फिलिप्पी 4:18 - कोन्छ्‌योककी सुङ

¹⁸ ख्‍यिरा इपाफ्रोडिटसला कल्‍नी तङ्‍गुप बुल्‍वा ति ङे लकला ख्‍येल्‍सुङ। ती बुल्‍वातिवा ङे थोप गोवु सिनाङ मङ यिन। ती ति टी जङ्‍बु खाप पो दोके ताङ कोन्‍छ्‍योकला गा लङ्‍गुप ताङ खोकी सेमला डोप जिन्‍बा दोके यिन।

फिलिप्पी 4:18 Cross References

लोमा छ्‍येतिवी लाका 10:4

देवाच्‍येनकी लेन क्‍योलुप थु तीला थोङ्‍सिमा कर्नेलियसकी ज्‍यिवा लानी दुक सिक्‍यासुङ, “ओ चोवो, ख्‍युरुङला काङ गोसुङ?” तमा देवाच्‍येनकी लेन क्‍योलुप थु तीकी सिक्‍यासुङ, “ख्‍योरो मोपोर क्‍यावु ताङ पेराङ्‍बुतिवाला बुल्‍दिर बिन्‍दुप ति कोन्‍छ्‍योकला छ्‍या वे।

रोमी 12:1

तुक क्‍यानी अच्‍युनुपतिवा, च्‍यम्‍बा वोतुप कोन्‍छ्‍योक नेसुर ङ ख्‍यिराङला ठाकुरे सिरिन। ख्‍यिरा दाक दाक्‍पी मिजी ति कोन्‍छ्‍योकला गा लङ्‍गुप ताङ चाङ्‍मा वोतुप जिन्‍बा पुल। तुक क्‍यावु ति ख्‍यिरा सेमगी दिङ नेज्‍युनी खोला सोवा तेकुप यिन।

२ कोरिन्थी 11:8

ख्‍यिरा थोक्‍ला लेन ल्‍यामु ख्‍याप्‍टाक कितुपला यम्‍बा चर्चतिवी टङ्‍गा डोसुम तङ्‍नी दाल्‍जा क्‍यासुङ। तुक क्‍यावु ति ख्‍यिराङला दाल्‍जा कितुपला तिवी नेसुर टङ्‍गा ठोवु दोके यिन।

२ कोरिन्थी 9:12

ती ख्‍यिरा बिन्‍दुप बुल्‍वा तीकी यरूशलेमला वोतुप कोन्‍छ्‍योककी पुज्‍युङपुमतिवी कतुकार क्‍योङ्‍गिवी। तोजो तिराङ मिन, तिवा बङीकी कोन्‍छ्‍योकला मङ थुचिछे बुल्‍गिवी।

एफिसी 5:2

येशू ख्रीष्‍टकी दाक्‍पुला ङ्‍यिङ्‍ज्‍ये क्‍या नङ्‍नी कोन्‍छ्‌योकला गा लङ्‍गुप बुल्‍वा ताङ जिन्‍बा च्‍युङ्‍नी दाक्‍पी दिक्‍पी थोक्‍ला टुङ्‍सुङ। तुक राङ क्‍यानी ख्‍यिराङ साङ च्‍यिककी च्‍यिकला ङ्‍यिङ्‍ज्‍ये की।

फिलिप्पी 4:12

ङे लोला बङी वोसिनाङ मेसिनाङ, चुक क्‍यानी मिजी क्‍योङ गोकिवी सिरुप ति ङला छ्‍या वे। डावु पेला ताङ ल्‍होवा कोम्‍बाला ताङ, बङी वोतुप पेला ताङ कतुकारला ख्‍येलुप पेला ताङ, चो पेला साङ लोदिमुला देतुप ति ङे लापिन।

२ थेसलोनिकी 1:3

अच्‍युनुपतिवा, ख्‍यिरा थोक्‍ला ङ्‍यिराङ नरी कोन्‍छ्‍योकला थुचिछे बुल राङ गोकिवी। च्‍यिलासिसिन ख्‍यिरा येशूला क्‍यावु तेपा ति ङ्‍यिमा तक्‍पा रम्‍बु डोयी वे। तमा ख्‍यिरा च्‍यिककी च्‍यिकला मङ मङ ङ्‍यिङ्‍ज्‍ये साङ छासे कियी वे।

हिब्रू 13:16

च्‍यिककी च्‍यिकला ल्‍यामु कितुप ताङ रङगी लोला वोतुप च्‍यालकतिवा यम्‍बा गोवुतिवाला तेरुप लाका कितुप टोक माज्‍येता। च्‍यिलासिसिन दाक्‍पी तुका जिन्‍बा पुलुप ति कोन्‍छ्‍योकला सेमला डिवी।

१ पत्रुस 2:5

ख्‍यिराङ साङ कोन्‍छ्‍योककी मिजी नङ्‍गुप दो दोके यिन। खोकी ती दोतिवा दुम्‍नी खोरे थु चाङ्‍माकी ल्‍हङाङ जो नङ्‍गिवी। तुक क्‍यानी ख्‍यिराङ ति येशू ख्रीष्‍ट नेसुर सेम टेङ्‍बु क्‍यानी कोन्‍छ्‍योकला गा लङ्‍गुप जिन्‍बा बुलुप चाङ्‍मा वोतुप कोङ्‍यारतिवा यिनो।