फिलिप्पी 3:1 - कोन्छ्‌योककी सुङ

¹ अच्‍युनुपतिवा, तिङ्‍मी ताम्‍ङे यम्‍बा ति काङ यिन सिसिन ख्‍यिराङ चोवोला तेपा क्‍यावु मी यिन्‍दुप तप्‍की सेम गा की। दी यिकी लोकुर ग्यप्‍नी टिकुपला ङला छेरा मलङ्‍गिवी, ती ति ख्‍यिराङला र्‍होकुपला यिन।

फिलिप्पी 3:1 Cross References

मत्ती 5:12

ती पेला ख्‍यिराङ गा किसा, च्‍यिलासिसिन देवाच्‍येनला ख्‍यिराङला छ्‍यक्‍तक ग्‍येर्पु थोप्‍कितो। ख्‍यिराङ सिनाङ गोमाला वावु कोन्‍छ्‍योककी लुङ्‍तेम्‍बातिवाला साङ मीतिवी तुक राङ क्‍यानी छेटाङ बिन्‍सुङ।”

लूका 1:47

तमा ङे सेमगी दिङ नेज्‍युनी ङला थर ज्‍यितुप कोन्‍छ्‍योकला गा किवी,

रोमी 5:11

तोजो तिराङ मिन, दाक्‍पी चोवो येशू ख्रीष्‍ट नेसुर दाक्‍पु कोन्‍छ्‍योक ताङ मुला तम्‍जी ल्‍यामु च्‍युङ्‍गुप तप्‍की खोकी दाक्‍पी थोक्‍ला क्‍या नङ्‍गुप लाकाकी जोसालेन्‍सिन त याङ दाक्‍पु छासे गा लानी वे।

२ कोरिन्थी 13:11

लो तमा, अच्‍युनुपतिवा, त याङ ङ दोजोयी राङ टिकिनो। ख्‍यिराङ येर्के गल्‍नी ल्‍यामु च्‍युङ्‍शिता। ङे सिक्‍यावु ताम्‍ङेला ल्‍यामु क्‍यानी ङ्‍येना। मी यम्‍बी मुला सेम च्‍यिक्‍पा राङ च्युङ्‍नी लोदिमु क्‍यानी देता। दाक्‍पुला ङ्‍यिङ्‍ज्‍ये ताङ लोदिमु नङ्‍गुप कोन्‍छ्‍योक ति ख्‍यिरा मुला ज्‍युकितो।

एफिसी 6:10

तेरी सिनाङ तिङ्‍ला ङ सिरिन, ख्‍यिराङ चोवो येशूकी ओङला ङार छ्‍येवु वुङ गोकिवी।

फिलिप्पी 3:3

दाक्‍पु ति कोन्‍छ्‍योककी थोङ्‍दाङला वुतुङ के च्‍येतुप लुक्‍सु क्‍यावु मीतिवा यिन। च्‍यिलासिसिन दाक्‍पु याङ कोन्‍छ्‍योककी थु चाङ्‍मा नेमा खोला सोवा देकिवी, तमा येशू ख्रीष्‍टला तेपा क्‍यानी तेके किवी, जुला तिराङ कितुप लुक्‍सुला ति तेपा मिकिवी।

फिलिप्पी 4:4

चोवो येशू ख्‍यिरा मुला ज्‍युवु तप्‍की ख्‍यिराङ नरी सेम गा किसा। ङ येलुङ सिरिन, ख्‍यिराङ सेम गा किसा।

फिलिप्पी 4:8

तेरी सिनाङ तिङ्‍ला अच्‍युनुपतिवा, चुका ताम्‍ङे ति टेङ्‍बु नोके, चुका ताम्‍ङेला ताङ्‍देन कि गोवु नोके, चुका ताम्‍ङे टेके नोके, चुका ताम्‍ङे ति क्‍येन मेतुप नोके, चुका ताम्‍ङे ति ङ्‍यिङ्‍ज्‍येवु नोके, चुका ताम्‍ङे ति चिताङ कि गोवु नोके, तीला राङ नासाम तोङ। दोजो ललाइ छ्‍ये ताङ टेन छ्‍योवु वोसिन ती ताम्‍ङे ति ल्‍यामु नासाम तोङा।

१ थेसलोनिकी 4:1

तेरी सिनाङ तिङ्‍ला अच्‍युनुपतिवा, चोवो येशूकी मिङला ङ्‍यिराङ ठाकुरे सिनी ख्‍यिराङला गोङ्‍बा शुनी टोङ्‍गु तेरिनो। ख्‍यिरा मिजी चुक क्‍यानी क्‍योङ गोकिवी, चुक क्‍यानी कोन्‍छ्‍योकला गा लोङ गोकिवी सिनी ख्‍यिरा ङ्‍यिरा नेसुर लाप्‍सुङ। तमा तन्‍दा सेक ती दोके कियी वे, तरोङ साङ ख्‍यिराङ मङ मङ फरिन ग्‍युक।

१ थेसलोनिकी 5:16

नरी सेम किर्मु क्‍यानी दे।

याकूब 1:2

ङे ङ्‍यिङ्‍ज्‍येवु अच्‍युनुपतिवा, ख्‍यिरा मिजीला छेटाङ ताङ दुङलतिवा ख्‍येल्‍नी वासिन ती पेला ख्‍यिराङ छासे क्‍यानी गा किसा।

१ पत्रुस 3:8

तेरी सिनाङ तिङ्‍ला ङ काङ सिरिन सिसिन, ख्‍यिराङ सेम च्‍यिक्‍पा राङ च्‍युङ्‍गुप ताङ च्‍यिककी च्‍यिकला दुक्‍पाला ख्‍येलुप पेला ङाडेङ तेरुप ताङ ङ्‍यिङ्‍ज्‍ये कितुप ताङ च्‍यम्‍बा कितुप ताङ छ्‍येजु मिकिवु वुङ गोकिवी।

१ पत्रुस 4:13

यिने ख्‍यिराङ ख्रीष्‍टकी थोक्‍ला छेटाङ खुरुपतिवा यिन्‍दुप तप्‍की ती पेला गा की। तुक क्‍यासिन खोकी मोवा छ्‍या देन्‍दुप पेला ख्‍यिराङला मङ लोदिमु ताङ गा लङ्‍गिवी।

२ पत्रुस 3:1

ङे ङ्‍यिङ्‍ज्‍येवु अच्‍युनुपतिवा, दी ति ङे ख्‍यिराङला टिवु यिकी ङ्‍यिवा यिनो। दी यिकी ङ्‍यिकरकी नाङ्‍ला माङ्‍शोक ताम्‍ङेतिवा ति ख्‍यिरा सेमला नासाम टेङ्‍बु तोङ ज्‍यितुप सिनी टोङ्‍गु तेरुपला टि वे।