फिलिप्पी 4:5 - कोन्छ्‌योककी सुङ

⁵ ख्‍यिराङ च्‍यङ्‍च्‍यु सेम्‍बा वोतुप ति तेरी मीतिवाला छ्‍या तेन। नासाम तोङा, चोवो ङमु राङ फेपिन वोतो।

फिलिप्पी 4:5 Cross References

मत्ती 6:25

“ती तप्‍की ङ ख्‍यिराङला सिरिन, ख्‍यिरा मिजीकी थोक्‍ला काङ साप ताङ काङ थुङ्‍गुप ताङ जुकी थोक्‍ला काङ कोन्‍दुप सिनी पप माकी। मिजी ति साप समा सिनाङ खक्‍छ्‍येवु मिन रो? तमा जु ति कोन्‍दुप मज्‍या सिनाङ खक्‍छ्‍येवु मिन रो?

मत्ती 6:34

तुक क्‍यानी सली थोक्‍ला पप माकी। सली पप ति सला राङ क्‍योङ्‍गिवी। हारिङ खुर गोवु दुक्‍पा हारिङ राङ लङ्‍गिवी।”

लूका 21:34

“तुक क्‍यानी ख्‍यिराङ दाक दाक्‍पी थोक्‍ला च्‍याङ्‍से देता, सेम नोजु कितुप ताङ छ्‍याङ थुनी जेप ताङ मिजीकी थोक्‍ला पप कितुपला ख्‍यिरा सेम ख्‍येल माज्‍यी। मिसियाङ ती तुजे ति तर्वा दोके ख्‍यिरा हाक्‍माकोवा क्‍यानी ख्‍यिरा खला ख्‍येल्‍गिवी।

१ कोरिन्‍थी 16:22

सी चोवो येशूला ङ्‍यिङ्‍ज्‍ये मिकिवे, तिवा मोताप सुकुप यिनो। ओ ङ्‍यिरा चोवो येशू, ङ्‍यिरा पर्ला फेप!

१ कोरिन्‍थी 6:7

ख्‍यिराङ च्‍यिककी च्‍यिकला शुवा ग्‍यकुप ति ल्‍हासिन ख्‍यिराङ कोन्‍छ्‍योकला तेपा मिकिवु मीतिवा दोके यिन सिनी हाक्‍कोकिवी। काङ ख्‍यिराङला ङ्‍यप्‍च्‍ये क्‍यासिनाङ हम क्‍यानी दे मुथुवी? ख्‍यिराङला मी यम्‍बी क्‍येन्‍सिनाङ हम क्‍या देसिन मेवी रो?

१ कोरिन्‍थी 8:13

तुक क्‍यानी दोजो साप समी जोसालेन्‍सिन तेपा कितुप अच्‍युनुपतिवा दिक्‍पाला ख्‍येल्‍गिवी सिसिन, ङ नाम्‍साङ श मसा। तुक क्‍यासिन ङे तेपा कितुप अच्‍युनुपतिवा दिक्‍पाला ख्‍येलुप नेसुर र्‍होकिवी।

१ कोरिन्‍थी 9:25

चिर्मु चेपला वुङ्‍गुप मीतिवा तेरी छ्‍यक्‍तक थोपुपला डेकला देनी तालिम किवी। तिवा ना डोप छ्‍यक्‍तक थोपुपला तुक किवी, यिने दाक्‍पु ति नाम्‍साङ ना मोडोवु छ्‍यक्‍तक थोपुपला डेकला देनी तालिम किवी।

२ कोरिन्थी 10:1

ङ ख्‍यिरा चिप्‍ला वोतुप पेला ज्‍यिवा क्‍यानी ताम्‍ङे कि मुथुपी, यिने थाक्‍रिङ्‍बु वोतुप पेला ति ख्‍यिरा थोक्‍ला ङाडेङ क्‍यानी ताम्‍ङे किवी सिनी ख्‍यिरा ङला सिवी। ङ पावल ति ख्रीष्‍टकी दोके कुसु ज्‍यम्‍बु ताङ च्‍यम्‍बा क्‍यानी ख्‍यिराङला ठाकुरे सिरिन।

२ थेसलोनिकी 2:2

ललाइ लुङ्‍तेम्‍बा याङ्‍ना ताम्‍ङे याङ्‍ना ललाइ यिकी नेसुर चोवो फेपुप तुजे वा वे सिक्‍यासिन ख्‍यिराङ पप साङ माकी, यर्मिन मर्मिन साङ माडो।

तीतस 3:2

तमा तिवा सी तेन्‍दोकला साङ मालङ्‍शी, खाँदा मिकिशी, सेम बोल्‍मु ताङ मी तेरीकी मुला कुसु ज्‍यम्‍बु वुङ गोकिवी सिनी तिवाला टेन्‍सो कि च्‍यी।

हिब्रू 10:25

मी ललाइकी मुला राङ जोम्‍नी डिक्‍जोम कितुप क्‍युर्किवी, यिने दाक्‍पु ति डिक्‍जोम कितुप क्‍युर्नी मोज्‍योक। यिने चोवो फेपुप तुजे चिप्‍ला राङ वावु ति हाक्‍कोवा क्‍यानी च्‍यिककी च्‍यिकला मङ तेपा रम्‍बु जोपला टोङ्‍गु तेरुप।

हिब्रू 10:37

च्‍यिलासिसिन कोन्‍छ्‍योककी सुङला “फेप्‍किवी सिनी सुङ्‍गुप ति छासे ङमु राङ फेप्‍किवी, फिमु मिकिवी।

१ पत्रुस 1:11

तिवी ती थर्वा ति नम पेला गिवी, चुक क्‍यानी गिवी सिनी हाक्‍कोवु छाल्‍सुङ। तमा तिवी सेमला वोतुप ख्रीष्‍टकी थु चाङ्‍मा नेसुर ख्रीष्‍टकी खुर गोवु छेटाङ ताङ ती ज्‍युक्‍ला वुङ्‍गुप मोवाकी थोक्‍ला गोमाला के पङ्‍बु छ्‍या तेन्‍सुङ।

१ पत्रुस 4:7

दी जम्‍बुलिङकी तिङ्‍मी तुजे वुङ्‍यिन वे। तुक क्‍यानी ख्‍यिराङ मोपोर ल्‍यामु कितुपला सेम थिला ज्‍याक्‍नी च्‍याङ्‍से देता।

ज्‍यल्‍का 22:20

दी ताम्‍ङेकी पङ्‍बु तेरुप तीकी दुक सुङ्‍गिवी, “वुतुङ के ङ ङमु राङ वुङ्‍यिनो।” आमिन चोवो येशू फेप!

ज्‍यल्‍का 22:7

येशूकी सुङ्‍नी वे, “ल्‍होसा, ङ ङमु राङ वुङ्‍यिनो। दी थेप नाङ्‍ला टिवु लुङ्‍तेम्‍बातिवी सुङला सिक्‍यावु दोके ङ्‍येन्‍दुपतिवाला मोलाम थोप्‍कितो।”