फिलिप्पी 3:2 - कोन्छ्‌योककी सुङ

² फेतुप की दोके क्‍यानी थमु ग्‍यकुप ताङ लाका दुक्‍टा कितुप ताङ दिक्‍पा ने थरुपला जुला च्‍येतुप लुक्‍सु कि राङ गोकिवी सिरुप मीतिवा नेसुर च्‍याङ्‍से देता।

फिलिप्पी 3:2 Cross References

मत्ती 24:10

तमा मीतिवा बङीकी ङला तेपा कितुप क्‍युर्नी ज्‍योकितो। तिवा च्‍यिककी च्‍यिकला क्‍येन तेरुप ताङ ङ्‍यिङ्‍मर कितो।

मत्ती 7:15

“लुङ्‍तेम्‍बा मेटेङ्‍बुतिवा नेसुर च्‍याङ्‍से देता। तिवा फिला ल्‍हासिन लुक दोके ल्‍यामु थोङ्‍गिवी, यिने सेम ति ज्‍यिवा लङ्‍गुप खटमु दोके गिवी।

मत्ती 7:6

चाङ्‍मा वोतुप ति कीला मातेर, तमा ख्‍यिरा मुतीतिवा फक्‍पी दोङ्‍ला माक्‍युर। तुक क्‍यासिन तिवी तिवाला काङ्‍बी वोक्‍ला लेप्‍किवी, तमा ग्‍युर्नी ख्‍यिराङला फेकिवी।”

रोमी 2:28

तुक क्‍यानी ख तिराङकी ङ ति यहूदी यिन सिरुप ताङ च्‍येतुप लुक्‍सु क्‍यानी छ्‍या देन्‍दुप ति वुतुङ्‍की यहूदी मिन।

२ कोरिन्थी 11:13

तुका मीतिवा ति लोमा छ्‍ये जुमा यिन। तिवी येन्‍देन मेटेङ्‍बु लोपुप लाका किवी। तिवा ति ख्रीष्‍टकी लोमा छ्‌ये दोके जोनी युकिवी।

गलाती 5:13

ङे अच्‍युनुपतिवा, कोन्‍छ्‍योककी ख्‍यिराङला कताङ नङ्‍गुप तेन्‍दोक ति ख्‍यिराङला रङ्‍ज्‍येन नङ्‍गुपला यिन। तुक क्‍यानी ख्‍यिराङ दिक्‍पा कितुप क्‍युर्नी च्‍यिककी च्‍यिकला ङ्‍यिङ्‍ज्‍ये क्‍यानी शब्‍ज्‍यी की।

गलाती 5:15

यिने ख्‍यिराङ नाठुङकी सेम्‍ज्‍येनतिवा दोके च्‍यिककी च्‍यिकला फेतुप ताङ सेवी सिसिन ख्‍यिरा पर्ला राङ ना डोप लाका यिनो। तीकी कोर्ला ख्‍यिराङ च्‍याङ्‍से देता।

गलाती 5:6

दाक्‍पु ख्रीष्‍टला तेपा क्‍यासिन च्‍येतुप लुक्‍सु तेन्‍सिनाङ मातेन्‍सिनाङ काङ साङ ख्‍येपर मे, यिने ताम्‍ङे च्‍यिक ति काङ यिन सिसिन ङ्‍यिङ्‍ज्‍ये नेसुर दाक्‍पी मिजीला तेपा छ्‍या देन गोकिवी।

फिलिप्पी 3:19

तिवा डोप लाम ति ङ्‍येलाला ना डोप यिन। च्‍यिलासिसिन तिवा कोन्‍छ्‍योकला मिन, साप ताङ थुङ्‍गुपकी थोक्‍ला तिराङ सेम नोजु किवी। तिवी खोप्‍रे क्‍यावु लाकातिवाला छासे ल्‍यामु यिन सिनी सिवी, यिने तिवी क्‍यावु लाका ति ङोछा लोङ्‍गुप लाका यिन। तिवी जम्‍बुलिङकी च्‍यालकतिवाला तिराङ नासाम तोङ्‍गिवी।

फिलिप्पी 3:3

दाक्‍पु ति कोन्‍छ्‍योककी थोङ्‍दाङला वुतुङ के च्‍येतुप लुक्‍सु क्‍यावु मीतिवा यिन। च्‍यिलासिसिन दाक्‍पु याङ कोन्‍छ्‍योककी थु चाङ्‍मा नेमा खोला सोवा देकिवी, तमा येशू ख्रीष्‍टला तेपा क्‍यानी तेके किवी, जुला तिराङ कितुप लुक्‍सुला ति तेपा मिकिवी।

