फिलिप्पी 3:19 - कोन्छ्‌योककी सुङ

¹⁹ तिवा डोप लाम ति ङ्‍येलाला ना डोप यिन। च्‍यिलासिसिन तिवा कोन्‍छ्‍योकला मिन, साप ताङ थुङ्‍गुपकी थोक्‍ला तिराङ सेम नोजु किवी। तिवी खोप्‍रे क्‍यावु लाकातिवाला छासे ल्‍यामु यिन सिनी सिवी, यिने तिवी क्‍यावु लाका ति ङोछा लोङ्‍गुप लाका यिन। तिवी जम्‍बुलिङकी च्‍यालकतिवाला तिराङ नासाम तोङ्‍गिवी।

फिलिप्पी 3:19 Cross References

मत्ती 16:23

यिने येशू पत्रुसकी थाकाला ग्‍युर्नी तीला “ओ शैतान, ख्‍युरुङ ङे चा नेवा ग्‍युक! ख्‍युरुङ ङे कि गोवु कोन्‍छ्‍योककी लाका कि मिज्‍यिवु छोल्‍गिनोक। ख्‍युरुङ कोन्‍छ्‍योककी ताम्‍ङेला मिन, यिने मी ताम्‍ङेला तिराङ नासाम तोङ्‍गिनोक।” सिनी सुङ्‍सुङ।

मत्ती 25:41

ती ज्‍युक्‍ला ङे येन्‍बी थाकाला वोतुपतिवाला दुक सिवी, ‘ख्‍यिराङ मोताप सुकुप मीतिवा! ङे चा नेमा थेन गल्‍नी शैतान ताङ तीकी डेतिवी थोक्‍ला टडिक क्‍यावु नाम्‍साङ मिशिवु मे नाङ्‍ला ग्‍युक।

लूका 12:19

ती ज्‍युक्‍ला ङ ङराङला सिरिन, ‘त ख्‍योरो मुला लो अलायी सेक लङ्‍गुप टोङ्‍बा बङी शम्‍नी ज्‍याङ वे, ख्‍युरुङ किर्मु क्‍या देनी सोनी थुनी गा क्‍यानी दे।’

लूका 16:19

“दासा यीला मी छ्‍युक्‍पु यी नोक। ती ति मज्‍या ल्‍यामु ल्‍यामु कोन्‍नी ङ्‍यिमी टेङ छासे किर्मु क्‍यानी मिजी क्‍योङ्‍गिनोक।

लूका 18:4

ङ्‍यिमा अलायी सेक याङ ती ठिम कितुप तीकी पेर्मी युक्‍सिमकी ताम्‍ङे माङ्‍येन। यिने ज्‍युक्‍ला तीकी खोरो सेमला ‘ङ कोन्‍छ्‍योकला साङ ज्‍यिवा मिकी, मीला साङ ङ्‍याम मिकी,

रोमी 16:18

च्‍यिलासिसिन तुका मीतिवी दाक्‍पी चोवो येशू ख्रीष्‍टकी थोक्‍ला शब्‍ज्‍यी कितुप मिन, यिने खोरो सुप सोपला तिराङ कोन्‍छ्‍योकला शब्‍ज्‍यी किवी। तिवा ताम्‍ङे ल्‍यामु ल्‍यामु क्‍यानी क्‍योक्‍पु लोक्‍पु मिकिवु मीतिवाला साङ जिनोक जेवी।

रोमी 6:21

ती पेला ख्‍यिरा क्‍यावु लाकातिवा नेसुर काङ ङ्‍येसुङ? तन्‍दा नासाम तोङ्‍गुप पेला छासे ङोछा लङ्‍गुप लाका मेलोवा तिराङ क्‍यासुङ। ती तेरी लाकातिवी छ्‍येर्पा ति शेप यिन।

१ कोरिन्‍थी 3:3

ख्‍यिराङ तेपा क्‍यासिनाङ तरोङ साङ जम्‍बुलिङकी ओङला वोतुप मीतिवा दोके राङ वे। च्‍यिलासिसिन ख्‍यिरा पर्ला ठतोक कितुप ताङ खाँदा कितुप किवी। ख्‍यिराङ तुक कितुप ति जम्‍बुलिङकी ओङला वोतुप मीतिवी क्‍यावु दोके मिन रो?

१ कोरिन्‍थी 5:2

ती हाक्‍कोसिनाङ ख्‍यिराङ अम्‍बारङ्‍शिङ किवी? काङ ख्‍यिरा याङ तीकी थोक्‍ला सेम्‍दुक कि गोवु मिन रो? तुका लाका मेलोक्‍पा कितुप मीला ख्‍यिरा पर नेमा तेन तोङ गोवु ति यिन्‍जा।

१ कोरिन्‍थी 5:6

ख्‍यिराङ अम्‍बारङ्‍शिङ कितुप ति ल्‍यामु मिन। खमीर चेयी लुक्‍नी टम्‍दोक ङ्‍येसिन तेरी टम्‍दोक ति बोकिवी सिरुप ति ख्‍यिराङला छ्‍या मे?

