फिलिप्पी 4:6 - कोन्छ्‌योककी सुङ

⁶ ख्‍यिराङ काङ साङ पप माकी, यिने मोपोर कितुप पेला कोन्‍छ्‍योकला थुचिछे पुल्‍नी ख्‍यिराङला गोवु तेरी ताम्‍ङेकी थोक्‍ला खोला गोङ्‍बा शु।

फिलिप्पी 4:6 Cross References

मत्ती 10:19

मीतिवी ख्‍यिराङला जिम्‍नी ठिम्‍खाङला क्‍योलुप पेला ख्‍यिराङ चुक सि गोकिवी याङ्‍ना काङ सि गोकिवी सिनी पप माकी, च्‍यिलासिसिन ख्‍यिरा काङ सि गोवु ति ती पेला राङ ख्‍यिराङला लप्‍कितो।

मत्ती 13:22

तमा छेर्माङ दोङ्‍बी पर्ला ख्‍येलुप सेन ति दी मी दोके यिन। तीकी सुङ ङ्‍येन्‍गिवी, यिने दी जम्‍बुलिङकी पप ताङ टोङ्‍बाकी नासामकी ती सुङला क्‍येक्‍नी डेलु मोगोर्वी।

मत्ती 6:34

तुक क्‍यानी सली थोक्‍ला पप माकी। सली पप ति सला राङ क्‍योङ्‍गिवी। हारिङ खुर गोवु दुक्‍पा हारिङ राङ लङ्‍गिवी।”

मत्ती 6:8

ती तप्‍की ख्‍यिराङ तिवी दोके माकी, च्‍यिलासिसिन ख्‍यिरा कोन्‍छ्‍योकला लोङ्‍गुप सिनाङ गोमाला के ख्‍यिराङला काङ गोकिवी सिनी ख्‍यिरा पपा कोन्‍छ्‍योकला छ्‍या वे।

लूका 10:41

यिने चोवोकी तीला सुङ्‍सुङ, “मार्था, मार्था, ख्‍युरुङ याङ ताम्‍ङे बङीकी कोर्ला पप ताङ सेम्‍दुक किनोक।

लूका 12:22

येलुङ येशूकी खोरो लोमातिवाला सुङ्‍सुङ, “तुक क्‍यानी ङ ख्‍यिराङला सिरिन, खोरो मिजीकी थोक्‍ला काङ साप, तमा खोरो जुकी थोक्‍ला काङ कोन्‍दुप सिनी पप माकी।

लूका 12:29

तुक क्‍यानी ख्‍यिरा सेमला काङ साप, काङ थुङ्‍गुप सिनी नासाम ताङ्‍नी पप माकी।

लूका 18:1

ती ज्‍युक्‍ला येशूकी खोरो लोमातिवाला नरी मोपोर कि गोकिवी, तमा यी छ्‍येता कितुप मेङ्‍गिवी सिरुप कोर्ला खोकी दुका पे यी सुङ्‍सुङ,

लूका 18:7

काङ कोन्‍छ्‍योकला ङ्‍यी ताङ नुप्‍ज्‍या गोङ्‍बा शोप खोरे पेतुपतिवी थोक्‍ला खोकी ठिम फिमु क्‍या नङ्‍गिवी रो?

१ कोरिन्‍थी 7:21

दोजो कोन्‍छ्‍योककी ख्‍युरुङला कताङ नङ्‍गुप पेला ख्‍युरुङ योक्‍पुला वोसिन ख्‍युरुङ पप माकी, यिने ती नेसुर थर थुप्‍सिन थरुप छोल।

१ कोरिन्‍थी 7:32

ख्‍यिराङ तेरी पप मिकिशी सिरुप ति ङे नोवा वे। जेन्‍दी माक्‍यावु मी तीकी चुक क्‍यानी कोन्‍छ्‍योकला गा लोङ्‍गुप सिनी कोन्‍छ्‍योककी थोक्‍ला तिराङ नासाम तोङ्‍गिवी,

२ कोरिन्थी 1:11

तीकी थोक्‍ला ख्‍यिरा ङ्‍यिराङला मोपोर क्‍यानी दाल्‍जा किटे किसा। तुक क्‍यासिन ख्‍यिराङ बङीकी क्‍यावु मोपोर नेसुर कोन्‍छ्‍योककी ङ्‍यिराङला मोलाम नङ्‍गुप तप्‍की मी बङीकी कोन्‍छ्‍योकला थुचिछे बुल्‍गिवी।

एफिसी 5:20

नरी तेरी ताम्‍ङेकी थोक्‍ला दाक्‍पी चोवो येशू ख्रीष्‍टकी मिङला पपा कोन्‍छ्‌योकला थुचिछे पुल।

एफिसी 6:18

नरी खोकी थु चाङ्‍माकी क्‍येङ्‍नी तेरीकी थोक्‍ला मोपोर ताङ गोङ्‍बा पुल। तोजो तिराङ मिन, टेमु ताङ च्‍याङ्‍से क्‍यानी कोन्‍छ्‌योकला तेपा कितुपतिवा तेरीकी थोक्‍ला नरी मोपोर किसा।

कलस्सी 3:15

ख्रीष्‍टकी ख्‍यिराङला लोदिमु नङ्‍गुप तप्‍की ख्‍यिराङ च्‍यिककी च्‍यिकला नरी ङ्‍यिङ्‍ज्‍ये की। च्‍यिलासिसिन ख्‍यिराङ च्‍यिककी च्‍यिकला लोदिमु क्‍यानी सेम थिन्‍नी देतुपला राङ कोन्‍छ्‍योककी ख्‍यिराङला कताङ नङ्‍गुप यिन। तीकी थोक्‍ला ख्‍यिरा खोला थुचिछे पुल।

कलस्सी 3:17

तमा ख्‍यिरा ताम्‍ङे ताङ लाका काङ क्‍यासिनाङ चोवो येशूकी मिङला किसा। खो नेसुर राङ पपा कोन्‍छ्‍योकला थुचिछे पुल।

कलस्सी 4:2

ख्‍यिराङ नरी मोपोर क्‍या क्‍यावा देता। मोपोर कितुप पेला चेर्मु क्‍यानी थुचिछे पुल्‍नी मोपोर किसा।

१ तिमोथी 2:1

तेरी सिनाङ गोमाला ङ ख्‍युरुङला ठाकुरे सिरिन। तेपा कितुप तेरी मीतिवी थोक्‍ला ख्‍योरो कोन्‍छ्‍योकला गोङ्‍बा शुनी मोपोर कितुप ताङ खोला थुचिछे पुल।

१ तिमोथी 5:5

यिने खोरो ति सु साङ मेतुप युक्‍सिमतिवी वुतुङ के कोन्‍छ्‍योकला तिराङ रेवा क्‍यावु गिवी। तमा ङ्‍यी ताङ नुप्‍ज्‍या खोला राङ गोङ्‍बा शु शुवा देकिवी।

१ पत्रुस 4:7

दी जम्‍बुलिङकी तिङ्‍मी तुजे वुङ्‍यिन वे। तुक क्‍यानी ख्‍यिराङ मोपोर ल्‍यामु कितुपला सेम थिला ज्‍याक्‍नी च्‍याङ्‍से देता।

१ पत्रुस 5:7

ख्‍यिराङला चुका पपतिवा वोसिनाङ खोला चेक ते, तमा खोकी ख्‍यिराङला ल्‍हटे क्‍या नङ्‍गिवी।