फिलिप्पी 2:11 - कोन्छ्‌योककी सुङ

¹¹ तमा पपा कोन्‍छ्‍योककी मोवाकी थोक्‍ला तेरीकी ख नेमा येशू ख्रीष्‍ट राङ चोवो यिन सिनी मी मिङ्‍गाला खलाङ किवी।

फिलिप्पी 2:11 Cross References

मत्ती 10:32

“सी मीतिवी मिङ्‍गाला ङला तेपा किवी सिनी सिवे, ङ साङ देवाच्‍येनला ज्‍यु वोतुप ङे पपी मिङ्‍गाला तीला ङे मी यिन सिनी सिरिन।

लूका 2:11

हारिङ दाऊदकी ग्‍येसाला मीतिवाला दिक्‍पा ने थर ज्‍यितुप चोवो ख्रीष्‍ट क्‍ये वे।

यूहन्‍ना 12:42

यहूदी गोमा कितुपतिवी पर्ला साङ मी बङीकी खोला तेपा क्‍यासुङ। यिने फरिसीतिवी जोसालेन्‍सिन तिवी ती ताम्‍ङे ति मीतिवी मिङ्‍गाला सि माथुप, च्‍यिलासिसिन फरिसीतिवी खोप्‍राङला यहूदी छ्‍योखाङ नेमा तेन तोङ्‍गिवी सिनी ज्‍यिवा क्‍यासुङ।

यूहन्‍ना 13:13

ख्‍यिराङ ङला गेकेन याङ्‍ना चोवो सिनी सिवी, ती ति टेके यिन, च्‍यिलासिसिन ङ वुतुङ के ख्‍यिरा सिक्‍यावु दोके राङ यिन।

यूहन्‍ना 13:14

ङ ख्‍यिरा चोवो ताङ गेकेन यिन्‍सिनाङ ख्‍यिरा काङ्‍बा टुयी। तुक क्‍यानी ख्‍यिरा साङ च्‍यिककी च्‍यिकला काङ्‍बा टु गोकिवी।

यूहन्‍ना 14:13

ख्‍यिरा ङे मिङला काङ लाङ्‍सिनाङ ङ ख्‍यिराङला ती तेरी च्‍युङ ज्‍यितिन। ती ति पुज्‍युङ नेमा पपाला मोवा च्‍युङ्‍शी सिनी यिन।

यूहन्‍ना 14:23

तमा येशूकी तीला सुङ्‍सुङ, “सी ङला ङ्‍यिङ्‍ज्‍ये किवे, तीकी ङे सिक्‍यावु ताम्‍ङेला ङ्‍येन्‍गिवी। तमा ङे पपी तीला ङ्‍यिङ्ज्‍ये क्‍या नङ्‍गिवी, तमा ङे पपा ताङ ङ ति तीकी चाला गल्‍नी तीकी मुला राङ देतिनो।

यूहन्‍ना 17:1

येशूकी ती ताम्‍ङेतिवा सुङ सिन्‍सिमा देवाच्‍येन ने केला ल्‍हानी दुक सिनी मोपोर क्‍या नाङ्‍सुङ, “ओ पपा, तुजे वानिङ सिन वे। पपी ङ ख्‍योरे पुज्‍युङला मोवा वोतुप ति छ्‍या तेन्‍नी ङ पुज्‍युङकी साङ पपाला मोवा वोतुप ति छ्‍या देन्‍शी।

यूहन्‍ना 20:28

तमा थोमाकी खोला “ओ ङे चोवो, ओ ङे कोन्‍छ्‍योक।” सिनी सिक्‍यासुङ।

यूहन्‍ना 5:23

ती ति तेरीकी पपाला ताङ्‍देन कितुप दोके खोकी पुज्‍युङला साङ ताङ्‍देन किशी सिनी यिन। सी खोकी पुज्‍युङला ताङ्‍देन मिकिवे, पुज्‍युङला तोङ्‍गुप पपाला साङ ताङ्‍देन मिकिवी।

यूहन्‍ना 9:22

तीकी पपाआमा ति यहूदी गोमा कितुप छ्‍येतिवाला ज्‍यिवा लावु तप्‍की तुक सिक्‍यानोक, च्‍यिलासिसिन येशूला ख्रीष्‍ट यिन सिनी सिरुपतिवा सुला साङ यहूदी छ्‍योखाङ नेमा तेन तोङ्‍गुप सिनी तिवी तेन्‍तेन क्‍यानोक।

लोमा छ्‍येतिवी लाका 10:36

इस्राएलकी मीतिवी थोक्‍ला कोन्‍छ्‍योककी नङ्‍गुप सुङ ति ख्‍यिराङला साङ छ्‍या वे। ती सुङ ति येशू ख्रीष्‍ट नेमा सुङ्‍गुप कोन्‍छ्‍योक ताङ मीतिवी पर्ला वोतुप लोदिमुकी लेन ल्‍यामु यिन। तमा येशू ति तेरीकी चोवो यिन।

लोमा छ्‍येतिवी लाका 2:36

ती तप्‍की ख्‍यिरा ग्‍यङ्‍शिङला कलुप ती येशूला कोन्‍छ्‍योककी चोवो ताङ ख्रीष्‍ट जो नाङ्‍सुङ सिरुप ताम्‍ङे ति तेरी इस्राएलकी मीतिवी ल्‍यामो क्‍यानी हाक्‍को गोकिवी।”

