फिलिप्पी 2:9 - कोन्छ्‌योककी सुङ

⁹ ती तप्‍की कोन्‍छ्‍योककी खोला छासे चोछ्‍ये जो नाङ्‍नी तेरी सिनाङ चोछ्‍ये वोतुप मिङ ज्‍याङ नाङ्‍सुङ।

फिलिप्पी 2:9 Cross References

मत्ती 11:27

पपी ङला तेरी चेक तेन नाङ्‍सुङ। पपी तिराङ पुज्‍युङला ङो शेकिवी। तमा पुज्‍युङ ताङ पुज्‍युङकी खुरुङ सु यिन सिनी छ्‍या देन्‍दुपला पेतुपतिवी मिसिन यम्‍बा सी साङ पपाला ङो मेशेवी।

मत्ती 28:18

तमा येशू तिवी चाला राङ फेप्‍नी तिवाला दुक सुङ्‍सुङ, “जम्‍बुलिङ ताङ देवाच्‍येनकी तेरी ओङ्‍ज्‍येन ति कोन्‍छ्‍योककी ङला नङ वे।

लूका 10:22

ङे पपी ङला तेरी ताम्‍ङे चेक तेन नाङ्‍सुङ। पपी मिसिन पुज्‍युङ सु यिन सिनी सी साङ ङो मेशेवी। तमा पुज्‍युङ ताङ पुज्‍युङकी पपाला ङो शे ज्‍यितुपला पेतुपतिवी मिसिन पपा सु यिन सिनी सी साङ ङो मेशेवी।”

यूहन्‍ना 13:3

पपा कोन्‍छ्‍योककी जम्‍बुलिङकी तेरी ओङ्‍ज्‍येन खुरुङला नङ्‍गुप ताङ खुरुङ कोन्‍छ्‍योक नेमा वानी येलुङ कोन्‍छ्‍योककी चिप्‍ला राङ लोक्‍नी डोप ताम्‍ङे येशूकी हाक्‍कोसुङ।

यूहन्‍ना 17:11

ङ याङ जम्‍बुलिङला अला मुलुवी, यिने दिवा याङ जम्‍बुलिङला लुकिवी। त याङ ङ पपी ते वुङ्‍यिन वे। ओ चाङ्‍मा वोतुप पपा, पपी ङला नङ्‍गुप ङार वोतुप मिङ नेमा तिवाला र्‍होक्‍टे क्‍यानी पपा ताङ ङ च्‍यिक राङ वोतुप दोके तिवा साङ च्‍यिक राङ च्‍युङ्‍शी।

यूहन्‍ना 17:12

ङ तिवी मुला वोता सेक याङ पपी ङला नङ्‍गुप ङार वोतुप मिङला तिवाला ङे र्‍होक्‍नी ज्‍याकिन। तुक क्‍यानी तिवी पर्ला ङ्‍येलाला डो गोवु तीला मिसिन यम्‍बा सु साङ ङ्‍येलाला माख्‍येल वे। ती ति कोन्‍छ्‍योककी सुङला टिवु ति तेरी छेवुला यिन।

यूहन्‍ना 17:5

ओ पपा, जम्‍बुलिङ ज्‍येङ्‍गुप सिनाङ गोमाला पपा ताङ ङे मुला वोतुप ती मोवा नेसुर पपी थोङ्‍दाङला ङला मोवा च्‍युङ च्‍यी।”

लोमा छ्‍येतिवी लाका 5:31

तमा इस्राएलकी मीतिवाला सेम ग्‍युर ज्‍यितुपला ताङ तिवाला तिवी दिक्‍पा ता ज्‍यितुपला खोला राङ ग्‍येल्‍वु ताङ दिक्‍पा ने थर ज्‍यितुप जोनी कोन्‍छ्‍योककी यावी थाकाला चोछ्‍येवु जोनी ज्‍याक्‍सुङ।

एफिसी 1:10

कोन्‍छ्‌योककी नोवा ति काङ यिन सिसिन तुजे छेसिमा देवाच्‍येन ताङ जम्‍बुलिङला वोतुप तेरी ख्रीष्‍टकी मुला खोकी ओङला च्‍युङ्‍शी।

कलस्सी 1:18

चर्च ति जु यिन्‍सिन खो ति चर्चकी गो चोछ्‍येवु यिन। खो ति थल्‍मा नेज्‍यु वोतुप चोवो यिन, शेपतिवी पर नेमा तेरी सिनाङ गोमाला ङोसु लावु ति खो राङ यिन। तुक क्‍यानी तेरीकी खला खो ति चोछ्‍ये वे।

२ थेसलोनिकी 1:12

तुक क्‍यासिमा दाक्‍पी कोन्‍छ्‍योक ताङ चोवो येशूकी कटिन नेसुर ख्‍यिरा खोकी मिङला मोवा कितुप ताङ ख्‍यिराङला साङ कोन्‍छ्‍योक नेमा वुङ्‍गुप च्‍यम्‍बा ङ्‍येकिवी।

हिब्रू 1:4

खोकी सेवु ति देवाच्‍येनकी लेन क्‍योलुप थुतिवा सिनाङ चोछ्‍ये वे। च्‍यिलासिसिन कोन्‍छ्‍योककी खोला देवाच्‍येनकी लेन क्‍योलुप थुतिवा सिनाङ छासे चोछ्‍येवु मिङ ज्‍याक्‍नी वे।

