फिलिप्पी 4:17 - कोन्छ्‌योककी सुङ

¹⁷ ङला बुल्‍वा गोकिवी सिक्‍यावु मिन, यिने कोन्‍छ्‍योककी ख्‍यिराङला मोलाम नङ्‍गुप ति ल्हाप नोनी ङे ती ताम्‍ङे सिक्‍यावु यिन।

फिलिप्पी 4:17 Cross References

यूहन्‍ना 15:16

ख्‍यिरा ङला पेतुप मिन, यिने ङे ख्‍यिराङला पेतिन। ती ति ख्‍यिराङ गल्‍नी नरी लुवु डेलु गोर्शी सिनी यिन। तुक क्‍यानी ख्‍यिरा ङे मिङला काङ लाङ्‍सिनाङ पपी ख्‍यिराङला नङ्‍गिवी।

यूहन्‍ना 15:8

ख्‍यिराङ डेलु बङी गर्नी ङे लोमातिवा यिन्‍दुप छ्‍या तेन्‍सिन ती ति ङे पपाला मोवा वुङ्‍गिवी।

रोमी 15:28

तुक क्‍यानी मकेडोनिया ताङ अखैयाकी तेपा कितुप मीतिवी कल तङ्‍गुप टङ्‍गा ति यरूशलेमला चेक तेसिमा ङ ति स्‍पेनला डिवी। ती पेला ङ ख्‍यिरा ते साङ वुङ्‍गुप्‍नो।

२ कोरिन्थी 11:16

ङ येलुङ सिरिन, सी साङ ङला अम्‍बारङ्‍शिङ यिन सिनी नो मिकिशी। यिने ख्‍यिरा सेमला तुकै राङ नोकिवी सिसिन ख्‍यिरा ङ ति अम्‍बारङ्‍शिङ राङ यिन सिनी सेमला लो। तुक क्‍यासिन ङ ति अम्‍बारङ्‍शिङ वोतुप दोके क्‍यानी चेयी तेके कि थुप्‍किवी।

२ कोरिन्थी 9:5

तुक क्‍यानी ख्‍यिरा तेर्सा क्‍यानी थाक्‍छ्‍येतुप बुल्‍वा ति गोमाला के च्‍योम च्‍योम कि ज्‍यितुपला ङ सिनाङ गोमाला राङ ती नुपतिवाला ख्‍यिरा ते तोङ्‍गुप ल्‍यामु यिन सिरुप ङला नासाम शार्सुङ। तुक क्‍यासिन ती बुल्‍वा ति करखापकी दुवु मिन्‍दाला सेम्‍बा सेमगी पुलुप बुल्‍वा च्‍युङि्‍गवी।

फिलिप्पी 1:11

तमा येशू ख्रीष्‍ट नेमा वुङ्‍गुप टेङ्‍बुकी ख्‍यिरा मिजीला डेलु गरुप दोके छाछिङी च्‍युङ्‍नी कोन्‍छ्‍योकला मोवा कितुप ताङ सोवा देकुप च्‍युङ थुप्‍शी।

फिलिप्पी 4:11

कतुकारला ख्‍येल्‍सुङ सिनी ङे किदुक शेतुप मिन, यिने चो पेला साङ लोदिमु कि गोकिवी सिरुप ति ङे लापिन।

१ थेसलोनिकी 2:5

ङ्‍यिरा नाम्‍साङ मीतिवाला ताम्‍ङे ल्‍यामु तिराङ क्‍यानी गा लोङ्‍गुप लाका माक्‍या। तमा देर्पा साङ माक्‍यावु ति ख्‍यिराङला छ्‍या राङ वे। दीकी पङ्‍बु ति कोन्‍छ्‍योक राङ यिन।

१ तिमोथी 3:3

तमा छ्‍याङ्‍गेले मिकिवु ताङ टिम्‍बु ङ्‍यिर्मु मिकिवु, यिने कुसु ज्‍यम्‍बु वोतुप ताङ थमु मग्‍यकुप ताङ नोरला देर्पा मिकिवु ताङ

