फिलिप्पी 4:21 - कोन्छ्‌योककी सुङ

²¹ येशू ख्रीष्‍टला तेपा कितुपतिवा तेरीला टसी देलेक वे सिनी सिसा। ङे मुला वोतुप नुपतिवी साङ ख्‍यिराङला टसी देलेक सिनी तङ वोतो।

फिलिप्पी 4:21 Cross References

मत्ती 5:47

ख्‍यिरा रङगी अच्‍युनुपतिवाला तिराङ ताङ्‍देन किवी सिसिन ख्‍यिराङ मी यम्‍बा सिनाङ मङ काङ ल्‍यामु वे रो? काङ यहूदी मिन्‍दुप मिरिक यम्‍बातिवी साङ तुकै राङ मिकिवी रो?

१ कोरिन्‍थी 1:2

कोरिन्‍थला वोतुप कोन्‍छ्‍योककी चर्च ताङ येशू ख्रीष्‍ट नेसुर टेङ्‍बु च्‍युङ्‍गुप मीतिवा ताङ चाङ्‍मा वोतुप गिपा च्‍युङ्‍गुपला कोन्‍छ्‍योककी पेन नङ्‍गुपतिवा ताङ तेरी दासाला येशू ख्रीष्‍टला दाक्‍पी चोवो सिनी खोकी मिङला कतङ्‍गुप मीतिवा तेरीला टिवु यिनो।

गलाती 2:3

यिने ङे मुला वोतुप तीतस ति ग्रीककी मी यिन्‍सिनाङ तीला सी साङ यहूदीतिवी च्‍येतुप लुक्‍सु कि राङ गोकिवी सिनी माक्‍या।

एफिसी 1:1

टसी देलेक! दी यिकी ति कोन्‍छ्‌योककी नोवा नेसुर ख्रीष्‍ट येशूकी लोमा छ्‌ये च्‍युङ्‍गुप ङ पावलकी छ्‍योक नेसुर येशू ख्रीष्‍टला तेपा क्‍यानी खोङ्‍तेर्मु वोतुप एफिससकी मीतिवाला टिवु यिनो।

फिलिप्पी 1:1

टसी देलेक! दी यिकी ति ख्रीष्‍ट येशूकी थोक्‍ला शब्‍ज्‍यी कितुप ङ पावल ताङ तिमोथी नेसुर फिलिप्‍पीला वोतुप येशूला तेपा कितुप मीतिवा तेरी ताङ चर्चला गोमा कितुप मीतिवा ताङ चर्चला ल्हाटे कितुप मीतिवाला टिवु यिनो।

फिलिप्पी 4:7

तुक क्‍यासिन मी नासाम तङ्‍गुप सिनाङ ल्हक्‍पा वोतुप कोन्‍छ्‍योककी लोदिमुकी ख्‍यिरा सेम ताङ नासाम ति येशू ख्रीष्‍टकी ओङ नेसुर र्‍होकितो।