२ कोरिन्थी 11:12

ङ ङे क्‍यावु लाका ति नरी क्‍या क्‍यावा देतिन। तुक क्‍यासिन खोप्‍राङ राङ चोछ्‍येवु लोमा छ्‍ये दोके जोनी युकुप मीतिवी खोप्‍राङ साङ ङ्‍यिराङ दोके यिन सिरुप च्‍यु मेङ्‍येवी।

२ कोरिन्थी 11:15

शैतान तिराङ मिन, शैतानला शब्‍ज्‍यी कितुपतिवी साङ कोन्‍छ्‍योककी थोङ्‍दाङला टेङ्‍बु वोतुप दोके जोनी युकिवी। तुक क्‍यानी दी ताम्‍ङे ति यम्‍जेन लङ्‍गुप ताम्‍ङे मिन। यिने ज्‍युक्‍ला तिवी काङ क्‍यावे, ती छ्‍येर्पा ति तिवी खुर गोकिवी।

गलाती 6:13

सी यहूदी च्‍येतुप लुक्‍सु तेन्‍गिवे, तीकी ठिमला मेतेन्‍दी। यिन्‍सिनाङ ख्‍यिराङला ति च्‍येतुप लुक्‍सु तेन गोकिवी सिनी सिवी। तिवी तुक क्‍यावु तेन्‍दोक ति ख्‍यिरा जुकी थोक्‍ला तेके कितुपला यिन।

फिलिप्पी 2:21

मी यम्‍बातिवा याङ येशू ख्रीष्‍टला मिन, यिने खोरो थोक्‍ला तिराङ नासाम तोङ्‍गिनोक।

कलस्सी 3:2

तुक क्‍यानी ख्‍यिराङ जम्‍बुलिङकी ताम्‍ङेला मिन, येर देवाच्‍येनकी ताम्‍ङेला नासाम तोङ।

२ थेसलोनिकी 1:9

तमा ती पर्च्या ङ्‍येतुपतिवा ति चोवो येशूकी मु नेसुर ताङ खोकी ङार छ्‍येवु ओङ वोतुप मोवा नेसुर तेन्‍नी नरीकी थोक्‍ला ना तोङ्‍गिवी।

२ थेसलोनिकी 2:12

तमा टेङ्‍बु वोतुप कोन्‍छ्‍योकला तेपा माक्‍यानी मेटेङ्‍बुला गा कितुपतिवा तेरीला खोकी क्‍येन तेर्किवी।

२ थेसलोनिकी 2:8

ती दुक्‍टा तीला पि तोङ्‍गुप पेला चोवो येशू दी जम्‍बुलिङला फेप्‍किवी। तमा खो फेवु पेला ग्‍यपुप वोसिर ताङ खोकी उकी राङ तीला ना तोङ्‍गिवी।

१ तिमोथी 6:5

तमा तुका मी तीकी सेम ना गलुप ताङ टेङ्‍बुला क्‍युर्नी ज्‍यकुप मीतिवी मुला खाँदा क्‍या क्‍यावा किवी। तमा तिवी कोन्‍छ्‍योकला मोवा कितुप ति ख्‍येप्‍साङ वुङ्‍गुप यिन सिनी नोकिवी।

२ तिमोथी 3:4

मीला जिनोक जोनी क्‍येन तेरुप ताङ ङ्‍यिर्मु कोक्‍पु वोतुप ताङ ङ राङ यिन सिरुप ताङ कोन्‍छ्‍योकला सिनाङ गा ताङ किर्मुला तिराङ नासाम तोङ्‍गुप ताङ

याकूब 4:16

यिने तन्‍दा ख्‍यिराङ रङगी मिजीकी थोक्‍ला नो क्‍यावु ताम्‍ङेला छासे तेके किवी। तुका लाका ति दुक्‍टा यिन।

२ पत्रुस 2:1

गोमाला इस्राएलकी मीतिवी पर्ला लुङ्‍तेम्‍बा मेटेङ्‍बुतिवा वोतुप दोके ख्‍यिरा पर्ला साङ गेकेन मेटेङ्‍बुतिवा थेन्‍गितो। तिवी ख्‍यिराङला छ्‍याकला ना डोप येन्‍देन मेटेङ्‍बुतिवा लोप्‍किवी, तमा येशू ति दिक्‍पा ने थर्वा नङ्‍गुप चोवो मिन सिनी तिवा खोप्‍राङ ङमु राङ ना डोप लाका कितो।

२ पत्रुस 2:13

तिवी दुक्‍टा क्‍यावु तप्‍की तिवी छ्‍येर्पा ति खोप्‍रे राङ खुर गोकिवी। तिवा ङ्‍यिमी गुङला छ्‍याङ आराक थुनी देतुप ति गा किवी, तिवा ङोछा मेतुप ताङ ताङ्‍देन कि मोछ्‍योवु मी यिन। तिवी ख्‍यिराङ मुला राङ देनी साप ताङ थुङ्‍गुप पेला साङ नरी जिनोक जोप तिराङ गा किवी।

