फिलिप्पी 2:16 - कोन्छ्‌योककी सुङ

¹⁶ मिजीकी सुङला ख्‍यिराङ रम्‍बु क्‍यानी देता, तमा ङे लाका ताङ हुर्ताक क्‍यावु ति तेर्मेला मोडोवी। तुक क्‍यासिन ख्रीष्‍ट फेवु तुजेला ख्‍यिराङ को छ्‍येवु तप्‍की ङे सेमला छासे गा लङ्‍गिवी।

फिलिप्पी 2:16 Cross References

मत्ती 10:27

ङे ख्‍यिराङला नक्‍तोमीला काङ सिक्‍यावे, ती ति ख्‍यिरा ठछ्‍येलीला सी। तमा ङे ख्‍यिराङला सताम नाङ्‍ला क्‍यावु ताम्‍ङे ति खाङ्‍बी ख नेमा ख्‍याप्‍टाक की।

लूका 12:8

“ङ ख्‍यिराङला सिरिन, चुका मीकी मीतिवी मिङ्‍गाला ङला तेपा किवी सिवे, ङ मी पुज्‍युङकी साङ कोन्‍छ्‍योककी लेन क्‍योलुप थुतिवी मिङ्‍गाला तीला ङे मी यिन सिनी सिरिन।

यूहन्‍ना 6:63

नाम्‍साङ मिशिवु मिजी नङ्‍गुप ति कोन्‍छ्‍योककी थु चाङ्‍मा यिन, तमा जु ति काङ साङ फेन मोथोवी। ङे ख्‍यिराङला सिक्‍यावु दी ताम्‍ङे ति कोन्‍छ्‍योककी थु चाङ्‍मा ताङ नाम्‍साङ मिशिवु मिजीकी कोर्ला यिन।

यूहन्‍ना 6:68

खोकी तुक सुङ्‍सिमा सिमोन पत्रुस तीकी “ओ चोवो, चोवोकी मुला याङ नाम्‍साङ मिशिवु मिजी तेरुप सुङ वे। तुक क्‍यानी ङ्‍यिराङ सी चाला डोप्‍जा?

लोमा छ्‍येतिवी लाका 13:26

ओ अब्राहामकी गिपा ताङ कोन्‍छ्‍योकला ज्‍यिवा कितुप यहूदी मिन्‍दुप मिरिक यम्‍बाकी मीतिवा, दी दिक्‍पा ने थरुप लेन ल्‍यामु ति कोन्‍छ्‍योककी दाक्‍पी पर्ला राङ ताङ वे।

१ कोरिन्‍थी 1:8

तमा दाक्‍पी चोवो येशू ख्रीष्‍ट फेपुप तुजे सेक ख्‍यिराङ काङ साङ क्‍येन मेतुप जोपला खोकी ख्‍यिराङला रम्‍बु जो नङ्‍गिवी।

१ कोरिन्‍थी 9:26

तुक क्‍यानी ङ साङ छ्‍यक्‍तक थोपुपला छ्‍योङ्‍बाल ग्‍यकुप चिर्मु चेप मीतिवा दोके क्‍यानी छ्‍योङ्‍बाल ग्‍यकिवी। ङ ति वोक्‍तुम ग्‍यकुप चिर्मु चेप मी तीकी तेर्मेला वुर्तुकला वोक्‍तुम माग्‍यकुप दोके क्‍यानी तेन्‍दोक मेतुप लाका मिकिवी।

२ कोरिन्थी 1:14

यिने तिङ्‍ला ति ख्‍यिरा तेरी हाक्‍को थुप्‍किवी सिनी ङ रेवा कितिन। तुक क्‍यानी दाक्‍पी चोवो येशू फेवु तुजेला ङ्‍यिरा ख्‍यिरा थोक्‍ला तेके क्‍यावु दोके ख्‍यिरा ङ्‍यिरा थोक्‍ला तेके किवितो।

