फिलिप्पी 3:20 - कोन्छ्‌योककी सुङ

²⁰ यिने दाक्‍पु याङ देवाच्‍येनला वोतुप कोन्‍छ्‍योककी ग्‍येल्‍खापकी मीतिवा यिन। तमा दाक्‍पुला दिक्‍पा ने थर ज्‍यितुपला देवाच्‍येन नेमा फेपुप येशू ख्रीष्‍टला राङ दाक्‍पु छासे गुनी देन वे।

फिलिप्पी 3:20 Cross References

मत्ती 19:21

तमा येशूकी तीला सुङ्‍सुङ, “ख्‍युरुङ कोन्‍छ्‍योककी नोवा दोके तेरी कितुप मी च्‍युङ्‍गुप नो वोसिन ख्‍योरो लोला वोतुप नोर टोङ्‍बातिवा चोनी पेराङ्‍बुतिवाला बिन। तुक क्‍यासिन ख्‍युरुङला देवाच्‍येनकी टोङ्‍बा थोप्‍किवी। तमा ती ज्‍युक्‍ला ख्‍युरुङ ङे तिङ्‍ला तिङ्‍यो।”

लूका 12:21

रङगी थोक्‍ला तिराङ टोङ्‍बा शम्‍नी कोन्‍छ्‍योककी थोङ्‍दाङला छ्‍युक्‍पु मेतुपतिवा ति दुकै राङ डितो।”

लूका 14:14

तुक क्‍यासिन ख्‍युरुङला मोलाम थोप्‍किवी, च्‍यिलासिसिन तिवी ख्‍युरुङला किन्‍बा लोक्‍नी तेर मुथुपी। यिने कोन्‍छ्‍योककी थोङ्‍दाङला टेङ्‍बु वोतुपतिवा शेप ने सेन्‍बु लङ्‍गुप पेला कोन्‍छ्‍योककी ख्‍युरुङला किन्‍बा लोक्‍नी नङ्‍गिवी।”

लोमा छ्‍येतिवी लाका 1:11

तिवाला सिक्‍यासुङ, “ओ गालीलकी मीतिवा, ख्‍यिराङ च्‍यिला दे लानी नामला ल्‍हानी देकिवी? तन्‍दा ख्‍यिरा पर नेमा येर देवाच्‍येनला टि फेवु येशू ति तन्‍दा चुक क्‍यानी ख्‍यिरा ल्‍हयी ल्‍हयी देवाच्‍येन ने टि फेप्‍वे, तुक राङ क्‍यानी खो येलुङ दी जम्‍बुलिङला लोक्‍नी फेप्‍किवी।”

१ कोरिन्‍थी 1:7

तुक क्‍यानी ख्‍यिराङ दाक्‍पी चोवो येशू ख्रीष्‍ट लोक्‍नी फेवु तुजेला गुनी देतुप तप्‍की कोन्‍छ्‍योककी ख्‍यिराङला खोकी थु चाङ्‍माकी नङ्‍गुप ङ्‍येम्‍बा साङ बङी नङ्‍गिवी।

१ कोरिन्‍थी 15:48

आदमकी गिपा नेमा वावु मीतिवी जु ति आदम दोके राङ डिवी। येशू ख्रीष्‍टला तेपा क्‍यानी देवाच्‍येनला डोप मीतिवी जु ति येशू ख्रीष्‍ट दोके राङ डिवी।

२ कोरिन्थी 4:18

तुक क्‍यानी दाक्‍पु तन्‍दा मिककी थोङ्‍गुप च्‍यालकतिवाला मिन, यिने मिककी मोथोङ्‍गुप ज्‍युककी च्‍यालकतिवाला ङ्‍यम्‍ले किवी। च्‍यिलासिसिन मिककी थोङ्‍गुप च्‍यालकतिवा चेयी पर सेक तिराङ यिन, यिने मिककी मोथोङ्‍गुप च्‍यालकतिवा ति नरीकी नरी थोक्‍ला यिन।

२ कोरिन्थी 5:8

वुतुङ के दाक्‍पु ङार क्‍यानी दाक्‍पी जु ति क्‍युर ज्‍याक्‍नी चोवो येशूकी मुला देवाच्‍येनला देतुपला छासे गा लानी वे।

गलाती 4:26

यिने देवाच्‍येनला वोतुप यरूशलेमकी तेन्‍दोक ति योक्‍मु मिन, दाक्‍पी आमा यिन।

एफिसी 2:19

तुक क्‍यानी त याङ ख्‍यिराङ छ्‍यिग्‍यपकी मी ताङ मिमेलुङ्‍दुङ दोके साङ मिन, यिने चाङ्‍मा वोतुप तेपा कितुप मीतिवा ताङ मुला लुङ्‍बा च्‍यिककी ज्‍यिक्‍तेम्‍बा ताङ कोन्‍छ्‍योककी मिछाङतिवा यिनो।

एफिसी 2:6

तमा खोकी मुला राङ दाक्‍पुला सेन्‍बु लङ्‍नी देवाच्‍येनला येशू ख्रीष्‍टकी मुला ज्‍याक्‍नी नाङ्‍सुङ।

