फिलिप्‍पि 1:20 - याम्फु

²⁰ के़ॽ मिॽइटुङेनुङ आसा ले़ए़टुङे का इन्‍डोक्‍पेॽसो ङेम्‍मा सिॽङानि। के़ॽ सिघे़ॽमा सिॽहोङ्‌सो, का हिङ्‌डोक्‍ङाहोङ्‌सो का बेॽलो साहसि लिङेनुङ सानिङ्‌डोक्‍नोॽ आयुसो काङ्‌मि हिङ्‌मवाबाङ खिरिस्‍टमि सम्‍मान लिये।

फिलिप्‍पि 1:20 Cross References

युहन्‍ना 21:19

(इगो खा येसुडे़ॽ लुमाबेॽ पत्‍रुसडे़ॽ निवाहाङ्‌मि आदरनुङ महिमा ले़ःॽमामि इन्‍डोक सिमा खे़ये लुमे खा इःमे़ॽनिङ्‌डुए) मोबा ए़क्‍साङ येसुडे़ॽ पत्‍रुस लुसु, “कानुङ राप्‍से।”

एप्‍पा चोङ्‌सा 20:24

तरसो के़ए़ हिङ्‌मवागो काङ्‌मि लागि इमाङ्‌सो योम्‍बोक ले़ःॽनिबा। के़ॽ मिॽपॽआ इगोरेॽनोॽ टुये निवाहाङ्‌डे़ॽ चोप याॽमिजि अनुग्‍रहा ले़ए़टे़ लुमे सुसमाचार चोप ठाउँराजि खेम्‍मेहेमा। इगो योम्‍बोक चाहिँ का परभु येसुडे़ॽ ले़ःॽमा लुटिङे।

एप्‍पा चोङ्‌सा 21:13

तर पावलडे़ॽ इडोॽ लुसा, “हे़निङे़ॽ हाःप्‍नुङ इन्‍ढोङ के़ए़ निवा निरास टोङ्‌इन्‍डानुमे ? कागो यरुसलेमबेॽ खे़ॽनुङ हिःक्‍चिमुमारेॽनोॽ ने़ॽनि, तर परभु येसुमि लागि सिघे़ॽमासो राजि ले़ङे।”

एप्‍पा चोङ्‌सा 4:31

माहाजिडे़ॽ निवाहाङ्‌नुङ पारथना ले़ःॽसेॽनुङ ए़क्‍साङ माहाजि सुम्‍बॽआ ठाउँबेॽ रुॽमि लेम्‍बॽआडोॽ सोक्‍सा। मोबा माहाजि चोपबेॽ पबित्‍रा होङ्‌निवामि सक्‍ति लेस्‍सा, मोबा निवाहाङ्‌मि बचन मे़ङ्‌किस्‍सिरेॽ याॽमिजिडे़ॽ खेम्‍मेॽपोगुजि।

रोमि 12:1

मोडोगे़ॽ के़हा वावानिसानुङ नानुसाजि, निवाहाङ्‌डे़ॽ हे़निङ बेॽलो नम्‍नम ले़ःॽपॽआसे़ॽ बिन्‍ति ले़निम्‍ने़। हे़निङ टाङ्‌बामि हिङ्‌मवा पबित्‍रानुङ निवाहाङ्‌डे़ॽ नेन्‍जामारोमा हिङ्‌रिक बलिदान चेॽटिसानुमे। हे़निङ्‌मि होङ्‌निवाडे़ॽ ले़ःॽमा खे़ये चाइबमा ओहाङ चाहिँ इगोनोॽ ले़ये।

रोमि 5:5

मोबा कानिङे़ॽ चुप्‍पॽआ मो आसाडे़ॽ निरास टोङ्‌निबा, इन्‍ढोङ्‌होङ निवाहाङ्‌डे़ॽ कानिङ पिबॽआ पबित्‍रा होङ्‌निवाबाङ खोमि नम्‍नम कानिङ्‌मि निवा इॽठुप युङ्‌बेटे़।

रोमि 6:13

हे़निङ्‌मि हिङाबेॽहा अङ्‌ग हागो पापि योम्‍बोकपेॽ ए़ॽटिसानुमे। मोमि साटो हे़निङ सिबॽआबाङ हिङ्‌बोक्‍पॽआ याॽमिडोॽ टाङ्‌बा निवाहाङ्‌डे़ॽ नेन्‍जामे योम्‍बोकपेॽ टिसानुमे। हे़निङ्‌मि हिङामि चोप अङ्‌ग धारमिक योम्‍बोक ले़ःॽमामि पिबेसानुमे।