हिब्रू 1:9

चोवोकी ताम्‍ङे टेङ्‍बुला सेमला डिवी, ताम्‍ङे मेटेङ्‍बुला ङ्‍यिङ्‍मर क्‍या नङ्‍गिवी। तुक क्‍यानी कोन्‍छ्‍योक, कोन्‍छ्‍योककी चोवोला पेनी चोवोकी दाल्‍जातिवाला सिनाङ मङ गा ताङ ताङ्‍देन क्‍या नाङ्‍सुङ।”

हिब्रू 12:2

तमा दाक्‍पी तेपा गो जुवु ताङ ती तेरी छे ज्‍यितुप चोवो येशूला तिराङ नरी ल्‍हाप। खोकी खोरे दोङ्‍ला वोतुप गाकी थोक्‍ला मीतिवी मारे तङ्‍सिनाङ काङ नो माक्‍यानी हम क्‍यानी ग्‍यङ्‍शिङ लोला टुङ्‍सुङ। तमा कोन्‍छ्‍योककी ग्‍येल्‍ठिककी यावी थाकाला ज्‍युसुङ।

हिब्रू 2:9

यिने दाक्‍पु येशूकी कोर्ला नासाम तोङ्‍गुप। कोन्‍छ्‍योककी कटिनकी खो मी तेरीकी थोक्‍ला टुङ्‍गुपला चेयी पर सेककी थोक्‍ला देवाच्‍येनकी लेन क्‍योलुप थुतिवा सिनाङ छ्‍युङा जो नाङ्‍सुङ। मी तेरीकी थोक्‍ला शेपला दुक्‍पा खुर्सिमा कोन्‍छ्‍योककी खोला ग्‍येल्‍वुला दोके मोवा ताङ ताङ्‍देन नाङ्‍सुङ।

१ पत्रुस 3:22

खो देवाच्‍येनला फेप्‍सुङ, तमा देवाच्‍येनकी लेन क्‍योलुप थुतिवा ताङ ओङ्‍ज्‍येन कितुपतिवा ताङ ङारतिवाला खोरे ओङला ज्‍याक्‍नी खो ति कोन्‍छ्‍योककी यावी थाकाला वोतुप ठीला ज्‍युसुङ।

२ पत्रुस 1:17

पपा कोन्‍छ्‍योककी चोवो येशूला ठछ्‍येली वोतुप मोवा नेमा “दी ङे ङ्‍यिङ्‍ज्‍येवु पुज्‍युङ यिनो, दीकी मुला ङ छासे गा लानी वोतो।” सिनी वोरु ग्‍यकुप पेला खोकी नङ्‍गुप ताङ्‍देन ताङ मोवा ति येशूला थोप्‍सुङ।

३ यूहन्‍ना 1:7

च्‍यिलासिसिन तिवा तेपा मिकिवु मीतिवी पर्ला येशूकी थोक्‍ला सुङ ख्‍याप्‍टाक कितुपला गलुप तप्‍की तेपा मिकिवु मीतिवा नेसुर काङ साङ मालाङ्‍नोक।

ज्‍यल्‍का 1:5

तमा पङ्‍बु टेङ्‍बु वोतुप ताङ तेरी सिनाङ थल्‍माला शेप ने ङोसु लङ्‍गुप जम्‍बुलिङकी ग्‍येल्‍वी खकी ग्‍येल्‍वु येशू ख्रीष्‍ट नेसुर कटिन ताङ लोदिमु वुङ्‍शिता। येशू ख्रीष्‍टकी दाक्‍पुला ङ्‍यिङ्‍ज्‍ये क्‍या नङ्‍गुप ताङ खो ग्‍यङ्‍शिङला टुङ्‍नी खोकी ठक नेसुर दाक्‍पी दिक्‍पा ता च्‍यिसुङ।

ज्‍यल्‍का 11:15

येलुङ देवाच्‍येनकी लेन क्‍योलुप थु दिन्‍बा तीकी खोरो ग्‍येलिङ पुसुङ। ती ज्‍युक्‍ला देवाच्‍येन नेमा थोर ग्‍यप्‍नी दुक सिरुप वोरु यी ग्‍येर्पु तेन्‍सुङ, “जम्‍बुलिङकी ग्‍येल्‍खाप ति दाक्‍पी चोवो कोन्‍छ्‍योक ताङ खोकी ख्रीष्‍टकी ग्‍येल्‍खाप च्‍युङ्‍सुङ। त खोकी नरीकी नरी ग्‍येला क्‍या नङ्‍गितो।”

ज्‍यल्‍का 19:16

खोकी मज्‍या ताङ खोकी फिली लोला “ग्‍येल्‍वी खकी ग्‍येल्‍वु” ताङ “चोवो खकी चोवो” सिरुप मिङ टि वे।

ज्‍यल्‍का 3:21

सी शैतानकी ओङ्‍ज्‍येनला ग्‍येल्‍गिवे, तीला ङ ङे ग्‍येल्‍ठिकला ङ ताङ मुला राङ देनी ग्‍येला कि ज्‍यितिनो। ङे साङ शैतानकी ओङ्‍ज्‍येनला ग्‍येल्‍नी पपा कोन्‍छ्‍योककी मुला खोकी ग्‍येल्‍ठिकला देनी वे।

ज्‍यल्‍का 5:12

“सेतुप लुक रुक ति ओङ छ्‍येवु ताङ छ्‍युक्‍पु वोतुप ताङ रिक्‍पा वोतुप ताङ ङार वोतुप ताङ ताङ्‍देन वोतुप ताङ मोवा वोतुप ताङ सोवा लङ छ्‍योवु वे।”