फिलिप्पी 1:10

तुक क्‍यानी चुका ताम्‍ङे ति खक्‍छ्‍येवु यिन ति ख्‍यिरा बे थुप्‍शी। तमा ख्रीष्‍ट फेवु तुजे सेक ख्‍यिराङ क्‍येन मेतुप ताङ टेङ्‍बु क्‍यानी दे थुप्‍शी।

फिलिप्पी 1:27

त खक्‍छ्‍येवु ताम्‍ङे ति दी राङ यिन, ख्‍यिरा मिजी ति ख्रीष्‍टकी लेन ल्‍यामुला सुङ्‍गुप दोके च्‍युङ्‍शी। तुक क्‍यानी ङ ख्‍यिरा ते वोसिनाङ माङुसिनाङ ख्‍यिराङ सेम च्‍यिक्‍पा राङ च्‍युङ्‍नी डेकला देतुप ताङ लेन ल्‍यामुला वोतुप तेपाकी थोक्‍ला मुला राङ हुर्ताक क्‍यावु ति ङे थो थुप्‍शी।

कलस्सी 1:5

तुका तेपा ताङ ङ्‍यिङ्‍ज्‍ये क्‍यावु ति ख्‍यिरा थोक्‍ला देवाच्‍येनला ज्‍यकुप रेवा नेसुर वुङ्‍गुप यिन। ती रेवाकी कोर्ला गोमाला के ख्‍यिरा सुङ टेङ्‍बु वोतुप कोन्‍छ्‍योककी लेन ल्‍यामु थोवु पेला हाक्‍को वे।

१ थेसलोनिकी 1:10

तोजो तिराङ मिन, टुङ्‍गुप ने ङोसु लानी दाक्‍पुला त ख्‍येल वुङ्‍गुप छ्‍येर्पा नेसुर र्‍होक ज्‍यितुप कोन्‍छ्‍योककी सेवु ति देवाच्‍येन नेमा फेवुला ख्‍यिराङ गुन देतुप ताम्‍ङे साङ तिवी खोप्‍रे राङ लप्‍किवी।

१ थेसलोनिकी 4:16

च्‍यिलासिसिन चोवो फेपुप पेला क नङ्‍गुप थोर ग्‍येर्पु ताङ देवाच्‍येनकी लेन क्‍योलुप थु छ्‍येकी वोरु ताङ कोन्‍छ्‍योककी ग्‍यङ्‍डा तोङ्‍गुप वोरु ताङ मुला देवाच्‍येन नेमा पाप्‍नी फेप्‍किवी। तमा ख्रीष्‍टला तेपा क्‍यानी शेपतिवा ति गोमाला के सेन्‍बु लङ्‍गिवी।

२ तिमोथी 4:8

त याङ कोन्‍छ्‍योककी चिप्‍ला ङे लाका टेङ्‍बु क्‍यावु छ्‍यक्‍तक ङ्‍ये गोवु तिराङ लुनी वे। ती ति ठिम क्‍या नङ्‍गुप टेङ्‍बु वोतुप कोन्‍छ्‍योककी राङ ङला नङ्‍गिवी। ङला तिराङ मिन, खो फेपुप तुजे सेक तेपा क्‍यानी गु देतुपतिवा तेरीला खोकी नङ्‍गिवी।

तीतस 2:13

ती तप्‍की चोछ्‍येवु कोन्‍छ्‍योक ताङ दिक्‍पा ने थर ज्‍यितुप चोवो येशू ख्रीष्‍ट फेपुप मोवाकी थोक्‍ला दाक्‍पु रेवा क्‍यानी गुनी देकिवी।

हिब्रू 12:22

यिने ख्‍यिराङ वावु दासा ति सियोन री ताङ देवाच्‍येनकी यरूशलेमला राङ यिन। ती दासा ति ङोसु वोतुप कोन्‍छ्‍योककी ग्‍येसा यिन। ख्‍यिराङ तोङ्‍डा बङी देवाच्‍येनकी लेन क्‍योलुप थुतिवा जोम्‍नी लोदिमुकी तुछ्‍येन तेन्दुप दासाला वानी वे।

हिब्रू 9:28

तुक क्‍यानी ख्रीष्‍ट ति मी बङीकी दिक्‍पा ता ज्‍यितुपला थेङ्‍मा च्‍यिकला राङ खुरुङ जिन्‍बा च्‍युङ्‍सुङ। त खो थेङ्‍मा ङ्‍यिवाला येलुङ फेप्‍किवी। खो येलुङ फेपुप पेला दिक्‍पा खुरुपला मिन, यिने खो फेवु लाम ल्‍हानी देतुपतिवाला थर ज्‍यितुपला फेप्‍किवी।

ज्‍यल्‍का 1:7

ल्‍होसा, खो मुक्‍पी ख नेमा फेप्‍कितो। खो फेवु ति मी तेरीकी मिककी थोङ्‍गितो। खोला दुङ सुरुप मीतिवी साङ खो फेवु ति थोङ्‍गितो। तमा जम्‍बुलिङला वोतुप तेरी मिरिककी मीतिवा खो फेपुप तप्‍की ङुप्‍राङ कितो। तुकै राङ वुङ्‍शिता। आमिन।