रोमि 6:19

हे़निङे़ॽ लेहेसानुमे लुनुङ्‌नोॽ के़ॽ हे़निङे़ॽ लेमे खाप्‍लाबेॽ मायोङ्‌बानुङ सेउतेमि नमुना पिनुङ लुमे़ॽनिङ्‌सिनिम्‍ने़। इन्‍ढोङ्‌होङ याक्‍लो इक्‍खेॽ हे़निङे़ॽ टाङ्‌बामि हिङ्‌मवा चिक्‍चिमिॽमारोमा योम्‍बोकपेॽनुङ बेॽलो पापि योम्‍बोकपेॽ टिनुङ मोमि सेउतेडोॽ लिसानिङे। तर हागोएम्‍बाङ ए़क्‍साङ चाहिँ निवाहाङ्‌मि पोम्‍बेॽ नुबा योम्‍बोक ले़ःॽखुबा सेउतेडोॽ लिनुङ खोबेॽ हे़निङ्‌मि हिङ्‌मवा पबित्‍रा लिसाङ पिबेसानुमे।

रोमि 8:19

सिरिस्‍टिडे़ॽ सारोनोॽ आसा ले़ःॽनुङ निवाहाङ पाबामि पसाजि खाङ्‌मुये याक हुङ्‌मे़ॽनिङ्‌सिन्‍डुए।

रोमि 9:33

मोबा खिरिस्‍टमि टुम्‍बेॽ निवाहाङ्‌डे़ॽ लुडिडोक्‍नोॽ धारमिक नेॽचिराबेॽसो इडोक्‍नोॽ साप्‍पॽआ ले़ये, “खाक्‍सानुमे के़ॽ सियोनबेॽ इक्‍को रुङ्‌गोॽवा युङ्‌इनुङे, मोबेॽ बेॽलो याॽमिजिमि सराङ रोःक्‍नुङ काङ्‌इम्‍मे। तर खोबेॽ बिस्‍वास ले़ःॽखुबाजि असासो ङेसिमाबेॽ सिॽमिनिबा।”

१ कोरिन्‍थि 15:31

के़हा वावानिसानुङ नानुसाजि, कानिङ्‌मि परभु येसु खिरिस्‍टबेॽ हे़निङे़ॽ बिस्‍वास ले़ए़टानुमे इगो खा मिॽनुङ का काङायोङ्‌बा लिटिङे, मोबा “का चोप याक सिमा पोरोइङे।”

१ कोरिन्‍थि 6:20

हे़निङ निवाहाङ्‌डे़ॽ मोल फोङ्‌नुङ इम्‍बॽआ ले़ये। मोडोगे़ॽ हे़निङे़ॽ टाङ्‌बामि हिङाडे़ॽ निवाहाङ्‌मि महिमा ले़टानुमे।

१ कोरिन्‍थि 7:34

इडोक्‍मा याॽमिमि निवा निच्‍चिलाम खे़ये। मोडोक्‍नोॽ फुङ्‌सया मे़ले़ःॽपॽआ मेॽनामिॽडे़ॽ खोमि हिङानुङ निवा चोप परभुमिनोॽ लुनुङ मो खाबेॽ निवा टिन्‍डुए। तर फुङ्‌सया ले़ःॽपॽआ मेॽनामिॽडे़ॽ चाहिँ टाङ्‌बामि बनिबा इन्‍डोॽ साप्‍थाङ्‌मेॽमे़ लुनुङ मक्‍खाम्‍डेमबेॽहा खाबेॽ निवा टिन्‍डुए।

२ कोरिन्‍थि 10:8

परभुडे़ॽ का पिबॽआ अधिकारमि खाबेॽ के़ॽ बेॽहा खा इःसुङ्‌होङ्‌सो ङेसिङानि, इन्‍ढोङ्‌होङ काङ्‌मि अधिकार हे़निङ नास ले़ःॽमामि लागि ने़ॽनि, तर हे़निङ नुबा याॽमिजि टोङ्‌मामि लागि ले़ये।

