फिलिप्पी 2:22 - कोन्छ्‌योककी सुङ

²² यिने तिमोथी खोङ्‍तेर्मु वोतुप ति ख्‍यिराङला साङ छ्‍या वे। तीकी चुक क्‍यानी पुज्‍युङकी पपाला शब्‍ज्‍यी किवे, तुक राङ क्‍यानी ङ ताङ मुला लेन ल्‍यामु ख्‍याप्‍टाक कितुपला दाल्‍जा क्‍यासुङ।

फिलिप्पी 2:22 Cross References

लोमा छ्‍येतिवी लाका 16:2

तमा लुस्‍त्रा ताङ आइकोनियनकी तेपा कितुपतिवी तिमोथीकी कोर्ला ताम्‍ङे ल्‍यामु किनोक।

रोमी 5:4

दाक्‍पु हम क्‍या देसिमा दाक्‍पी किताङ नालु ल्‍यामु जेवी। तमा किताङ नालु ल्‍यामु च्‍युङ्‍सिमा दाक्‍पुला रेवा ङ्‍येकिवी।

१ कोरिन्‍थी 16:10

दोजो तिमोथी ख्‍यिरा ते वासिन ख्‍यिरा ते देतुप पर सेक ति तीला ख्‍यिरा मुला राङ जोल्‍हमु क्‍यानी दे च्‍यिता। च्‍यिलासिसिन ती साङ ङ दोके कोन्‍छ्‍योककी थोक्‍ला लाका कितुप मी यिन।

१ कोरिन्‍थी 4:17

ती तप्‍की तिमोथीला ङ ख्‍यिरा ते तोङ्‍यिन वोतो। ती ति येशू ख्रीष्‍टला तेपा कितुप छासे ङ्‍यिङ्‍ज्‍येवु ङे पुज्‍युङ यिन। दासा तेरीला वोतुप चर्चकी मीतिवाला ङे लापुप दोके ङ चुक क्‍यानी येशू ख्रीष्‍टकी कला युनी मिजी क्‍याङ्‍सुङ सिरुप ताम्‍ङे ति तीकी ख्‍यिराङला टेन्‍सो कि ज्‍यिकितो।

२ कोरिन्थी 2:9

ङे सिक्‍यावु ति ङ्‍येन्‍गिवे मेङ्‍येन्‍वे ल्‍हापला ताङ ख्‍यिराङ खला ङ्‍येमु वोतुप मेतुप हाक्‍कोवुला राङ ङे ती यिकी ति ख्‍यिराङला टिवु यिनो।

२ कोरिन्थी 8:22

तीतसकी मुला यम्‍बा नुप मिरा च्‍यिक साङ ङ्‍यिरा ख्‍यिरा ते तोङ्‍यिन वोतो। तीला ङ्‍यिरा थेङ्‍मा अलायी सेक तिन्‍नी ल्‍हासिमा छासे ङर्मा क्‍यानी दाल्‍जा कितुप थोङ्‍सुङ। तीकी ख्‍यिराङला छासे लो तेन्‍दुप तप्‍की मङ ङार छ्‍येवु गल वे।

२ कोरिन्थी 8:24

तुक क्‍यानी ख्‍यिरा तिवाला ङ्‍यिङ्‍ज्‍ये क्‍यानी पङ्‍बु छ्‍या तेन। तुक क्‍यासिन ङ्‍यिरा च्‍यिला ख्‍यिरा कोर्ला तेके क्‍यानोक सिरुप ति चर्चतिवी साङ हाक्‍को थुप्‍शी।

२ कोरिन्थी 8:8

दी ताम्‍ङे ति ङे ख्‍यिराङला क तेरुपला सिक्‍यावु मिन। यिने मी यम्‍बी सेम्‍बा सेमगी दाल्‍जा कितुप लाकाला चो ङ्‍यम्‍ले क्‍यासुङ ती ति ख्‍यिराङला सिक्‍यानी ख्‍यिरा ङ्‍यिङ्‍ज्‍ये क्‍यावु ति टेङ्‍बु यिनोक मिनोक हाक्‍कोवुला सिक्‍यावु यिन।

फिलिप्पी 1:12

अच्‍युनुपतिवा, ख्‍यिराङला दी ताम्‍ङे ति ल्‍यामु हाक्‍कोशी सिरुप ति ङे नोवा वे। काङ यिन सिसिन ङला छेटाङ ख्‍येलुप तप्‍की राङ लेन ल्‍यामु ख्‍याप्‍टाक कितुप लाका मङ च्‍युङ्‍नी वे।

