फिलिप्पी 3:18 - कोन्छ्‌योककी सुङ

¹⁸ ख्‍यिराङला ङे गोमाला थेङ्‍मा बङी सिक्‍यायी, त येलुङ ङ ङुयी सिरा सिरिन। काङ यिन सिसिन मीतिवा बङी ख्रीष्‍ट येशूकी ग्‍यङ्‍शिङकी थोक्‍ला डला गल्‍नी युकिवी।

फिलिप्पी 3:18 Cross References

लूका 19:41

तमा येशू यरूशलेम चिप्‍ला लेप्‍सिमा ती ग्‍येसा थोङ्‍नी खो ङुसुङ।

लोमा छ्‍येतिवी लाका 20:19

ती पेला यहूदीतिवी ङला सेतुपला केवुल क्‍यानी छासे दुक्‍पा वोसिनाङ ङे कुसु ज्‍यम्‍बु क्‍यानी ङुयी सिरा टेमु क्‍यानी कोन्‍छ्‍योकला शब्‍ज्‍यी कितुप माक्‍युर।

रोमी 9:2

ती काङ यिन सिसिन ङे सेमला छासे दुङल ताङ सेम्‍दुक नरी वे।

१ कोरिन्‍थी 1:18

ख्रीष्‍ट दाक्‍पी दिक्‍पी थोक्‍ला ग्‍यङ्‍शिङला कल्‍नी टुङ्‍गुप कोर्ला लेन ल्‍यामु ख्‍याप्‍टाक कितुप पेला तेपा माक्‍यानी ना डोपतिवी “ती ति तेर्मे यिन।” सिनी सिवी, यिने दाक्‍पु दिक्‍पा ने थरुपतिवी याङ “ती ति कोन्‍छ्‍योककी नङ्‍गुप ङार यिन।” सिनी सिवी।

१ कोरिन्‍थी 6:9

दुक्‍टा कितुप मीतिवा कोन्‍छ्‍योककी ग्‍येल्‍खापला लेप मुथुपी सिरुप ति ख्‍यिराङला छ्‍या मे? ल्‍यामु क्‍यानी हाक्‍कोवा की। छ्‍येवु छ्‍येमु कितुपतिवा, कुला छ्‍यो तोङ्‍गुपतिवा, शम्‍डेन कितुपतिवा, ख्‍योक्‍पेजा ख्‍योक्‍पेजी पर्ला राङ शम्‍डेन कितुपतिवा,

२ कोरिन्थी 11:13

तुका मीतिवा ति लोमा छ्‍ये जुमा यिन। तिवी येन्‍देन मेटेङ्‍बु लोपुप लाका किवी। तिवा ति ख्रीष्‍टकी लोमा छ्‌ये दोके जोनी युकिवी।

२ कोरिन्थी 11:29

ललाइ ङार मेतुप वोसिन ङ साङ ङार मेतुप च्‍युङ्‍सुङ, ललाइकी मी यम्‍बाला दिक्‍पा कि च्‍यिसिन ङे सेमला छासे पप लासुङ।

२ कोरिन्थी 2:4

ङे छासे दुक्‍पा क्‍यानी सेमला दुङल खुरिन ताङ मिकला मिक्‍च्‍युर तोङ्‍यिन सिरा ख्‍यिरा थोक्‍ला ती यिकी ति टियिन। ती ति ख्‍यिराङला सेम्‍दुक लोङ्‍गुपला टिवु मिन, यिने ख्‍यिराङला ङे छासे ङ्‍यिङ्‍ज्‍ये क्‍यावु ति हाक्‍कोशी सिनी टिवु यिन।

गलाती 1:7

चोवो येशू ख्रीष्‍टकी लेन ल्‍यामु मिसिन चुका ति साङ टेङ्‍बु मे, यिने मी ललाइकी यम्‍बा लेन ल्‍यामु शेनी ती लेन ल्‍यामुला क्‍योसुङ।

गलाती 2:14

तिवा कोन्‍छ्‍योककी सुङ टेङ्‍बुला मायुकुप थोङ्‍सिमा ङे पत्रुसला मी तेरीकी पर्ला “ख्‍युरुङ यहूदी गिपाकी मी यिन्‍सिनाङ यहूदी मिन्‍दुप मिरिक यम्‍बाकी मी दोके च्‍येर्पा किसिन चुक क्‍यानी मिरिक यम्‍बाला यहूदी दोके च्‍येर्पा कि गोकिवी सिनी सि थुप्‍किवी?” सिनी सिक्‍यायी।

