फिलिप्पी 2:3 - कोन्छ्‌योककी सुङ

³ खोरो थोक्‍ला तिराङ नासाम तोङ्‍गुप ताङ अम्‍बारङ्‍शिङ कितुप मिन, यिने कुसु ज्‍यम्‍बु क्‍यानी च्‍यिककी च्‍यिकला खुरुङ सिनाङ छ्‍ये यिन सिनी नो की।

फिलिप्पी 2:3 Cross References

लूका 18:14

ङ ख्‍यिराङला सिरिन, कोन्‍छ्‍योककी ती मी तीला मी यम्‍बा सिनाङ टेङ्‍बु वे सिनी खोरे सेमला लासुङ, तमा ती ति खोरो खाङ्‍बा गाल। च्‍यिलासिसिन सी खुरुङला येर देकिवे, ती ति मो बेप्‍किवी। तमा सी खुरुङला मो बेप्‍किवे, ती ति येर देकिवी।”

रोमी 12:10

च्‍यिककी च्‍यिकला अच्‍युनुप दोके क्‍यानी ङ्‍यिङ्‍ज्‍ये की। रङला सिनाङ मी यम्‍बाला मङ ताङ्‍देन की।

रोमी 13:13

तमा ङ्‍यिमी गुङला युकुप दोके मिजी टेङ्‍बु क्‍योङ्‍गुप। ङ्‍याम तोङ्‍गुप ताङ छ्‍याङ्‍गेले कितुप ताङ शम्‍डेन कितुप ताङ छ्‍येवु कितुप ताङ थमु ग्‍यकुप ताङ ठतोक कितुप माकी।

रोमी 2:8

यिने खुरुङला तिराङ नासाम तोङ्‍गुप ताङ कोन्‍छ्‍योककी सुङ टेङ्‍बुला माङ्‍येन्‍नी लाका दुक्‍टा तिराङ कितुपतिवाला खोकी ङ्‍यिर्मु ताङ पर्च्या तोङ्‍गिवी।

१ कोरिन्‍थी 15:9

ङ ति लोमा छ्‍येतिवी पर्ला छासे छ्‍युङा यिन। ङ ति लोमा छ्‍ये वुङ छ्‍योवु साङ मे, च्‍यिलासिसिन कोन्‍छ्‍योकला तेपा कितुप खोकी चर्चकी मीतिवाला ङे कशेन छेटाङ बिन्‍दुप यिन।

१ कोरिन्‍थी 3:3

ख्‍यिराङ तेपा क्‍यासिनाङ तरोङ साङ जम्‍बुलिङकी ओङला वोतुप मीतिवा दोके राङ वे। च्‍यिलासिसिन ख्‍यिरा पर्ला ठतोक कितुप ताङ खाँदा कितुप किवी। ख्‍यिराङ तुक कितुप ति जम्‍बुलिङकी ओङला वोतुप मीतिवी क्‍यावु दोके मिन रो?

२ कोरिन्थी 12:20

ङ ख्‍यिरा ते वुङ्‍गुप पेला ख्‍यिराङ ङे नोवाला वोतुप दोके ठेकिताङ मेठेताङ, ङ साङ ख्‍यिरा नोवाला वोतुप दोके ठेकिताङ मेठेताङ सिनी ङला ज्‍यिवा लानी वे। तमा ख्‍यिरा पर्ला खाँदा कितुप ताङ ठतोक कितुप ताङ ङ्‍यिर्मु कितुप ताङ रङगी थोक्‍ला तिराङ नासाम तोङ्‍गुप ताङ मी यम्‍बाला ताम्‍ङे मेलोवा कितुप ताङ मीला मेतुप ताङ छ्‍येजु कितुप ताङ खुरुङ राङ सेम नोजु क्‍यानी युकुप गल वे सिनी ङला छासे ज्‍यिवा लानी वे।