१ तिमोथी 6:10

च्‍यिलासिसिन टङ्‍गा डेवाला चा कितुप नासाम नेसुर राङ तेरी परकी दिक्‍पातिवा गिवी। टङ्‍गी देर्पाला ख्‍येल्‍नी ललाइ मीतिवा तेपा कितुप क्‍युर्नी ज्‍योकिवी, तमा तिवी सेमला छासे पप लङ्‍गिवी।

तीतस 1:7

च्‍यिलासिसिन गोमा कितुप मी छ्‍ये ति कोन्‍छ्‍योककी लाका कितुप मी यिन्‍दुप तप्‍की क्‍येन मेतुप वुङ गोकिवी। ती ति हम्‍बा मिकिवु ताङ शार्क्येक ङ्‍यिर्मु मिकिवु ताङ छ्‍याङ्‍गेले मेतुप ताङ खाँदा मिकिवु ताङ टोङ्‍बाला देर्पा कितुप वुङ्‍गुप मेवी।

तीतस 3:14

दाक्‍पी मीतिवी नरी लाका ल्‍यामु किशी, तमा कतुकारला ख्‍येलुपतिवाला दाल्‍जा कि थुप्‍नी ङोछाला मेख्‍येल्‍शी।

हिब्रू 6:10

ख्‍यिरा यम्‍बा तेपा कितुपतिवाला शब्‍ज्‍यी क्‍यासुङ, तमा तरोङ साङ कियी वे। कोन्‍छ्‍योक ति मीला ख्‍ये मापेवा क्‍यानी ठिम क्‍या नङ्‍गुप कोन्‍छ्‍योक यिन। खोला तेपा कितुपतिवाला ख्‍यिरा शब्‍ज्‍यी क्‍यावु ताङ ङ्‍यिङ्‍ज्‍ये क्‍यावु ति खोकी मेज्‍येवी।

१ पत्रुस 5:2

ख्‍यिराङला चेक तेन ज्‍यकुप कोन्‍छ्‍योककी पेतुप मीतिवाला लुक गोठालाकी लुकतिवाला ल्‍हावु दोके क्‍यानी ल्‍यामु ल्‍हटे किसा। कर्खापला ख्‍येल्‍नी कितुप मिन, यिने कोन्‍छ्‍योककी नोवा यिन सिनी सेम्‍बा सेमगी किसा। टङ्‍गा डेवी देर्पाला ख्‍येल्‍नी मिन, यिने गा क्‍यानी किसा।

२ पत्रुस 2:15

तिवा लाम थेकाङला युकुप क्‍युर ज्‍याक्‍नी लाम मेटेङ्‍बुला गल्‍नी बओरकी पुज्‍युङ लुङ्‍तेम्‍बा बालमकी दला शुकुप गल वे। ती बालम ति गोमाला लाका मेटेङ्‍बु क्‍यानी टङ्‍गा शोम्‍बुप गा किनोक।

२ पत्रुस 2:3

तिवा देर्पाला ख्‍येल्‍नी ख्‍यिराङला ताम्‍ङे जिनोक जोनी ख्‍यिरा नेसुर ख्‍येप्‍साङ लङ्‍गितो, यिने तिवी खुर गोवु छ्‍येर्पाकी कोर्ला गोमाला के तेन्‍तेन क्‍या वे। तुक क्‍यानी तिवा वुतुङ के ना डिवी।

यहूदा 1:11

ती मीतिवा मोताप सुकुप यिनो! च्‍यिलासिसिन तिवा कयिनकी दला शुसुङ। टङ्‍गी देर्पाला ख्‍येल्‍नी बालामकी दोके मीतिवाला जिनोक जोसुङ। तमा कोरहकी दोके कोन्‍छ्‍योककी तेन्‍दोकला लानी तिवा कोरह दोके ना डिवी।