फिलिप्पी 2:17 - कोन्छ्‌योककी सुङ

¹⁷ ख्‍यिरा कोन्‍छ्‍योकला तेपा क्‍यावु ताङ शब्‍ज्‍यी क्‍यावु ति जिन्‍बा बुलुप दोके राङ यिन। ती जिन्‍बाकी थोक्‍ला ङ शि राङ गोसिनाङ शि थुप्‍किवी। तमा ख्‍यिराङ तेरीकी मुला ङ छासे गा कितिन।

फिलिप्पी 2:17 Cross References

लोमा छ्‍येतिवी लाका 20:24

यिन्‍सिनाङ ङे कि गोवु लाका तेरी सिन्‍दा कितुप ताङ कोन्‍छ्‍योककी कटिन वोतुप लेन ल्‍यामुकी कोर्ला पङ्‍बु तेरुपला चोवो येशू नेमा ङला चेक तेन नङ्‍गुप लाका तेरी कि थुप्‍सुङ सिसिन ङे मिजी ति काङ साङ मिन।

लोमा छ्‍येतिवी लाका 21:13

यिने पावलकी ङ्‍यिराङला “ख्‍यिराङ दुक क्‍यान ङुनी ङे सेम च्‍यिला मेलोवा जेवी? चोवो येशूकी मिङला ङ चोन्‍खाङला शोर्सिनाङ, यरूशलेमला शिराङ गोसिनाङ ङ डोयी।” सिनी सिक्‍यासुङ।

रोमी 12:1

तुक क्‍यानी अच्‍युनुपतिवा, च्‍यम्‍बा वोतुप कोन्‍छ्‍योक नेसुर ङ ख्‍यिराङला ठाकुरे सिरिन। ख्‍यिरा दाक दाक्‍पी मिजी ति कोन्‍छ्‍योकला गा लङ्‍गुप ताङ चाङ्‍मा वोतुप जिन्‍बा पुल। तुक क्‍यावु ति ख्‍यिरा सेमगी दिङ नेज्‍युनी खोला सोवा तेकुप यिन।

रोमी 15:16

कोन्‍छ्‍योककी ङला नङ्‍गुप कटिनकी जोसालेन्‍सिन ङ ति येशू ख्रीष्‍टकी थोक्‍ला शब्‍ज्‍यी बुलुप मी च्‍युङ्‍नी यहूदी मिन्‍दुप मिरिक यम्‍बाकी मीतिवाला लेन ल्‍यामु ख्‍याप्‍टाक कितुप कोङ्‍यारकी लाकातिवा कितुपला पेन नङ्‍गुप यिन। तुक क्‍यानी यहूदी मिन्‍दुप मिरिक यम्‍बाकी मीतिवा साङ खोकी थु चाङ्‍माकी ओङला टेङ्‍बु च्‍युङ्‍नी खोला गा लङ्‍गुप बुल्‍वा च्‍युङ थुप्‍शी।

२ कोरिन्थी 12:15

ङ ख्‍यिरा थोक्‍ला छासे गा क्‍यानी ङे मुला वोतुप तेरी डोसुम तोङ्‍गुप ताङ ङे मिजी साङ तेरिन। ङे ख्‍यिराङला तुका मङ्‍मु ङ्‍यिङ्‍ज्‍ये क्‍यासिनाङ ख्‍यिरा ङला ङ्‍यिङ्‍ज्‍ये मिकिवी?

२ कोरिन्थी 4:12

तुक क्‍यानी ङ्‍यिरा मिजीला ति शेपकी लाका किवी, यिने ख्‍यिराङला ति सेन्‍बु वोतुप मिजीकी लाका किवी।

२ कोरिन्थी 6:10

सेम्‍दुक लासिनाङ नरी गा लानी वे। पेराङ्‍बु वोसिनाङ मी बङीला छ्‍युक्‍पु जो थुपुप वे। काङ मेतुप दोके वोसिनाङ तेरी वोतुप दोके वे।