गलाती 5:15

यिने ख्‍यिराङ नाठुङकी सेम्‍ज्‍येनतिवा दोके च्‍यिककी च्‍यिकला फेतुप ताङ सेवी सिसिन ख्‍यिरा पर्ला राङ ना डोप लाका यिनो। तीकी कोर्ला ख्‍यिराङ च्‍याङ्‍से देता।

गलाती 5:26

दाक्‍पु ङ राङ यिन सिरुप मेवी, च्‍यिककी च्‍यिकला ङ्‍यिर्मु लोङ्‍गुप मेवी, तमा च्‍यिककी च्‍यिकला ठतोक साङ कितुप मेवी।

एफिसी 4:2

नरी सेम बोल्‍मु ताङ च्‍यङ्‍च्‍यु सेम्‍बा च्‍युङ्‍नी हम क्‍यानी च्‍यिककी च्‍यिकला ङ्‍यिङ्‍ज्‍ये की।

एफिसी 5:21

येशू ख्रीष्‍टला ताङ्‍देन क्‍यानी च्‍यिक ताङ च्‍यिककी ओङला देता।

फिलिप्पी 2:14

तमा ख्‍यिराङ काङ किसिनाङ मुक्‍तम देन्‍दुप ताङ खाँदा माक्‍यानी किसा।

कलस्सी 3:12

ख्‍यिराङ कोन्‍छ्‍योककी पेन नङ्‍गुप खोकी ङ्‍यिङ्‍ज्‍येवु ताङ टेङ्‍बु वोतुप मी यिन्‍दुप तप्‍की च्‍यङ्‍च्‍यु सेम्‍बा ताङ च्‍यम्‍बा कितुप ताङ खोरुङला मो बेपुप ताङ कुसु ज्‍यम्‍बु ताङ हम क्‍या देतुप वुङ गोकिवी।

कलस्सी 3:8

यिने त याङ ख्‍यिरा मिजी नेसुर ती तेरी ङ्‍यिर्मु कितुप ताङ ङ्‍यिर्मु कोक्‍पु वोतुप ताङ ङ्‍यिङ्‍मर कितुप ताङ मारे तोङ्‍गुप ताङ ताम्‍ङे मेलोवा लपुप ति ख्‍यिरा ख नेमा क्‍युर गोकिवी।

१ तिमोथी 6:4

तुका मी ति ङ राङ यिन सिनी सिवी, तीकी काङ साङ येन्‍देन शेवु मेवी। तमा तीकी तेन्‍दोक मेतुप ताम्‍ङेला केवुल कितुप तिराङ क्‍यानी ताम्‍ङे छिक रे रेला थमु ग्‍यकुप छोल्‍गिवी। तीकी जोसालेन्‍सिन ठतोक कितुप ताङ खाँदा शोरुप ताङ मारे तोङ्‍गुप ताङ नाम्‍दोक मेलोवातिवा वुङ्‍गिवी।

१ पत्रुस 3:8

तेरी सिनाङ तिङ्‍ला ङ काङ सिरिन सिसिन, ख्‍यिराङ सेम च्‍यिक्‍पा राङ च्‍युङ्‍गुप ताङ च्‍यिककी च्‍यिकला दुक्‍पाला ख्‍येलुप पेला ङाडेङ तेरुप ताङ ङ्‍यिङ्‍ज्‍ये कितुप ताङ च्‍यम्‍बा कितुप ताङ छ्‍येजु मिकिवु वुङ गोकिवी।

१ पत्रुस 5:5

तमा नाज्‍युङतिवा, गावागुवातिवी ओङला देता। च्‍यिक ताङ च्‍यिककी ओङला देनी छ्‍येजु मिकिवु वुङ गोकितो। च्‍यिलासिसिन “छ्‍येजु कितुप मीतिवाला कोन्‍छ्‍योककी गा मलाङ्‍गिवी, यिने छ्‍येजु मिकिवु मीतिवाला खोकी कटिन नङ्‍गिवी।” सिनी कोन्‍छ्‍योककी सुङला साङ टि वे।