फिलिप्पी 3:13 - कोन्छ्‌योककी सुङ

¹³ ओ अच्‍युनुपतिवा, ङला तन्‍दा साङ ती थोप्‍नी वे सिनी नो मिकी, यिने ङ लाका च्‍यिक ति कितिन। ती ति काङ यिन सिसिन गोमी ताम्‍ङेतिवा क्‍युर ज्‍याक्‍नी तिङ्‍ला वुङ्‍गुप

फिलिप्पी 3:13 Cross References

लूका 10:42

यिने गोवु ताम्‍ङे ति च्‍यिक तिराङ वे। चुका ति ल्‍यामु नोके, ती ति मरियमकी पेसुङ। ती ति सी साङ ती नेसुर ठोक मुथुपी।”

लूका 9:62

येशूकी तीला सुङ्‍सुङ, “सु खोरो लाक्‍पा थोङ्‍बी लाजेनला जिम्‍नी तिङ्‍ला ग्‍युर्नी ल्‍हे वे, तिवा कोन्‍छ्‍योककी ग्‍येल्‍खापला डो छ्‍योवु मे।”

२ कोरिन्थी 5:16

तफेन्‍ला ङ्‍यिराङ सुला साङ जम्‍बुलिङकी मीतिवी मीला ल्‍हावु दोके क्‍यानी मल्‍हावी। थेङ्‍मा यी ङ्‍यिरा साङ ख्रीष्‍टला तुक राङ क्‍यानी ल्‍हावु यिन, यिने त याङ तुक क्‍यानी मल्‍हावी।

फिलिप्पी 2:12

ती तप्‍की ङे ङ्‍यिङ्‍ज्‍येवु अच्‍युनुपतिवा, ङ ख्‍यिरा मुला वोतुप पेला ख्‍यिरा ङे खला ङ्‍येन्‍सुङ। ती दोके त ङ मेतुप पेला मङ ङे ताम्‍ङे ङ्‍येन्‍नी सेमला ज्‍यिवा खुर्नी कोन्‍छ्‍योकला ताङ्‍देन क्‍यानी खोरुङ दिक्‍पा ने थरुप लाका तेरी सिन्‍दा कितुपला टेमु किसा।

फिलिप्पी 3:12

ती तेरी ताम्‍ङेतिवा ङे गोमाला के ङ्‍येनी वे सिनी सिक्‍यावु मिन, ती ताम्‍ङेतिवा तन्‍दा तेरी च्‍युङ वे सिक्‍यावु साङ मिन, यिने येशू ख्रीष्‍टकी ङला खोरो ति जो नङ्‍सुङ। ती तप्‍की ङ ख्रीष्‍ट दोके मिजी क्‍योङ थुपुपला छ्‍योङ्‍बाल ग्‍यप्‍नी डोयी वे।

फिलिप्पी 3:8

तोजो तिराङ मिन, चोवो येशू ख्रीष्‍टला ङो शेवु ति तेरी सिनाङ खक्‍छ्‍येवु यिन्‍दुप तप्‍की यम्‍बा तेरी ताम्‍ङेतिवा कुन यिन्‍दुप ति ङे हाक्‍कोसुङ। तमा ख्रीष्‍टकी थोक्‍ला तेरी ताम्‍ङेतिवा क्‍युर्नी ज्‍याकिन। तमा ती ताम्‍ङेतिवा तेरी ज्‍यरा ज्‍यिरा दोके यिन सिनी नोक्‍यायी। तुक क्‍यानी ङे येशू ख्रीष्‍टला ङ्‍ये थुप्‍शी,

हिब्रू 6:1

तुक क्‍यानी दाक्‍पु ख्रीष्‍टकी कोर्ला गोमाला लापुप येन्‍देनतिवा येलुङ लोपुप क्‍युर्नी मङ मङ रम्‍बु हाक्‍को थुपुप च्‍युङ्‍यिन डोप। शेप ते क्‍योलुप लाकातिवा नेसुर सेम ग्‍युरुप ताङ कोन्‍छ्‍योकला तेपा कितुप ताङ

२ पत्रुस 3:8

यिने ङे ङ्‍यिङ्‍ज्‍येवु अच्‍युनुपतिवा, दी ताम्‍ङे ति टोक माज्‍ये। ती ति काङ यिन सिसिन चोवोकी थोक्‍ला ङ्‍यिमा च्‍यिक ति लो तोङ्‍डा च्‍यिक चोयी तिराङ यिन, तमा लो तोङ्‍डा च्‍यिक ति ङ्‍यिमा च्‍यिक चोयी तिराङ यिन।