२ कोरिन्थी 7:4

ङ ख्‍यिराङला छासे लो तेन्‍गिवी। ङ ख्‍यिरा थोक्‍ला छासे तेके कितिन। ख्‍यिराङ नेसुर ङला मङ टोङ्‍गु ङ्‍येन वे। ङला चो छेटाङ ख्‍येल्‍सिनाङ सेमला छासे गा लानी वे।

फिलिप्पी 1:20

ङे खक्‍छ्‍येवुला कि राङ गोवु लाका ताङ रेवा ति दी यिन। ङ नाम्‍साङ ङोछाला माख्‍येल्‍नी छासे ङाडेङ ङ्‍येनी शिसिनाङ सेन्‍बु वोसिनाङ नरी दोके तन्‍दा साङ ङे मिजी ति ख्रीष्‍टकी थोक्‍ला मोवा कितुप डोशी।

फिलिप्पी 2:18

तुक राङ क्‍यानी ख्‍यिराङ साङ ङ ताङ मुला राङ छासे गा कि गोकिवी।

फिलिप्पी 2:30

च्‍यिलासिसिन तीकी ख्रीष्‍टकी थोक्‍ला शि राङ गोसिनाङ लाका क्‍यासुङ, तमा ङे थोक्‍ला ख्‍यिरा कि मुथुपु शब्‍ज्‍यी कितुपला तो मिसिन शिसुङ।

फिलिप्पी 4:18

ख्‍यिरा इपाफ्रोडिटसला कल्‍नी तङ्‍गुप बुल्‍वा ति ङे लकला ख्‍येल्‍सुङ। ती बुल्‍वातिवा ङे थोप गोवु सिनाङ मङ यिन। ती ति टी जङ्‍बु खाप पो दोके ताङ कोन्‍छ्‍योकला गा लङ्‍गुप ताङ खोकी सेमला डोप जिन्‍बा दोके यिन।

कलस्सी 1:24

त याङ ङ ख्‍यिरा थोक्‍ला दुक्‍पा खुरुपला गा कितिन। तमा ख्रीष्‍टकी जु यिन्‍दुप चर्चकी थोक्‍ला खुर गोवु दुक्‍पा ताङ छेटाङ ति ङे जुला खुर्नी तेरी कितिन।

१ थेसलोनिकी 2:8

तुक क्‍यानी ङ्‍यिरा ख्‍यिराङला छासे ङ्‍यिङ्‍ज्‍ये लानी कोन्‍छ्‍योककी लेन ल्‍यामु तिराङ ख्‍याप्‍टाक क्‍यावु मिन, ङ्‍यिरा मिजी साङ ख्‍यिरा थोक्‍ला तेरुप छलिन।

२ तिमोथी 4:6

ङला दी चोन्‍खाङला सेतुप पेला लेप्‍नी वे। त याङ ङे मिजी ति कोन्‍छ्‍योककी थोक्‍ला बुलुपला टडिक वे।

१ पत्रुस 2:5

ख्‍यिराङ साङ कोन्‍छ्‍योककी मिजी नङ्‍गुप दो दोके यिन। खोकी ती दोतिवा दुम्‍नी खोरे थु चाङ्‍माकी ल्‍हङाङ जो नङ्‍गिवी। तुक क्‍यानी ख्‍यिराङ ति येशू ख्रीष्‍ट नेसुर सेम टेङ्‍बु क्‍यानी कोन्‍छ्‍योकला गा लङ्‍गुप जिन्‍बा बुलुप चाङ्‍मा वोतुप कोङ्‍यारतिवा यिनो।

१ यूहन्‍ना 3:16

ङ्‍यिङ्‍ज्‍ये काङ यिन सिरुप ति चुक क्‍यानी हाक्‍कोकिवी सिसिन, येशू ख्रीष्‍टकी दाक्‍पी थोक्‍ला मिजी नङ्‍गुप ल्‍हासिमा हाक्‍कोकिवी। तुक क्‍यानी दाक्‍पी साङ रङगी अच्‍युनुपतिवी थोक्‍ला मिजी तेर गोकिवी।