२ पत्रुस 2:3

तिवा देर्पाला ख्‍येल्‍नी ख्‍यिराङला ताम्‍ङे जिनोक जोनी ख्‍यिरा नेसुर ख्‍येप्‍साङ लङ्‍गितो, यिने तिवी खुर गोवु छ्‍येर्पाकी कोर्ला गोमाला के तेन्‍तेन क्‍या वे। तुक क्‍यानी तिवा वुतुङ के ना डिवी।

यहूदा 1:10

यिने ती मीतिवी याङ खोरो हाक राङ माकोवु ताम्‍ङे चुकै यिन्‍सिनाङ मारे तङ्‍नी क्‍येन तेर्किवी। तमा तिवी तेरी ताम्‍ङेतिवा ल्‍यामु हाक्‍कोकिवी सिनी रिक्‍पा मेतुप छ्‍युङ्‍मातिवा दोके क्‍यानी लाका किवी। तुक क्‍यानी तिवा रिक्‍पा मेतुप लाकाकी तेन्‍दोकला राङ ना डिवी।

यहूदा 1:16

तुका मीतिवा नरी ङ्‍योशोक ङ्‍योशोक सिरुप ताङ नरी मी यम्‍बाला क्‍येन तेरुप छोलुप ताङ खुरुङ राङ नोवा मेलोवाला युकुप ताङ ङ राङ छ्‍ये यिन सिनी नोकितुप ताङ खोरो ख्‍येप्‍साङकी थोक्‍ला मी यम्‍बाला ख शिम्‍बु जोप गिवी।

यहूदा 1:4

च्‍यिलासिसिन ललाइ ललाइ मीतिवा ख्‍यिरा पर्ला खरक्‍पा सोक शुनी वे। तिवी कोन्‍छ्‍योकला मेतेन्‍वी। तमा खोकी दाक्‍पुला कटिन नङ्‍नी दाक्‍पु चाङ्‍मा जोवु तप्‍की दाक्‍पी लाका मेलोवा क्‍यासिनाङ गिवी सिनी मीतिवाला लोप्‍किवी। तोजो तिराङ मिन, येशू ख्रीष्‍टला च्‍यिक राङ वोतुप चोवो ताङ ज्‍यिन्‍दाक सिनी तेपा साङ मिकिवी। तुका मीतिवाला क्‍येन फोकुप कोर्ला गोमाला के कोन्‍छ्‍योककी सुङगी नाङ्‍ला टिनी नोक।

ज्‍यल्‍का 18:7

तिवी चो खुरुङ ति ‘ङ तेरी सिनाङ छ्‍ये यिन, ङला चोयी टोङ्‍बा ति सुला साङ मे’ सिनी किर्मु क्‍यावे, तोजोयी राङ तिवाला छेटाङ ताङ ङुप्‍राङला ख्‍येल च्‍यी। च्‍यिलासिसिन बेबिलोनकी सेमला ‘ङ ग्‍येल्‍ठिकला देनी ग्‍येला कितुप ग्‍येल्‍मु यिन। ङ याङ युक्‍सिमा मिन। ङे नाम्‍साङ दुङल कि मोगोवी’ सिनी सिवी।

ज्‍यल्‍का 19:20

ते ती सेम्‍ज्‍येन ताङ तीकी दोङ्‍ला हलेवु ततिवा छ्‍या देन्‍दुप लुङ्‍तेम्‍बा मेटेङ्‍बु ङ्‍यिकरला जिम्‍सुङ। ती लुङ्‍तेम्‍बा तीकी हलेवु ततिवा छ्‍या तेन्‍नी मीतिवाला ती सेम्‍ज्‍येनकी लज्‍युर ग्‍यक ज्‍यितुप ताङ कुला तेन ज्‍यितुपला लुनोक। तुक क्‍यानी तिवा ङ्‍यिकरला सेन्‍बु राङ मे कशेन बरुप तुसोककी चो दोके वोतुप ते क्‍युर्सुङ।

ज्‍यल्‍का 21:8

यिने च्‍ये ङ्‍यिङ दोके वोतुपतिवा ताङ तेपा मिकिवुतिवा ताङ क्‍युक्‍टो लङ्‍गुप लाका कितुपतिवा ताङ मी सेतुपतिवा ताङ शम्‍डेन कितुपतिवा ताङ मो ग्‍यकुपतिवा ताङ ल्‍हलु तेन्‍दुपतिवा ताङ जिनोक जोपतिवा तेरी मे ताङ तुसोक बरिन वोतुप ग्‍येम्‍छोला क्‍युर्कितो। दी ति शेप ङ्‍यिवा यिन।”

ज्‍यल्‍का 22:15

यिने ग्‍येसाकी फिला ति की दोके मेलोवा ताङ जिम्‍डुल छ्‍या देन्‍दुपतिवा ताङ शम्‍डेन कितुपतिवा ताङ शेन्‍बातिवा ताङ ल्‍हलु तेन्‍दुपतिवा ताङ जिनोक जोप ताङ जिनोकला गा कितुपतिवा तिराङ युकिवी।