फिलिप्पी 4:11 - कोन्छ्‌योककी सुङ

¹¹ कतुकारला ख्‍येल्‍सुङ सिनी ङे किदुक शेतुप मिन, यिने चो पेला साङ लोदिमु कि गोकिवी सिरुप ति ङे लापिन।

फिलिप्पी 4:11 Cross References

लूका 3:14

तमा मक्‍मीतिवी साङ टिसुङ, “ङ्‍यिराङ ति काङ कि गोकिवी?” यूहन्‍नाकी तिवाला सिक्‍यासुङ, “सु नेसुर साङ वुर्च्युम ग्‍यप्‍नी टङ्‍गा माठोक, तमा क्‍येन मेटेङ्‍बु ग्‍यप्‍नी माठोक, बोरु दाक दाक्‍पी थोपुप लला लोदिवा क्‍यानी दे।”

२ कोरिन्थी 11:27

ङ याङ लाका छाकुल ताङ लाका कलेला साङ ख्‍येल्‍सुङ, थेङ्‍मा अलायी ङ्‍यिलोकुप साङ माङ्‍येसुङ, ल्‍होवा कोम्‍बा लङ्‍गुप ताङ साप समा माङ्‍येसुङ, ख्‍योवा ताङ पेर्तुङ्‍बा साङ देतिन।

२ कोरिन्थी 6:10

सेम्‍दुक लासिनाङ नरी गा लानी वे। पेराङ्‍बु वोसिनाङ मी बङीला छ्‍युक्‍पु जो थुपुप वे। काङ मेतुप दोके वोसिनाङ तेरी वोतुप दोके वे।

२ कोरिन्थी 8:9

दाक्‍पी चोवो येशू ख्रीष्‍टकी कटिन ति ख्‍यिराङला छ्‍या राङ वे। खो छ्‍युक्‍पु वे, यिन्‍सिनाङ ख्‍यिरा थोक्‍ला खो पेराङ्‍बु दोके च्‍युङ्‍सुङ। तीकी तेन्‍दोक ति खो पेराङ्‍बु च्‍युङ्‍गुप नेसुर ख्‍यिराङला छ्‍युक्‍पु च्‍युङ्‍शी सिनी यिन।

२ कोरिन्थी 9:8

कोन्‍छ्‍योककी ख्‍यिराङला तेरी मोलाम ति छासे क्‍यानी नङ्‍गिवी। तुक क्‍यानी ख्‍यिराङला तेरी गोवु च्‍यालकतिवा छासे क्‍यानी च्‍युङ्‍नी गोवु सिनाङ मङ छाछिङी डिवी, तमा ख्‍यिरा मी यम्‍बाला ल्‍यामु कितुपला तेर थुप्‍किवी।

फिलिप्पी 3:8

तोजो तिराङ मिन, चोवो येशू ख्रीष्‍टला ङो शेवु ति तेरी सिनाङ खक्‍छ्‍येवु यिन्‍दुप तप्‍की यम्‍बा तेरी ताम्‍ङेतिवा कुन यिन्‍दुप ति ङे हाक्‍कोसुङ। तमा ख्रीष्‍टकी थोक्‍ला तेरी ताम्‍ङेतिवा क्‍युर्नी ज्‍याकिन। तमा ती ताम्‍ङेतिवा तेरी ज्‍यरा ज्‍यिरा दोके यिन सिनी नोक्‍यायी। तुक क्‍यानी ङे येशू ख्रीष्‍टला ङ्‍ये थुप्‍शी,

हिब्रू 10:34

तमा चोन्‍खाङला शोरुप मीतिवाला ख्‍यिरा च्‍यम्‍बा क्‍यासुङ, ख्‍यिरा टोङ्‍बा मीतिवी ठोसिनाङ ख्‍यिराङ गा क्‍यानी हम क्‍या देसुङ। च्‍यिलासिसिन ख्‍यिरा मुला ती सिनाङ मङ ल्‍यामु ताङ नरी लुवु टोङ्‍बा वे सिरुप ति ख्‍यिराङला छ्‍या नोक।