फिलिप्पी 2:5 - कोन्छ्‌योककी सुङ

⁵ ख्‍यिरा सेम ति येशू ख्रीष्‍टला वोतुप दोके वुङ गोकिवी।

फिलिप्पी 2:5 Cross References

मत्ती 11:29

ङ सेम वोल्‍मु ताङ कुसु ज्‍यम्‍बु वे, ख्‍यिराङ ङे ङ्‍याशिङ खुर्नी ङे नेसुर लोप। तुक क्‍यासिन ख्‍यिरा सेमला ङप्‍सु ङ्‍येकिवी।

लूका 22:27

चुका मी ति मङ छ्‍ये यिन? समा सापला देतुप ति छ्‍ये यिनाङ की, शब्‍ज्‍यी कितुप ति छ्‍ये यिन? समा सापला देतुप ति मिन? यिने ङ याङ शब्‍ज्‍यी कितुप मी दोके क्‍यानी ख्‍यिरा पर्ला वे।

लोमा छ्‍येतिवी लाका 10:38

कोन्‍छ्‍योककी नासरतकी येशूला खोकी थु चाङ्‍मा ताङ ङार छ्‍येवु ओङ नाङ्‍सुङ। तमा कोन्‍छ्‍योक ति खोकी मुला राङ ज्‍यु वोतुप तप्‍की लुङ्‍बाकी छो ज्‍यीला खोकी लाका ल्‍यामुतिवा कियी शैतानकी दुक्‍पा बिन्‍नी नानी वोतुप ताङ डेकी कुलुपतिवा तेरीला टेक च्‍यितुप ति ख्‍यिराङला साङ छ्‍या वे।

लोमा छ्‍येतिवी लाका 20:35

ख्‍यिरा साङ टेमु क्‍यानी काङ मेतुपतिवाला चुक क्‍यानी दाल्‍जा कि गोकिवी सिनी ङे मिजी नेमा राङ छ्‍या तेन वे। चोवो येशूकी ‘लङ्‍गुप सिनाङ तेरुप ति मङ मोलाम वोतुप यिन।’ सिनी सुङ्‍गुप ति ख्‍यिरा नासाम तोङ।”

रोमी 14:15

दोजो ख्‍योरो सोवु समाकी ख्‍योरो अच्‍युनुपकी सेमला मेलोवा जेवी सिसिन ख्‍युरुङ तिवाला ङ्‍यिङ्‍ज्‍ये माक्‍यावु यिन। तुक क्‍यानी ख्‍योरो सोवु समाकी ख्‍योरो अच्‍युनुपतिवाला मेलोवा मातोङ। च्‍यिलासिसिन येशू ख्रीष्‍ट तिवी थोक्‍ला टुङ्‍गुप यिन।

रोमी 15:3

च्‍यिलासिसिन ख्रीष्‍टकी साङ खोरुङ तिराङ गा माक्‍या। ती तप्‍की कोन्‍छ्‍योककी सुङला दुक सिनी टि वे, “चोवोकी तेन्‍दोकला लानी बिन्‍दुप क्‍येन ति तन्‍दा ङला फोक्‍सुङ।”

रोमी 15:5

ती दाक्‍पुला हम क्‍यानी दे थुपुप ताङ टोङ्‍गु नङ्‍गुप कोन्‍छ्‍योककी ख्‍यिराङ तेरीला येशू ख्रीष्‍टकी क्‍यावु दोके च्‍यिककी च्‍यिकला सेम थिन्‍नी मिजी क्‍योङ्‍गुपला दाल्‍जा किटे किशी।

१ कोरिन्‍थी 10:33

तुक राङ क्‍यानी ङे साङ काङ क्‍यासिनाङ मी तेरीला सेम गा लोङ्‍गुप नो क्‍यायी। ङ ङरा थोक्‍ला तिराङ मिन, यिने मी तेरीला ल्‍यामु च्‍युङ्‍शी सिरुप नो कितिन। तुक क्‍यानी ती मीतिवा साङ दिक्‍पा ने थर्शी।

एफिसी 5:2

येशू ख्रीष्‍टकी दाक्‍पुला ङ्‍यिङ्‍ज्‍ये क्‍या नङ्‍नी कोन्‍छ्‌योकला गा लङ्‍गुप बुल्‍वा ताङ जिन्‍बा च्‍युङ्‍नी दाक्‍पी दिक्‍पी थोक्‍ला टुङ्‍सुङ। तुक राङ क्‍यानी ख्‍यिराङ साङ च्‍यिककी च्‍यिकला ङ्‍यिङ्‍ज्‍ये की।

फिलिप्पी 1:1

टसी देलेक! दी यिकी ति ख्रीष्‍ट येशूकी थोक्‍ला शब्‍ज्‍यी कितुप ङ पावल ताङ तिमोथी नेसुर फिलिप्‍पीला वोतुप येशूला तेपा कितुप मीतिवा तेरी ताङ चर्चला गोमा कितुप मीतिवा ताङ चर्चला ल्हाटे कितुप मीतिवाला टिवु यिनो।

१ पत्रुस 2:21

च्‍यिलासिसिन खोकी ख्‍यिराङला तीकी थोक्‍ला कताङ नङ्‍गुप यिन। ख्रीष्‍टकी साङ छेटाङ खुर्नी ख्‍यिरा थोक्‍ला पङ्‍बु च्‍युङ्‍सुङ। ती तप्‍की ख्‍यिराङ साङ खोकी क्‍या नङ्‍गुप दोके क्‍यानी मिजी क्‍योङ गोकिवी।

१ पत्रुस 4:1

चुक क्‍यानी ख्रीष्‍टकी खोरे जुला दुक्‍पा खुर नाङ्‍सुङ, ख्‍यिरा साङ खोकी दोके क्‍यानी दुक्‍पा खुरुपला टडिक क्‍यानी दे। च्‍यिलासिसिन सी ख्रीष्‍टकी थोक्‍ला जुला दुक्‍पा खुर्किवे, तीकी दिक्‍पा कितुप क्‍युर्किवी।

१ यूहन्‍ना 2:6

ङे मिजी ति कोन्‍छ्‍योक ताङ मुला तम्‍जी ल्‍यामु वे सिरुप मी तीकी येशूकी दोके मिजी क्‍योङ गोकिवी।