गलाती 2:21

त ङ कोन्‍छ्‍योककी नङ्‍गुप कटिनला तेर्मे जो मुथुपी। च्‍यिलासिसिन मोशाकी ठिमकी लाकाकी दाक्‍पुला टेङ्‍बु जो थुप्‍सिन ख्रीष्‍ट टुङ्‍गुप ति तेर्मे डिवी।

गलाती 5:21

ठतोक ङर्केल कितुप ताङ छ्‍याङ्‍गेले ताङ खावाला मुदुवु यिन। तीकी कोर्ला ङे ख्‍यिराङला गोमाला सिक्‍यावे, येलुङ साङ सिरिन। सी दुका लाका किवे, तिवा ति कोन्‍छ्‍योककी ग्‍येल्‍खापला शुक मोछ्‍योवी।

गलाती 6:12

खुरुङला टेङ्‍बु छ्‍या देन्‍दुप गा लङ्‍गुपतिवी ख्‍यिराङला यहूदी च्‍येतुप लुक्‍सु तेन गोकिवी सिवी। तीकी तेन्‍दोक ति तिवा येशू ख्रीष्‍टकी ग्‍यङ्‍शिङकी तेन्‍दोकला वुङ्‍गुप छेटाङ दुङल नेसुर र्‍होकुपकी थोक्‍ला यिन।

गलाती 6:14

यिने दाक्‍पी चोवो येशू ख्रीष्‍टकी ग्‍यङ्‍शिङकी कोर्ला मिसिन ङ यम्‍बा काङला साङ तेके मिकी। ख्रीष्‍ट नेसुर जम्‍बुलिङ ति ङे थोक्‍ला ताङ ङ ति जम्‍बुलिङकी थोक्‍ला ग्‍यङ्‍शिङला कलुप यिन।

एफिसी 4:17

ती तप्‍की ङ दी ताम्‍ङे ति चोवो येशूकी मिङला ठाकुरे सिरिन। यहूदी मिन्‍दुप मिरिक यम्‍बाकी मीतिवी तेर्मेकी नासामतिवा तङ्‍नी मिजी क्‍यङ्‍गुप दोके ख्‍यिराङ ति तफेन्‍ला तुका मिजी माक्‍योङ।

फिलिप्पी 1:4

तमा ख्‍यिराङ तेरीकी थोक्‍ला ङ मोपोर कितुप पेला नरी कोन्‍छ्‍योकला सेम गा क्‍यानी मोपोर कितिन।

१ थेसलोनिकी 4:6

तमा सी साङ खोरो नुपला मेलोक्‍पा मिकिशी। च्‍यिलासिसिन दी तेरी ताम्‍ङेकी छ्‍येर्पा तेरुप ति कोन्‍छ्‍योक राङ यिन। ङ्‍यिरा ख्‍यिराङला गोमाला राङ सिक्‍यायिन।

२ थेसलोनिकी 3:11

यिने ख्‍यिरा पर्ला माङ्‍शोक मीतिवा छेरा क्‍यानी लाका मिकिवु ताङ मी यम्‍बी क्‍यावु लाकाला तोक्‍सा छोकुप लाका किनोक सिरुप ति ङ्‍यिरे थोसुङ।

२ पत्रुस 2:10

खक्‍छ्‍येवुला शम्‍डेन कितुप नासाम ताङ्‍नी मेटेङ्‍बु कितुप ताङ खोकी ओङ्‍ज्‍येनला मारे तोङ्‍गुपतिवाला खोकी ठिम क्‍या नङ्‍गिवी। तिवा ङ राङ यिन सिनी काङ साङ ज्‍यिवा माक्‍यानी मेलोवा किवी, तमा मोवा वोतुप ओङ्‍ज्‍येनतिवाला साङ ज्‍यिवा माक्‍यानी मारे तोङ्‍गिवी।

यहूदा 1:13

तिवा ग्‍येम्‍छो नङगी ज्‍यिवा लङ्‍गुप छ्‍यी बालाप दोके वे। तमा रङगी ङोजु मेतुप लाका ति ग्‍येम्‍छोकी बोवा दोके क्‍यानी छ्‍या देन्‍गिवी। तमा तिवा ख्‍यम्‍नी गलुप कर्मा दोके गल वे। तिवा नरीकी नरी सेक ज्‍यिवा लङ्‍गुप नक्‍तोमी दासाकी थोक्‍ला सानी ज्‍याङ वे।