फिलिप्पी 2:21 - कोन्छ्‌योककी सुङ

²¹ मी यम्‍बातिवा याङ येशू ख्रीष्‍टला मिन, यिने खोरो थोक्‍ला तिराङ नासाम तोङ्‍गिनोक।

फिलिप्पी 2:21 Cross References

मत्ती 16:24

ती ज्‍युक्‍ला येलुङ येशूकी लोमातिवाला सुङ्‍सुङ, “सु ङे तिङ्‍ला तिङ्‍योकुप नो किवे, तीकी खोरो नोवातिवा क्‍युर ज्‍याक्‍नी खोरो ग्‍यङ्‍शिङ खुर्नी ङे तिङ्‍ला तिङ्‍योक गोकिवी।

लूका 14:26

“सु ङे तिङ्‍ला तिङ्‍योकुप नो किवे, तीकी खोरो पपाआमा, पेजापेर्मी, अच्‍युनुप, अज्‍यीनुमतिवा ताङ खोरो मिजीला साङ ङला सिनाङ मङ ङ्‍यिङ्‍ज्‍ये किवी सिसिन ती ति ङे लोमा च्‍युङ मुथुपी।

लोमा छ्‍येतिवी लाका 13:13

तमा पावल ताङ खोकी दाल्‍जातिवा पाफोस नेवा टुला जेनी पामफिलियाकी लुङ्‍बाला वोतुप पर्गा सिरुप दासाला लेप्‍सुङ। यिने यूहन्‍ना ति तिवी मु नेसुर केनी यरूशलेमला राङ लोक्‍सुङ।

लोमा छ्‍येतिवी लाका 15:38

यिने पावलकी मर्कूस पामफिलिया नेसुर तिवा ताङ मुला क्‍येनी गलुप ताङ तिवी मुला लाका माक्‍यावु तप्‍की तीला टिनी डोप नो माक्‍या।

१ कोरिन्‍थी 10:24

सी साङ खोरो थोक्‍ला तिराङ ख्‍येप्‍साङ माछोल, यिने मी यम्‍बी थोक्‍ला साङ ख्‍येप्‍साङ वुङ्‍गुप लाका किशी।

१ कोरिन्‍थी 10:33

तुक राङ क्‍यानी ङे साङ काङ क्‍यासिनाङ मी तेरीला सेम गा लोङ्‍गुप नो क्‍यायी। ङ ङरा थोक्‍ला तिराङ मिन, यिने मी तेरीला ल्‍यामु च्‍युङ्‍शी सिरुप नो कितिन। तुक क्‍यानी ती मीतिवा साङ दिक्‍पा ने थर्शी।

१ कोरिन्‍थी 13:5

तमा सेमला ङ्‍यिङ्‍ज्‍ये वोतुप मी तीकी ताङ्‍देन मेतुप किताङ नालु मेलोवा मिकिवी, खुरुङला तिराङ नासाम मोतोङ्‍गिवी, ङ्‍यिर्मु मिकिवी, मी यम्‍बी खुरुङला मेलोवा क्‍यावु ति नासाम मोतोङ्‍गिवी।

२ कोरिन्थी 1:5

चुक क्‍यानी ख्रीष्‍टकी थोक्‍ला ङ्‍यिरा छेटाङ बङी खुर्किवे, तुक राङ क्‍यानी ख्रीष्‍ट नेमा कोन्‍छ्‍योककी ङ्‍यिराङला छासे क्‍यानी टोङ्‍गु नङ्‍गिवी।

फिलिप्पी 2:4

ख्‍यिराङ रङगी थोक्‍ला तिराङ नासाम मातोङ, यिने मी यम्‍बी थोक्‍ला साङ नासाम तोङ।

२ तिमोथी 1:15

ख्‍युरुङला छ्‍या राङ वे, एशिया लुङ्‍बाला देतुपतिवा तेरीकी ङला क्‍युर ज्‍याक्‍नी गाल्‍सुङ। तिवी पर्ला फुगेलस ताङ हर्मोगेनस साङ यिन।

२ तिमोथी 3:2

ती तुजेला मीतिवा खोरो थोक्‍ला तिराङ नासाम तोङ्‍गुप ताङ टङ्‍गा डेवाला तिराङ चा कितुप ताङ अम्‍बारङ्‍शिङ कितुप ताङ तेके कितुप ताङ मीला मारे तोङ्‍गुप ताङ पपाआमी खला मेङ्‍येन्‍दुप ताङ टेन मसम्‍बुप ताङ कोन्‍छ्‍योकला ताङ्‍देन मिकिवु ताङ

२ तिमोथी 4:10

च्‍यिलासिसिन डेमासकी दी जम्‍बुलिङकी ताम्‍ङेला नासाम तङ्‍नी ङला क्‍युर ज्‍याक्‍नी थेसलोनिकेला गाल्‍सुङ। क्रेसेन्‍स साङ गलातियाला गाल्‍सुङ। तमा तीतस ति दलमातियाला गाल्‍सुङ।

२ तिमोथी 4:16

थल्‍माला ङ ठिम्‍खाङला क्‍यलुप पेला सी साङ ङे छ्‍योला ताम्‍ङे मालाप, यिने तेरीकी ङला क्‍युर ज्‍याक्‍नी गाल्‍सुङ। तीकी क्‍येन ति तिवाला मोफोक्‍शिता।