फिलिप्पी 2:14 - कोन्छ्योककी सुङ14 तमा ख्यिराङ काङ किसिनाङ मुक्तम देन्दुप ताङ खाँदा माक्यानी किसा। See the chapter |
फिलिप्पी 2:14
36 Cross References
तुक क्यानी पावल ताङ बारनाबास यहूदी मिन्दुप मिरिक यम्बाकी मीतिवी साङ यहूदीतिवी दोके च्येतुप लुक्सु कि गोकिवी सिरुप कोर्ला ताम्ङे माडिक्नी च्यिककी च्यिकला लप्सिर ग्यक्टी चेसुङ। तमा तेकी तेपा कितुप मीतिवी पावल ताङ बारनाबास ताङ यम्बा तेपा कितुप मीतिवाला पेनी ती ताम्ङेकी केवुल कितुपला यरूशलेमला लोमा छ्येतिवा ताङ गोमा कितुप मी छ्येतिवी ते तोङ्सा क्यासुङ।
ङ ख्यिरा ते वुङ्गुप पेला ख्यिराङ ङे नोवाला वोतुप दोके ठेकिताङ मेठेताङ, ङ साङ ख्यिरा नोवाला वोतुप दोके ठेकिताङ मेठेताङ सिनी ङला ज्यिवा लानी वे। तमा ख्यिरा पर्ला खाँदा कितुप ताङ ठतोक कितुप ताङ ङ्यिर्मु कितुप ताङ रङगी थोक्ला तिराङ नासाम तोङ्गुप ताङ मी यम्बाला ताम्ङे मेलोवा कितुप ताङ मीला मेतुप ताङ छ्येजु कितुप ताङ खुरुङ राङ सेम नोजु क्यानी युकुप गल वे सिनी ङला छासे ज्यिवा लानी वे।
Advertisements