रोमी 14:11

ती तप्‍की कोन्‍छ्‍योककी सुङला दुक सिनी टि वे, “चोवो कोन्‍छ्‍योककी दुक सुङ्‍गिवी, ङ ङोसु वोतुप कोन्‍छ्‍योक यिन। तुक क्‍यानी तेरी मीतिवा ङे दोङ्‍ला पुमुङ सला जुकिवी। तमा तेरी मीतिवी ङला राङ कोन्‍छ्‍योक यिन सिनी सोवा देकिवी।”

रोमी 14:9

ख्रीष्‍ट साङ तीकी तेन्‍दोकला राङ टुङ्‍नी ङोसु लासुङ। तुक क्‍यानी ख्रीष्‍ट ति शेप ताङ ङोसु वोतुपतिवा ङ्‍यिकरकी चोवो च्‍युङ्‍सुङ।

रोमी 15:9

तमा यहूदी मिन्‍दुप मिरिक यम्‍बाकी मीतिवी खोकी नङ्‍गुप च्‍यम्‍बाकी थोक्‍ला खोला मोवा क्‍यासुङ। ती तप्‍की कोन्‍छ्‍योककी सुङला दुक सिनी टि वे, “तुक क्‍यानी यहूदी मिन्‍दुप मिरिक यम्‍बाकी मीतिवी पर्ला ङ ख्‍युरुङला सोवा देकिन। तमा ङ ख्‍योरे मिङला सोवा देकुप लु लङ्‍यिन।”

१ कोरिन्‍थी 12:3

तुक क्‍यानी ख्‍यिरा दी ताम्‍ङे ति हाक्‍कोवा की। कोन्‍छ्‍योककी थु चाङ्‍मा नेमा ताम्‍ङे कितुप सी साङ “येशूला मोताप सुकुप यिन।” सिनी सि मुथुपी। तमा खोकी थु चाङ्‍मा नेमा तिराङ मिसिन यम्‍बा सी साङ “येशू ति चोवो यिन।” सिनी सि मुथुपी।

१ कोरिन्‍थी 15:47

थल्‍माकी मी आदम ति जम्‍बुलिङकी थला नेसुर जोवु यिन। तमा ती ज्‍युक्‍ला वावु मी येशू ख्रीष्‍ट ति देवाच्‍येन नेमा वावु यिन।

१ कोरिन्‍थी 8:6

दाक्‍पी थोक्‍ला ति पपा कोन्‍छ्‍योक च्‍यिक राङ वे। खोकी सुङ नेसुर राङ जम्‍बुलिङला वोतुप च्‍यालकतिवा तेरी ज्‍येसुङ। दाक्‍पु साङ कोन्‍छ्‍योककी थोक्‍ला मिजी क्‍योङ्‍यिन वे। तमा येशू ख्रीष्‍ट तिराङ दाक्‍पी तेपा क्‍यावु चोवो यिन। खो नेसुर राङ कोन्‍छ्‍योककी जम्‍बुलिङला वोतुप तेरी च्‍यालकतिवा ज्‍ये नाङ्‍सुङ। तमा दाक्‍पुला मिजी नङ्‍गुप साङ येशू ख्रीष्‍ट राङ यिन।

१ पत्रुस 1:21

खो नेसुर ख्‍यिरा कोन्‍छ्‍योकला तेपा क्‍या वे। कोन्‍छ्‍योककी येशूला टुङ्‍नी शेपतिवा नेसुर ङोसु लङ च्‍यिनी मोवा नाङ्‍सुङ। तुक क्‍यानी ख्‍यिरा तेपा ताङ रेवा ति कोन्‍छ्‍योकला ज्‍याक्‍नी वे।

१ यूहन्‍ना 4:15

चुका मी तीकी येशू ति कोन्‍छ्‍योककी सेवु यिन सिनी मी मिङ्‍गाला सिवे, तीकी मुला कोन्‍छ्‍योक ज्‍युकिवी, तमा ती मी ति कोन्‍छ्‍योककी मुला वे सिरुप ति हाक्‍कोकिवी।

१ यूहन्‍ना 4:2

चुका तीकी येशू ख्रीष्‍ट दी जम्‍बुलिङला मी जुजमला फेवु यिन सिनी सि वे, तीला कोन्‍छ्‍योक नेमा वावु थु चाङ्‍मा वे।

२ यूहन्‍ना 1:7

दी जम्‍बुलिङला जिनोक जोप मीतिवा बङी वा वे। तिवी येशू ख्रीष्‍ट मी जुजमला फेवु यिन सिनी मी मिङ्‍गाला मिसिरी। तुका मीतिवा जिनोक जोप ताङ ख्रीष्‍टकी तेन्‍दोकला लङ्‍गुप मी यिन।

ज्‍यल्‍का 3:5

सी शैतानकी ओङ्‍ज्‍येन खला ग्‍येल्‍गिवे, तीकी मज्‍या कर्मु कोन्‍गिवी। तमा ङ तीकी मिङ ति नाम्‍साङ मिशिवु मिजीकी थेप नेसुर नाम्‍साङ मेसेतो। तमा तीला ङ ङे पपा कोन्‍छ्‍योक ताङ खोकी लेन क्‍योलुपतिवी चिप्‍ला ङे मी यिन सिनी सिरिनो।