फिलिप्पी 4:12 - कोन्छ्‌योककी सुङ

¹² ङे लोला बङी वोसिनाङ मेसिनाङ, चुक क्‍यानी मिजी क्‍योङ गोकिवी सिरुप ति ङला छ्‍या वे। डावु पेला ताङ ल्‍होवा कोम्‍बाला ताङ, बङी वोतुप पेला ताङ कतुकारला ख्‍येलुप पेला ताङ, चो पेला साङ लोदिमुला देतुप ति ङे लापिन।

फिलिप्पी 4:12 Cross References

मत्ती 11:29

ङ सेम वोल्‍मु ताङ कुसु ज्‍यम्‍बु वे, ख्‍यिराङ ङे ङ्‍याशिङ खुर्नी ङे नेसुर लोप। तुक क्‍यासिन ख्‍यिरा सेमला ङप्‍सु ङ्‍येकिवी।

मत्ती 13:52

तमा खोकी तिवाला सुङ्‍सुङ, “कोन्‍छ्‍योककी ग्‍येल्‍खापकी कोर्ला लापुप तेरी यहूदी छ्‍योकी गेकेनतिवा ति समा च्‍यालक ज्‍यकुप दासा नाङ ने नागुङ छ्‍येर्मु वोतुप च्‍यालक सम्‍बातिवा ताङ ङ्‍यिङ्‍बातिवा पाङ्‍ला थेन्‍दुप खाङ्‍बी ज्‍यिन्‍दाक दोके यिन।”

२ कोरिन्थी 10:1

ङ ख्‍यिरा चिप्‍ला वोतुप पेला ज्‍यिवा क्‍यानी ताम्‍ङे कि मुथुपी, यिने थाक्‍रिङ्‍बु वोतुप पेला ति ख्‍यिरा थोक्‍ला ङाडेङ क्‍यानी ताम्‍ङे किवी सिनी ख्‍यिरा ङला सिवी। ङ पावल ति ख्रीष्‍टकी दोके कुसु ज्‍यम्‍बु ताङ च्‍यम्‍बा क्‍यानी ख्‍यिराङला ठाकुरे सिरिन।

२ कोरिन्थी 10:10

मी ललाइकी याङ ङ्‍यिराङला “ख्‍यिराङ यिकीतिवा टिकुप पेला ति च्‍युरुवु ताङ छासे रम्‍बु किवी, यिने ङ्‍यिरा चिप्‍ला वोतुप पेला ति रम्‍बु मेतुप ताङ तेन्‍दोक मेतुप ताम्‍ङे तिराङ किवी।” सिनी सिवी।

२ कोरिन्थी 11:27

ङ याङ लाका छाकुल ताङ लाका कलेला साङ ख्‍येल्‍सुङ, थेङ्‍मा अलायी ङ्‍यिलोकुप साङ माङ्‍येसुङ, ल्‍होवा कोम्‍बा लङ्‍गुप ताङ साप समा माङ्‍येसुङ, ख्‍योवा ताङ पेर्तुङ्‍बा साङ देतिन।

२ कोरिन्थी 11:7

कोन्‍छ्‍योककी नङ्‍गुप सुङ ति ङे ख्‍यिराङला काङ साङ मालानी तुक राङ ख्‍याप्‍टाक क्‍यासिमा ख्‍यिराङला छ्‍ये जोपला ङ ति मो पापिन। काङ ङे तुक क्‍यावु ति मेलोवा यिन रो?

२ कोरिन्थी 11:9

ख्‍यिरा मुला वोतुप पेला ङला टङ्‍गी कतुकार ख्‍येल्‍सुङ, यिन्‍सिनाङ ङे ख्‍यिराङ सुला साङ कले मालाङ। च्‍यिलासिसिन माकेडोनिया नेसुर वावु तेपा कितुप अच्‍युनुपतिवी राङ ती ङे कतुकारला दाल्‍जा किटे क्‍यासुङ। ती तप्‍की ङे चुका पर यी क्‍यासिनाङ ख्‍यिराङला कले मेख्‍येल्‍शी सिनी हम क्‍या देतिन। ज्‍युक्‍ला सेक साङ ङ तुक राङ कितिन।