फिलिप्पी 1:6 - कोन्छ्‌योककी सुङ

⁶ तमा ख्‍यिरा मिजीला लाका ल्‍यामु गो जुवु कोन्‍छ्‍योककी राङ येशू ख्रीष्‍ट फेवु तुजे सेक ख्‍यिरा मुला ज्‍युनी ती लाका ति सिन्‍दा किवी सिरुप ति ङला तेपा वे।

फिलिप्पी 1:6 Cross References

यूहन्‍ना 6:29

तमा खोकी तिवाला “कोन्‍छ्‍योककी तङ्‍गुप तीला तेपा कितुप ति कोन्‍छ्‍योककी लाका यिन।” सिनी सुङ्‍सुङ।

लोमा छ्‍येतिवी लाका 11:18

ती थोसिमा पत्रुसला क्‍येन तेरुपतिवा खरक्‍पा देसुङ। तमा “त याङ कोन्‍छ्‍योककी यहूदी मिन्‍दुप मिरिक यम्‍बाकी मीतिवाला साङ सेम ग्‍युर्नी नाम्‍साङ मिशिवु मिजी थोपुप लाम नाङ्‍सुङ।” सियी कोन्‍छ्‍योकला सोवा देकुप छाल्‍सुङ।

लोमा छ्‍येतिवी लाका 16:14

ती पेला ते जोम्‍बुप पुम्‍पेजातिवी नाङ्‍ला लिडिया सिरुप कोन्‍छ्‍योकला शब्‍ज्‍यी बुलुप पुम्‍पेजा मिरा च्‍यिककी ङ्‍यिरा ख्‍याप्‍टाक क्‍यावु सुङ ति ङ्‍येन्‍सुङ। ती पुम्‍पेजा ति थिआटीरा ग्‍येसा ने वावु रा मुक्‍पु चोङ्‍गुप छोङ्‍मेन नोक। कोन्‍छ्‍योककी तीकी सेम ति पेतुप तप्‍की पावलकी ख्‍याप्‍टाक क्‍यावु सुङ ति ल्‍यामो क्‍यानी ङ्‍येन्‍सुङ।

१ कोरिन्‍थी 1:8

तमा दाक्‍पी चोवो येशू ख्रीष्‍ट फेपुप तुजे सेक ख्‍यिराङ काङ साङ क्‍येन मेतुप जोपला खोकी ख्‍यिराङला रम्‍बु जो नङ्‍गिवी।

२ कोरिन्थी 1:15

ती ताम्‍ङे ति ङला तेन्‍तेन वोतुप तप्‍की गोमाला ङे ख्‍यिराङला ठेतुपला वुङ्‍गुप नो क्‍यायी। तुक क्‍यासिन ङ ख्‍यिरा ते थेङ्‍मा ङ्‍यी वासिमा ख्‍यिराङला लोदिमु च्‍युङ्‍गिवी।

२ कोरिन्थी 2:3

गोमाला ङे ख्‍यिराङला ती यिकी टिवु ति ङ ख्‍यिरा ते वुङ्‍गुप पेला ङला गा लोङ्‍गुप मीतिवी राङ ङला सेम्‍दुक मोलोङ्‍शी सिनी यिन। च्‍यिलासिसिन ङला सेम गा लङ्‍गुप ति ख्‍यिराङ तेरीला सेम गा लङ्‍गुप यिन सिरुप ति ङला तेन्‍तेन वे।

२ कोरिन्थी 7:16

तमा ङे ख्‍यिराङला छासे लो तेन्‍दुप तप्‍की ङला गा लानी वे।

२ कोरिन्थी 9:4

दोजो ललाइ माकेडोनियाकी तेपा कितुप मीतिवा ङ ताङ मुला ख्‍यिरा ते वुङ्‍गुप पेला ख्‍यिराङ बुल्‍वा दुतुप टडिक मेतुप हाक्‍कोसिन ख्‍यिराङ ङोछाला ख्‍येल्‍गितो, ङ्‍यिराङ साङ ङोशी मारेला ख्‍येल्‍गितो। च्‍यिलासिसिन ङ्‍यिरा ख्‍यिराङला छासे रेवा ग्‍येर्पु क्‍या वे।

गलाती 5:10

ख्‍यिराङ तेरी यम्‍बा थाकाला मोडोवी सिनी ङ चोवो कोन्‍छ्‍योकला तेन्‍तेन वे। यिने सी खोकी मुला वोतुप मीला लुनी टिन डिवे, तीला कोन्‍छ्‍योककी पर्च्या फोकिवी।

