फिलिप्पी 2:27 - कोन्छ्‌योककी सुङ

²⁷ वुतुङ के ती ति च्‍येती नासुङ, यिन्‍सिनाङ कोन्‍छ्‍योककी तीला च्‍यम्‍बा नाङ्‍सुङ। तीला तिराङ मिन, ङला पप लावु खला साङ पप मलाङ्‍शी सिनी कोन्‍छ्‍योककी च्‍यम्‍बा नाङ्‍सुङ।

फिलिप्पी 2:27 Cross References

लोमा छ्‍येतिवी लाका 9:37

तोजो पेला राङ ती ति नानी शिसुङ। तमा मीतिवी तीला जु टुनी येर तेला वोतुप कोठाला ज्‍याक्‍सुङ।

१ कोरिन्‍थी 10:13

ख्‍यिरा मिजीला खोक्‍पा ल्‍हाप ताम्‍ङेतिवा ख्‍येलुप पेला ती खोक्‍पा ल्‍हाप ताम्‍ङेतिवा ति मी यम्‍बाला साङ ख्‍येल्‍गिवी सिनी नासाम तोङ। कोन्‍छ्‍योक ति खोङ्‍तेर्मु वे, खोकी ख्‍यिराङला ख्‍यिरा अछ्‍योवु सिनाङ ल्‍हक्‍पा खोक्‍पा ल्‍हाप ताम्‍ङेला ख्‍येल मिज्‍यिवी। यिने खोक्‍पा ल्‍हाप ताम्‍ङे ख्‍येल वासिनाङ ती नेसुर थरुप लाम साङ नङ्‍गिवी। तुक क्‍यानी ख्‍यिराङ खोक्‍पा ल्‍हापला ख्‍येलुप पेला हम क्‍यानी दे थुप्‍किवी।

२ कोरिन्थी 2:7

त याङ ख्‍यिरा तीला माफ बिन्‍नी टोङ्‍गु तेर गोकिवी। मिसियाङ ती मी ति छासे सेम्‍दुक लानी तेपा कितुप साङ क्‍युर्नी ज्‍योक थुप्‍किवी।

फिलिप्पी 2:26

च्‍यिलासिसिन तीकी ख्‍यिराङ तेरीला छासे ठेतुप नोकिनोक। तमा ती अमोछ्‍योवु हाक्‍कोनी ख्‍यिराङ तीकी थोक्‍ला सेम्‍दुक क्‍यावु थोसिमा ती ति मङ यर्मिन मर्मिन गाल्‍सुङ।

फिलिप्पी 2:28

ती तप्‍की तीला ख्‍यिरा ते तोङ्‍गुप ङला छासे नो वे। तीकी तेन्‍दोक ति तीला थोङ्‍सिमा ख्‍यिराङ गा किवी। तमा ङला साङ पप अला मलाङ्‍गिवी।

फिलिप्पी 2:30

च्‍यिलासिसिन तीकी ख्रीष्‍टकी थोक्‍ला शि राङ गोसिनाङ लाका क्‍यासुङ, तमा ङे थोक्‍ला ख्‍यिरा कि मुथुपु शब्‍ज्‍यी कितुपला तो मिसिन शिसुङ।