१ युहन्‍ना 4:16

इडोॽ निवाहाङ्‌डे़ॽ नम्‍नम ले़ःॽपॽआ खा कानिङे़ॽ लेन्‍डुङ्‌मानुङ मोबाङ्‌नोॽ बिस्‍वास ले़न्‍डुङ्‌मा। निवाहाङ नम्‍नम ले़ये, मोडोगे़ॽ असाबेॽ नम्‍नम सानिङ टुये मो याॽमिबेॽ निवाहाङ टुये।