फिलिप्पी 2:13 - कोन्छ्‌योककी सुङ

¹³ च्‍यिलासिसिन कोन्‍छ्‍योककी ख्‍यिराङला खोरे नोवाला वोतुप दोके कितुप नासाम तोङ्‍गुप ताङ ती दोके लाका कितुप ओङ नाङ्‍नी ख्‍यिरा मिजी नेमा लाका कियी वे।

फिलिप्पी 2:13 Cross References

लूका 12:32

“ओ छो टिक्‍पे, ज्‍यिवा माकी, च्‍यिलासिसिन ख्‍यिरा पपा कोन्‍छ्‍योककी ख्‍यिराङला खोकी ग्‍येल्‍खाप नङ्‍गुपला गा किनोक।

लूका 2:14

“तेरी सिनाङ येर देवाच्‍येनला कोन्‍छ्‍योकला मोवा वुङ्‍शी, जम्‍बुलिङला कोन्‍छ्‍योककी सु सुला गा क्‍या वे, तिवाला लोदिमु वुङ्‍शी।”

यूहन्‍ना 3:27

तमा यूहन्‍नाकी तिवाला दुक सिक्‍यासुङ, “कोन्‍छ्‍योककी देवाच्‍येन नेमा मानाङ्‍सिन मीकी काङ साङ ङ्‍ये मुथुपी।

यूहन्‍ना 6:45

‘तेरी मीतिवी कोन्‍छ्‍योककी सुङ नेमा लोप्‍किवी।’ सिनी कोन्‍छ्‍योककी लुङ्‍तेम्‍बातिवी टि वे। सी पपी सुङ ङ्‍येन्‍नी खोकी सुङ्‍गुप सुङ लोप्‍किवे, तिवा तेरी ङे ते वुङ्‍गिवी।

यूहन्‍ना 6:65

येशूकी येलुङ दुक सुङ्‍सुङ, “तुक क्‍यानी ङे पपी सेम माबिन्‍सुङ सिसिन सु साङ ङे ते वुङ मुथुपी सिनी ङे ख्‍यिराङला सिक्‍यावु यिन।”

लोमा छ्‍येतिवी लाका 11:21

तमा कोन्‍छ्‍योककी ओङ वोतुप तप्‍की तिवी ख्‍याप्‍टाक क्‍यावु सुङ थोनी मी बङी चोवो येशूला तेपा क्‍यानी कोन्‍छ्‍योककी थाकाला ग्‍युर्सुङ।

रोमी 12:3

कोन्‍छ्‍योककी ङला नङ्‍गुप कटिन नेसुर ङ ख्‍यिराङ रे रेला ठाकुरे सिनी गोङ्‍बा शोयी। ख्‍यिराङ छ्‍युङा यिन्‍सिनाङ, खुरुङ राङ छ्‍ये यिन सिनी सु साङ नासाम मातोङ। यिने कोन्‍छ्‍योककी ख्‍यिराङला चो तेपा नङ वे, ती ति ल्‍यामो हाक्‍कोनी ती दोके मिजी क्‍योङ।

रोमी 9:11

यिने पुज्‍युङ छेमा क्‍येप सिनाङ गोमाला कोन्‍छ्‍योककी रिबेकाला “ख्‍योरो पुज्‍युङ छ्‍ये तीकी छ्‍युङा तीला शब्‍ज्‍यी कितुप डितो।” सिनी थाक्‍छ्‍येन नाङ्‍सुङ। तीकी तेन्‍दोक ति तिवी लाका ल्‍यामु मेलोवा काङ साङ माक्‍यावु पेला मीतिवी लाका ल्‍यामु नेमा मिन, कोन्‍छ्‍योककी नोवाला वोतुप तीला तिराङ पेतुप ति छ्‍या देन्‍दुपला खोकी रिबेकाला तुक सिनी सुङ्‍गुप यिन।

रोमी 9:16

तुक क्‍यानी मी नोवा ताङ टेमु क्‍यानी मिन, यिने कोन्‍छ्‍योककी खोरे नोवा नेमा तिराङ च्‍यम्‍बा गिवी।

१ कोरिन्‍थी 12:6

कोन्‍छ्‍योककी थोक्‍ला कितुप लाकातिवा कुतुक कुतुक गिवी, यिने दाक्‍पुला ती तेरी लाका कितुपला कटिनकी ङ्‍येम्‍बा नङ्‍गुप ति कोन्‍छ्‍योक राङ यिन।

