Daniel 7:19 - Ja yab'al ja Dyosi

^19-23 Cho job'o yi ja winik jawi jasyuj ja schanil niwan chante jel tuk. Ja yuj ja niwan chan jawi, sok ja yej jumasa toj tak'in sok jas k'ab' jumasa toj cobre, jel xya'a xiwel; spetsanil wax ch'ak sb'uk'o'e, jaxa janek' wax kani wax ch'ak sb'ate. Jaxa winik jawi ti yala kab'a: Jas chanil niwan chani ja schanil mandaranum oj ajyuk ja b'a lu'umi. Jel tuk yuj ja b'as chanil mandaranumi, oj sch'ak spetsanil ja kristyano jumasa b'a lu'umi, oj ch'ak sb'atala'uk sok oj st'ene. —Ti cho job'o yi jasun wa sk'ana yale ja lajune sxulub' it ti yi'oj b'a s'olom ja chan jawi. Cho jach'ni cho job'oyi jasun wa sk'ana yale ja ch'in sxulub' it ay sati, sok yuj ja jel tsamal xk'umani'i. Cho jk'anayi a yal kab' jasyuj ja yajni eli, ya ko ib'elajel oxe jas xulub'i. Ja ke'n kilunej jas ch'in xulub' jawi jel niwan wax ya'a sb'aj, wax tiro'ani sok ja ma stsa'unej ja Dyosi sok wax b'ob' yuj, ti k'ot ja winik it ay xa sk'ujoli ya'yi yip b'a oj sk'el ja kristyano jumasa, sok ya'yi yip b'a oj ya' yab'al. —Ja winik jawi yala kab' jastal iti:

Daniel 7:19 Cross References