फिलिप्पी 4:20 - कोन्छ्‌योककी सुङ

²⁰ त याङ दाक्‍पी पपा कोन्‍छ्‍योकला नरीकी नरी मोवा वुङ्‍शी। आमिन।

फिलिप्पी 4:20 Cross References

मत्ती 28:20

तमा ख्‍यिराङला ङे क बिन्‍दुप तेरी ताम्‍ङेतिवा तिवाला लाप्‍नी ङ्‍येन च्‍यी। वुतुङ के ङ दी जम्‍बुलिङ ना मागाला सेक ख्‍यिरा मुला राङ नरी देतिनो।”

मत्ती 6:9

तुक क्‍यानी ख्‍यिराङ दुक सिनी मोपोर की, ‘ओ, देवाच्‍येनला ज्‍यु वोतुप ङ्‍यिरा पपा कोन्‍छ्‍योक, कोन्‍छ्‍योककी मिङ ति चाङ्‍मा वुङ च्‍यी।

रोमी 11:36

जम्‍बुलिङला वोतुप तेरी च्‍यालकतिवा खोकी राङ ज्‍ये नङ्‍गुप यिन। ती तेरी खो नेसुर राङ खोकी थोक्‍ला यिन। तुक क्‍यानी खोला राङ नरीकी नरी मोवा वुङ्‍शी। आमिन।

रोमी 16:27

तुक क्‍यानी च्‍यिक राङ ज्‍यु वोतुप ताङ रिक्‍पाकी क्‍येङ्‍गुप दाक्‍पी कोन्‍छ्‍योकला येशू ख्रीष्‍ट नेसुर नरीकी नरी मोवा वुङ्‍शी। आमिन।

एफिसी 3:21

ती कोन्‍छ्‌योकला राङ थल्‍मा नेज्‍युनी तिङ्‍मा सेक चर्च ताङ येशू ख्रीष्‍ट नेसुर नरीकी नरी मोवा वुङ्‍शी। आमिन।

फिलिप्पी 1:11

तमा येशू ख्रीष्‍ट नेमा वुङ्‍गुप टेङ्‍बुकी ख्‍यिरा मिजीला डेलु गरुप दोके छाछिङी च्‍युङ्‍नी कोन्‍छ्‍योकला मोवा कितुप ताङ सोवा देकुप च्‍युङ थुप्‍शी।

फिलिप्पी 4:23

चोवो येशू ख्रीष्‍टकी कटिन ति ख्‍यिरा सेमला वुङ्‍शी।

१ तिमोथी 1:17

तमा थल्‍मा नेज्‍यु नरीकी नरी सेक ज्‍यु वोतुप दाक्‍पी मिककी मोथोङ्‍गुप ग्‍येल्‍वु ताङ च्‍यिक राङ वोतुप कोन्‍छ्‍योकला ताङ्‍देन ताङ मोवा ति नरीकी नरी वुङ्‍शी। आमिन।

यहूदा 1:25

खो ति च्‍यिक राङ ज्‍यु वोतुप कोन्‍छ्‍योक यिन, खो ति येशू ख्रीष्‍ट नेसुर दाक्‍पुला थर्वा नङ्‍गुप कोन्‍छ्‍योक यिन। खोला तेरी मोवा ताङ ताङ्‍देन ताङ ङार ताङ ओङ्‍ज्‍येन ति थल्‍मा नेज्‍यु तन्‍दा सेक तसाम नेज्‍यु तिङ्‍ला सेक नरीकी नरी वुङ्‍शी, आमिन।

ज्‍यल्‍का 1:6

तमा दाक्‍पुला खोकी ग्‍येल्‍खापकी मीतिवा जोनी पपा कोन्‍छ्‍योककी थोक्‍ला शब्‍ज्‍यी कितुप कोङ्‍यार जो नाङ्‍सुङ। खोला राङ नरीकी नरी मोवा ताङ ओङ्‍ज्‍येन वुङ्‍शी। आमिन।

ज्‍यल्‍का 11:13

ती पेला राङ सयी ग्‍यिर्पो यी ग्‍यप्‍सुङ, तमा ग्‍येसा छो च्‍यिथम्बाला छो च्‍यिक ति तला ग्‍यप्‍नी मी तोङ्‍डा दिन शिसुङ। तमा यम्‍बा सेन्‍बु लुवु मीतिवा छासे ज्‍यिवा क्‍यानी देवाच्‍येनकी कोन्‍छ्‍योकला मोवा क्‍यासुङ।

ज्‍यल्‍का 14:7

तीकी थोर ग्‍यप्‍नी “कोन्‍छ्‍योकला ज्‍यिवा किसा, खोला मोवा किसा। च्‍यिलासिसिन खोकी ठिम कितुप तुजे वा वे। देवाच्‍येन ताङ जम्‍बुलिङ ताङ ग्‍येम्‍छो ताङ छ्‍यु दोलुप दासा तेरी जो नङ्‍गुप कोन्‍छ्‍योकला मोवा की।” सिनी सिक्‍यासुङ।

ज्‍यल्‍का 5:12

“सेतुप लुक रुक ति ओङ छ्‍येवु ताङ छ्‍युक्‍पु वोतुप ताङ रिक्‍पा वोतुप ताङ ङार वोतुप ताङ ताङ्‍देन वोतुप ताङ मोवा वोतुप ताङ सोवा लङ छ्‍योवु वे।”

ज्‍यल्‍का 7:12

“आमिन! सोवा ताङ मोवा ताङ रिक्‍पा ताङ थुचिछे ताङ ताङ्‍देन ताङ ओङ ताङ ङार ति नरीकी नरी ज्‍युवु दाक्‍पी कोन्‍छ्‍योककी तिराङ यिन। आमिन!”