१ कोरिन्‍थी 15:10

यिन्‍सिनाङ ङ तन्‍दा दुकै च्‍युङ्‍गुप ति कोन्‍छ्‍योककी कटिन नेसुर राङ च्‍युङ्‍गुप यिन। खोकी ङला नङ्‍गुप कटिन ति तेर्मेला मागल। ङे याङ यम्‍बा लोमा छ्‍येतिवा सिनाङ मङ टेमु क्‍यायिन। ती ति ङे राङ क्‍यावु मिन, यिने ङे मुला वोतुप कोन्‍छ्‍योककी कटिन नेमा क्‍यावु यिन।

२ कोरिन्थी 3:5

चुका लाका साङ ङ्‍यिरा राङ क्‍यावु यिन सिनी सि मुथुपी। ङ्‍यिराङला लाका कितुप ङार ति कोन्‍छ्‍योक नेमा राङ ङ्‍येतुप यिन।

एफिसी 1:11

खोकी तेरी लाका ति खोरे नोवा नेसुर राङ क्‍या नङ्‍गिवी। तमा खोकी नोवाला वोतुप दोके राङ दाक्‍पुला गोमाला के पेन नङ्‍गुप तप्‍की दाक्‍पु खोकी पुज्‍युङ च्‍युङ्‍नी वे।

एफिसी 1:5

कोन्‍छ्‌योककी दाक्‍पुला ङ्‍यिङ्‍ज्‍ये क्‍या नङ्‍गुप तप्‍की येशू ख्रीष्‍ट नेमा दाक्‍पुला खोरे पुज्‍युङ जोपला गोमाला के पेन नङ्‍सुङ। ती ति खोकी गा लङ्‍गुप नोवा यिन।

एफिसी 1:9

खोकी येशू ख्रीष्‍ट नेसुर गोमाला के जो नङ्‍गुप खोला गा लङ्‍गुप नोवाला वोतुप छ्‍याककी ताम्‍ङे ति दाक्‍पुला तेरी हाक्‍को च्‍यिसुङ।

एफिसी 2:8

च्‍यिलासिसिन दाक्‍पी खोला तेपा क्‍यानी खोकी कटिनकी राङ दाक्‍पु दिक्‍पा ने थरुप यिन। दी ति दाक्‍पी ङारकी ङ्‍येतुप मिन, यिने कोन्‍छ्‌योक नेमा थोपुप ङ्‍येम्‍बा यिन।

२ थेसलोनिकी 1:11

ती तप्‍की ख्‍यिराङ ल्‍यामो क्‍यानी नासाम तोङ। खोकी नोवा नेसुर ख्‍यिराङला कताङ नङ्‍गुप दोके क्‍यानी मिजी क्‍योङ्‍गुप ताङ ख्‍यिरा नासाम ताङ तेपा नेसुर वुङ्‍गुप तेरी लाका ति खोकी ङार नेसुर तेरी डुप्‍शी सिनी ङ्‍यिराङ नरी दाक्‍पी कोन्‍छ्‍योकला मोपोर किवी।

२ तिमोथी 1:9

खोकी दाक्‍पुला दिक्‍पा ने थर च्‍यिनी दाक्‍पु टेङ्‍बु च्‍युङ्‍गुपला कताङ नाङ्‍सुङ। ती ति दाक्‍पी लाका ल्‍यामु क्‍यावु तप्‍की मिन, यिने खोकी नोवा ताङ कटिनकी जोसालेन्‍सिन यिन। ती कटिन ति जम्‍बुलिङ ज्‍येङ्‍गुप पेला नेज्‍युनी येशू ख्रीष्‍ट नेसुर खोकी दाक्‍पुला नङ वे।

हिब्रू 13:21

ती कोन्‍छ्‍योककी खोकी नोवाला वोतुप ति ख्‍यिरा तेरी किशी नोनी ख्‍यिराङला गोवु तेरी ल्‍यामु वोतुपतिवा नङ्‍शी। तमा चुका ति खोला सेमला डोप नोके, येशू ख्रीष्‍ट नेसुर ती ति ख्‍यिरा मिजीला खोकी क्‍या नङ्‍शी। येशू ख्रीष्‍टला नरीकी नरी मोवा च्‍युङ्‍शी। आमिन।

१ पत्रुस 1:3

दाक्‍पी चोवो येशू ख्रीष्‍टकी पपा कोन्‍छ्‍योकला सोवा देकिन। च्‍यिलासिसिन खोकी येशू ख्रीष्‍टला शेप ने ङोसु लाङ्‍नी खोकी खोरे छासेकी कटिन नेमा दाक्‍पुला मिजी सम्‍बा नाङ्‍सुङ। तमा दाक्‍पु शिसिनाङ सेन्‍बु लुवु रेवा ङ्‍येन वे।