तमा तिवी खोप्रे लोमातिवाला ग्येल्वु हेरोदकी छोक्पाकी मीतिवी मुला येशूकी चाला ताङ्नी खोला दुक सिनी टि च्यिसुङ, “गेकेन, गेकेन याङ टेङ्बु यिन। गेकेनकी मीतिवी थोक्ला कोन्छ्योककी नोवा काङ यिन सिरुपकी कोर्ला टेङ्बो लोप्किवी। तमा सुला साङ ज्यिवा मिकिवी, च्यिलासिसिन गेकेनकी मीतिवाला ल्हानी ती मीतिवा ति सु यिन सिनी ङ्याम मिकिवी।
फिलिप्पी 4:8 - कोन्छ्योककी सुङ8 तेरी सिनाङ तिङ्ला अच्युनुपतिवा, चुका ताम्ङे ति टेङ्बु नोके, चुका ताम्ङेला ताङ्देन कि गोवु नोके, चुका ताम्ङे टेके नोके, चुका ताम्ङे ति क्येन मेतुप नोके, चुका ताम्ङे ति ङ्यिङ्ज्येवु नोके, चुका ताम्ङे ति चिताङ कि गोवु नोके, तीला राङ नासाम तोङ। दोजो ललाइ छ्ये ताङ टेन छ्योवु वोसिन ती ताम्ङे ति ल्यामु नासाम तोङा। See the chapter |
फिलिप्पी 4:8
67 Cross References
तमा तिवी सिक्यासुङ, “ङ्यिराङला याङ रोमी मक्मी सयी च्यिककी खकी छ्ये कर्नेलियसकी तङ्गुप यिन। खो ति कोन्छ्योककी थोङ्दाङला टेङ्बु वोतुप ताङ खोला ज्यिवा कितुप ताङ यहूदीतिवा तेरीकी ताङ्देन क्यावु मी यिन। चाङ्मा वोतुप देवाच्येनकी लेन क्योलुप थु यीकी ख्योरो ताम्ङे ङ्येन्दुपला ख्युरुङला कताङ्नी शोक सिनी खोला सुङ्नोक।”
तुक क्यानी ख्यिराङ कोन्छ्योककी ठिम क्या नङ्गुप सिनाङ गोमाला के सुला साङ ठिम माकी। चोवो येशू फेपुप पर सेक गुसा। दाक्पी सी साङ हाक्माकोवा क्यानी क्यावु लाका ल्यामु मेलोवा ति तेरी खोकी ठछ्येली थोङ्गिवी। मी सेमगी नोवातिवा साङ ठछ्येली छ्या देन्गिवी। ती पेला मीतिवा रे रेला कोन्छ्योककी “ख्यिरा छासे को छ्येसुङ।” सिनी सुङ्गिवी।
तीकी पुज्युङपुमतिवा ल्यामु क्यानी र्होलुप ताङ खोरो खाङ्बा वुङ्गुप डेन्बुतिवाला ताङ्देन क्यावु ताङ कोन्छ्योकला तेपा कितुपतिवाला शब्ज्यी क्यावु ताङ दुक्पाला ख्येलुपतिवाला दाल्जा किटे कितुप ताङ लाका काङ साङ ल्यामु क्यानी मी यम्बाला खोरो किताङ नालु ल्यामु वोतुप ति छ्या तेन्दुप वुङ गोकिवी।
यिने देवाच्येन नेमा वावु रिक्पा ति गोमाला टेङ्बु वोतुप ताङ तिङ्ला लोदिमु वोतुप ताङ सेम बोल्मु ताङ मी यम्बी सिक्यावु ताम्ङेला ङ्येन्दुप ताङ च्यम्बा वोतुप ताङ डेलु ल्यामु गरुप दोङ्बु दोके मिजी ल्यामु क्योङ्गुप गिवी। यम्बा देवाच्येन नेमा वावु रिक्पा ति ललाइला ल्यामु ललाइला मेलोवा मिकिवु ताङ खोनक्पा मेतुप गिवी।
Advertisements