२ कोरिन्‍थि 3:12

इडोॽ कानिङ्‌बेॽ इगो आसा टुबॽआसे़ॽ कानिङ बेॽलो आँटिलो लिटिङ्‌मे़।

२ कोरिन्‍थि 4:10

येसुमिडोॽमा हिङ्‌मवा कानिङ्‌बेॽ खाङ्‌मुरो लुनुङ खोसे़ॽ आङ्‌बॽआडोॽमा खेः सानिङ कानिङ्‌मि हिङ्‌मवाबेॽ आङ्‌इन्‍डुङ्‌मे।

२ कोरिन्‍थि 5:15

खो चोप याॽमिजिमि लागि सिसा, हागो खोबेॽ बिस्‍वास ले़ःॽखुबा चोप याॽमिजि खोजिमि लागि सिनुङ हिङ्‌बोक्‍खुबामि लागि हिङ्‌मा खे़ये।

२ कोरिन्‍थि 7:14

के़ॽ तितसनुङ हे़निङ्‌मि टुम्‍बेॽ बेॽहा खा इःसुङ मो खाबेॽ हे़निङे़ॽ का निरास मे़न्‍टोक्‍सानिङ। कानिङे़ॽ हे़निङ्‌नुङ सानिङ चाइबमा खा इःसुङ्‌मा। मोडोक्‍नोॽ कानिङे़ॽ तितसनुङ इःबॽआ बेॽहा खासो चाइबमानोॽ लिसा।

२ कोरिन्‍थि 7:4

हे़निङ्‌बेॽ के़ए़ बेॽए भरोसा टुये। हे़निङ्‌बेॽ का सारोनोॽ गरब ले़नुङे। हे़निङ्‌बाङ के़ॽ बेॽलो बोल चुप्‍मिटुङे। कानिङ्‌मि चोप खेःबेॽ का बेॽलो हाङ्‌हाङ ले़ङे।

फिलिप्‍पि 1:14

मोबा के़हा बेॽलो वावानिसाजि का से़क्‍सिघे़ॽमाबेॽ खोजि परभुबेॽ बोलियो लिटामे, मोबा मे़ङकिस्‍सिरेॽ निवाहाङ्‌मि बचन खेम्‍मेॽमामि लागि आँटिलो लिटामे।

फिलिप्‍पि 2:17

हे़निङे़ॽ परभुबेॽ ले़ःॽपॽआ बिस्‍वासनुङ निवाहाङ्‌मि योम्‍बोक चाहिँ बलिदानडोॽ ले़ये, मोबेॽ काङ्‌मि हिङ्‌मवामि बलि पिमा सिॽसो का साप्‍थाङ्‌इङे। इगो साप्‍थाङ्‌मे खाबेॽ हे़निङ्‌सो कानुङ सोरि साप्‍थाक्‍सानिङे।

कलस्‍सि 1:24

हागो के़ॽ हे़निङ्‌मि लागि साप्‍थाङ्‌मानुङ दुःख आङ्‌इनुङे, इन्‍ढोङ्‌होङ खिरिस्‍टमि हिङा मन्‍डलिमि लागि, खोबाङ एम्‍बॽआ दुःखमि लागि काङ्‌मि हिङाबेॽ आङ्‌नुङ पुरा ले़नुङे।

१ थेस्‍लोनिकि 5:23

सान्‍तिदाङ्‌बा निवाहाङ्‌डे़ॽ हे़निङ पबित्‍रा युक्‍सुरो। कानिङ्‌मि परभु येसु खिरिस्‍ट मे़लेङ्‌रो हे़निङ्‌मि होङ्‌निवा, हिङा, सोःक्‍मा आप्‍टिक मे़ॽनिङ्‌मा लिरो।

१ पत्‍रुस 4:16

तर खिरिस्‍टियान लिबॽआसे़ॽ दुःख आङ्‌मासिॽहोङ ए़ङेसिडानिङे। तर खिरिस्‍टमि लिडोक्‍पॽआसे़ॽ निवाहाङ ओहाक पिसानुमे।

१ युहन्‍ना 2:28

के़हा नानिजि, खोमि बिस्‍वासबेॽ सानिङ पेनानिङे, खो खाङ्‌मुमाबेॽ कानिङे़ॽ बोल चुप्‍मिन्‍डुङ्‌मे, मोबा खो लेम्‍मे याकपेॽ खोमि पोम्‍बेॽ कानिङ ङेसिमा पाप्‍निबा।