१ तिमोथी 1:19

तमा येशू ख्रीष्‍टला तेपा कितुप ताङ सेम टेङ्‍बु क्‍यानी दे। ललाइ ललाइकी सेम टेङ्‍बु माक्‍यानी खोरो क्‍यावु तेपा साङ ना गाल्‍सुङ।

तीतस 1:16

तिवा कोन्‍छ्‍योकला ङो शेकिवी सिनी सिरुप याङ सिवी, यिने रङगी किताङ नेसुर खोला मारे तोङ्‍गिवी। तिवा दुक्‍टा ताङ खोकी सुङला मेङ्‍येन्‍दुप गिवी। तमा काङ साङ लाका टेङ्‍बु कि छ्‍योवु मेङ्‍गिवी।

२ पत्रुस 2:22

तुक क्‍यानी तिवी थोक्‍ला “की तीकी खोरो क्‍युनी खोरो राङ लकिवी। फाक्‍पाला टुनी बिन्‍सिन येलुङ दक्‍च्‍यिरला राङ गङ्‍ङ्‍येल चेवी।” सिरुप पेकी तेन्‍दोक ति डिकिवी।

यहूदा 1:4

च्‍यिलासिसिन ललाइ ललाइ मीतिवा ख्‍यिरा पर्ला खरक्‍पा सोक शुनी वे। तिवी कोन्‍छ्‍योकला मेतेन्‍वी। तमा खोकी दाक्‍पुला कटिन नङ्‍नी दाक्‍पु चाङ्‍मा जोवु तप्‍की दाक्‍पी लाका मेलोवा क्‍यासिनाङ गिवी सिनी मीतिवाला लोप्‍किवी। तोजो तिराङ मिन, येशू ख्रीष्‍टला च्‍यिक राङ वोतुप चोवो ताङ ज्‍यिन्‍दाक सिनी तेपा साङ मिकिवी। तुका मीतिवाला क्‍येन फोकुप कोर्ला गोमाला के कोन्‍छ्‍योककी सुङगी नाङ्‍ला टिनी नोक।

ज्‍यल्‍का 2:9

ख्‍युरुङ छेटाङला ख्‍येलुप ताङ पेराङ्‍बु वोतुप ति ङला छ्‍या वे। यिने ख्‍युरुङ याङ पेराङ्‍बु मिन, छ्‍युक्‍पु यिन। ख तिराङकी ङ यहूदी यिन सिरुप मीतिवी ख्‍यिराङला क्‍येन बिन्‍नी ख्‍यिरा तेन्‍दोकला लावु साङ ङला छ्‍या वे। तिवा ति शैतानकी छ्‍योक्‍पाकी मीतिवा यिन।

ज्‍यल्‍का 21:8

यिने च्‍ये ङ्‍यिङ दोके वोतुपतिवा ताङ तेपा मिकिवुतिवा ताङ क्‍युक्‍टो लङ्‍गुप लाका कितुपतिवा ताङ मी सेतुपतिवा ताङ शम्‍डेन कितुपतिवा ताङ मो ग्‍यकुपतिवा ताङ ल्‍हलु तेन्‍दुपतिवा ताङ जिनोक जोपतिवा तेरी मे ताङ तुसोक बरिन वोतुप ग्‍येम्‍छोला क्‍युर्कितो। दी ति शेप ङ्‍यिवा यिन।”

ज्‍यल्‍का 22:15

यिने ग्‍येसाकी फिला ति की दोके मेलोवा ताङ जिम्‍डुल छ्‍या देन्‍दुपतिवा ताङ शम्‍डेन कितुपतिवा ताङ शेन्‍बातिवा ताङ ल्‍हलु तेन्‍दुपतिवा ताङ जिनोक जोप ताङ जिनोकला गा कितुपतिवा तिराङ युकिवी।

ज्‍यल्‍का 3:9

दी ताम्‍ङे ति ल्‍यामु ङ्‍येना, खोप्‍राङ ति यहूदी यिन सिनी सिरुप शैतानकी छोक्‍पाकी मीतिवा वे। तिवा ति यहूदीतिवा मिन, जिनोक जोप मीतिवा यिन। तिवाला ङ ख्‍योरो काङ्‍बी वोक्‍ला वानी शावा कितुप जोयिनो। तमा ख्‍युरुङला ङे ङ्‍यिङ्‍ज्‍ये क्‍यावु नोक सिरुप ति तिवी हाक्‍कोकितो।