गलाती 2:2

कोन्‍छ्‍योककी ते ग्‍युक सिनी छ्‍या तेन्‍दुप तप्‍की ङ ते गल्‍नी यहूदी मिन्‍दुप मिरिक यम्‍बाला ख्‍याप्‍टाक क्‍यावु लेन ल्‍यामुकी कोर्ला ते वोतुप चर्चकी गोमा कितुप मी छ्‍येतिवी मुला दासा कुतुकला देनी ताम्‍ङे क्‍यायिन। तुक क्‍यावु ति ङे क्‍यावु गोमी लाका ताङ तिङ्‍ला कितुप लाका तेरी तेर्मे मोडोशी सिनी नो क्‍यावु तप्‍की यिन।

गलाती 4:11

ङे दुक्‍पा क्‍यानी क्‍यावु लाका ति तेर्मेला डिते सिनी ङला पप लङ्‍गिनोक।

फिलिप्पी 1:10

तुक क्‍यानी चुका ताम्‍ङे ति खक्‍छ्‍येवु यिन ति ख्‍यिरा बे थुप्‍शी। तमा ख्रीष्‍ट फेवु तुजे सेक ख्‍यिराङ क्‍येन मेतुप ताङ टेङ्‍बु क्‍यानी दे थुप्‍शी।

फिलिप्पी 1:6

तमा ख्‍यिरा मिजीला लाका ल्‍यामु गो जुवु कोन्‍छ्‍योककी राङ येशू ख्रीष्‍ट फेवु तुजे सेक ख्‍यिरा मुला ज्‍युनी ती लाका ति सिन्‍दा किवी सिरुप ति ङला तेपा वे।

१ थेसलोनिकी 2:19

च्‍यिलासिसिन चोवो येशू फेपुप पेला खोकी दोङ्‍ला ङ्‍यिरा रेवा ताङ लोदिमु ताङ तेके क्‍यावु उशाक ति काङ ख्‍यिराङ राङ मिन रो?

१ थेसलोनिकी 3:5

तुक क्‍यानी ङ तरोङ साङ हम क्‍यानी दे माथुप्‍नी ती खोक्‍पा ल्‍हाप शैतानकी ख्‍यिराङला साङ खोक्‍पा ल्‍हासिन ङ्‍यिरा क्‍यावु टेमु ति तेर्मे राङ डिते सिनी ज्‍यिवा लानी ख्‍यिरा तेपा चुकै नोक सिनी ल्हापला तिमोथीला ख्‍यिरा ते तङ्‍गुप यिन।

हिब्रू 4:12

च्‍यिलासिसिन कोन्‍छ्‍योककी सुङ ति ङोसु ताङ ङार छ्‍येवु वे। ती सुङ ति ख ङ्‍यी वोतुप खुर्पा सिनाङ नेन्‍बु वे। तुक क्‍यानी तीकी मी सेम ताङ थुकी नाङ्‍ला शुकुप ताङ जुकी थिन्‍जाम ताङ रुकककी काङ काङला शुनी कुतुक कुतुक मागल्‍वा सेक तीकी तुप्‍किवी। तमा सेमगी नासाम ताङ नोवा ति काङ नोक सिनी छ्‍या देन्‍गिवी।

१ पत्रुस 1:23

ख्‍यिराङ ति ङोसु वोतुप ताङ नरी लुवु कोन्‍छ्‍योककी सुङ नेसुर मिजी सम्‍बा ङ्‍येतुप यिनो। खोकी सुङ ति ना डोप मिन, यिने नाम्‍साङ ना मोडोवु यिन।

१ यूहन्‍ना 1:1

दी ताम्‍ङेतिवा ति मिजी तेरुप सुङगी कोर्ला टिवु यिन। दी मिजी तेरुप सुङ ति थल्‍माला जम्‍बुलिङ ज्‍येङ्‍गुप पेला राङ वोतुप यिन, तमा ती ति ङ्‍यिरा थोवु ताङ मिककी थोङ्‍गुप साङ यिन, ङ्‍यिरा ल्‍हावु ताङ थोवा तङ्‍गुप साङ यिन।

ज्‍यल्‍का 22:17

कोन्‍छ्‍योककी थु चाङ्‍मा ताङ नमाकी दुक सुङ्‍गिवी, “फेप!” सी दी ताम्‍ङे थोकिवे, तीकी साङ “फेप!” सिनी सिशी। सुला कोम्‍बा लङ्‍गिवे, ती ति वुङ्‍शी। सी मिजीकी छ्‍यु थुङ्‍गुप नोकिवे, तीला तुक राङ थुङ्‍शी।