फिलिप्पी 1:16

नासाम ल्‍यामो तङ्‍नी लेन ल्‍यामु ख्‍याप्‍टाक कितुपतिवी कोन्‍छ्‍योककी लेन ल्‍यामु र्‍होकुपला राङ ङ चोन्‍खाङला शोरुप यिन सिरुप हाक्‍कोनी ङ्‍यिङ्‍ज्‍ये लानी ख्‍याप्‍टाक क्‍यासुङ।

फिलिप्पी 1:5

च्‍यिलासिसिन ख्‍यिरा गोमाला येशू ख्रीष्‍टकी लेन ल्‍यामु थोवु पेला नेज्‍यु तन्‍दा सेक ती लेन ल्‍यामु ख्‍याप्‍टाक कितुपला ङ ताङ मुला दाल्‍जा किटे क्‍यासुङ।

फिलिप्पी 1:7

ख्‍यिराङ तेरीकी थोक्‍ला ङे दी नासाम तङ्‍गुप ति टेके यिन। च्‍यिलासिसिन तसाम ङ चोन्‍खाङला वोतुप पेला ताङ चोन्‍खाङ नेमा तेन्‍नी लेन ल्‍यामु ख्‍याप्‍टाक कितुप ताङ तीला तेन्‍तेन कितुप पेला कोन्‍छ्‍योककी नङ्‍गुप कटिनला ख्‍यिरा ङ ताङ मुला लाका क्‍यासुङ। तुक क्‍यानी ख्‍यिराङला नरी ङे सेमला ज्‍याङ वे।

फिलिप्पी 2:20

च्‍यिलासिसिन तिमोथी दोके सेम टेङ्‍बु क्‍यानी ख्‍यिरा थोक्‍ला पप कितुप मी ति ङे मुला सु साङ मे।

१ तिमोथी 1:18

ङे ङ्‍यिङ्‍ज्‍येवु आङ तिमोथी, गोमाला के कोन्‍छ्‍योककी लुङ्‍तेम्‍बातिवी ख्‍योरो थोक्‍ला नम्‍दर शेतुप ताम्‍ङे दोके ङ येलुङ क तेरिन। मक्‍मीतिवी ङाडेङ क्‍यानी थमु ग्‍यकुप दोके क्‍यानी चोवो कोन्‍छ्‍योककी थोक्‍ला लाका ल्‍यामु की।

१ तिमोथी 1:2

वुतुङ के तेपा कितुप आङ तिमोथीला टिवु यिनो। पपा कोन्‍छ्‍योक ताङ दाक्‍पी चोवो येशू ख्रीष्‍ट नेमा ख्‍युरुङला कटिन ताङ च्‍यम्‍बा ताङ लोदिमु वुङ्‍शी।

१ तिमोथी 4:6

ती येन्‍देन ति ख्‍योरो अच्‍युनुपतिवाला साङ लाप्‍सुङ सिसिन ख्‍योरो तेपा क्‍यावु सुङ ताङ येन्‍देन टेङ्‍बुला सिक्‍यावु दोके मङ रम्‍बु च्‍युङ्‍नी ख्‍युरुङ येशू ख्रीष्‍टकी थोक्‍ला लाका ल्‍यामु कितुप डिवी।

२ तिमोथी 1:2

आङ तिमोथीला दी यिकी ति टिवु यिनो। पपा कोन्‍छ्‍योक ताङ दाक्‍पी चोवो ख्रीष्‍ट येशू नेमा ख्‍युरुङला कटिन ताङ च्‍यम्‍बा ताङ लोदिमु वुङ्‍शी।

२ तिमोथी 3:10

यिने त याङ ख्‍योरो ङे बिन्‍दुप येन्‍देन ताङ ङे किताङ नालु ताङ ङे मिजीकी नोवा ताङ ङे क्‍यावु तेपा ताङ ङे हम क्‍या देतुप ताङ ङे क्‍यावु ङ्‍यिङ्‍ज्‍ये ताङ ङ डेकला देतुप ति तेरी थोङ्‍नी वे।

तीतस 1:4

येशू ख्रीष्‍टला तेपा कितुप च्‍यिक राङ वोतुप ङे आङ तीतसला दी यिकी टिवु यिनो। पपा कोन्‍छ्‍योक ताङ दाक्‍पुला दिक्‍पा ने थर ज्‍यितुप येशू ख्रीष्‍टकी कटिन ताङ लोदिमु ख्‍युरुङला नङ्‍शी।