एफिसी 4:12

खोकी तुक क्‍या नङ्‍गुप ति तिवा तेरीकी खोकी लाका ल्‍यामो कितुप जोनी ख्रीष्‍टकी जु यिन्‍दुप चर्च ति येर फर्शी सिनी यिन।

फिलिप्पी 1:10

तुक क्‍यानी चुका ताम्‍ङे ति खक्‍छ्‍येवु यिन ति ख्‍यिरा बे थुप्‍शी। तमा ख्रीष्‍ट फेवु तुजे सेक ख्‍यिराङ क्‍येन मेतुप ताङ टेङ्‍बु क्‍यानी दे थुप्‍शी।

फिलिप्पी 1:29

च्‍यिलासिसिन ख्‍यिराङ ख्रीष्‍टला तेपा कितुप तिराङ मिन, यिने खोकी थोक्‍ला दुक्‍पा साङ खुर गोकिवी। तुक कितुप ति ख्रीष्‍टकी नङ्‍गुप कटिन यिन।

फिलिप्पी 2:12

ती तप्‍की ङे ङ्‍यिङ्‍ज्‍येवु अच्‍युनुपतिवा, ङ ख्‍यिरा मुला वोतुप पेला ख्‍यिरा ङे खला ङ्‍येन्‍सुङ। ती दोके त ङ मेतुप पेला मङ ङे ताम्‍ङे ङ्‍येन्‍नी सेमला ज्‍यिवा खुर्नी कोन्‍छ्‍योकला ताङ्‍देन क्‍यानी खोरुङ दिक्‍पा ने थरुप लाका तेरी सिन्‍दा कितुपला टेमु किसा।

फिलिप्पी 2:13

च्‍यिलासिसिन कोन्‍छ्‍योककी ख्‍यिराङला खोरे नोवाला वोतुप दोके कितुप नासाम तोङ्‍गुप ताङ ती दोके लाका कितुप ओङ नाङ्‍नी ख्‍यिरा मिजी नेमा लाका कियी वे।

फिलिप्पी 2:16

मिजीकी सुङला ख्‍यिराङ रम्‍बु क्‍यानी देता, तमा ङे लाका ताङ हुर्ताक क्‍यावु ति तेर्मेला मोडोवी। तुक क्‍यासिन ख्रीष्‍ट फेवु तुजेला ख्‍यिराङ को छ्‍येवु तप्‍की ङे सेमला छासे गा लङ्‍गिवी।

कलस्सी 2:12

बप्‍तिस्‍मा लङ्‍गुप पेला ख्‍यिराङ ख्रीष्‍टकी मुला राङ मुक्‍तुम ग्‍यपुप दोके यिन। तमा ख्रीष्‍टला शेप ने ङोसु लोङ्‍गुप कोन्‍छ्‍योककी ङारला ख्‍यिरा तेपा क्‍यावु तप्‍की ख्‍यिराङ साङ ख्रीष्‍टकी मुला सेन्‍बु लानी वे।

१ थेसलोनिकी 1:3

च्‍यिलासिसिन दाक्‍पी पपा कोन्‍छ्‍योककी थोङ्‍दाङला ख्‍यिरा लाका खोङ्‍तेर्मु क्‍यावु ताङ मी यम्‍बाला ङ्‍यिङ्‍ज्‍ये क्‍यावु ताङ चोवो येशू ख्रीष्‍टला रेवा क्‍यानी गुन देतुप तप्‍की यिन।

२ थेसलोनिकी 1:11

ती तप्‍की ख्‍यिराङ ल्‍यामो क्‍यानी नासाम तोङ। खोकी नोवा नेसुर ख्‍यिराङला कताङ नङ्‍गुप दोके क्‍यानी मिजी क्‍योङ्‍गुप ताङ ख्‍यिरा नासाम ताङ तेपा नेसुर वुङ्‍गुप तेरी लाका ति खोकी ङार नेसुर तेरी डुप्‍शी सिनी ङ्‍यिराङ नरी दाक्‍पी कोन्‍छ्‍योकला मोपोर किवी।

२ थेसलोनिकी 3:4

ङ्‍यिरा ख्‍यिराङला काङ की सिक्‍यावे, ती ति ख्‍यिरा कियी साङ वे, ती लाका ति तिङ्‍ला साङ किवी सिनी ङ्‍यिराङला छासे तेन्‍तेन वे।

फिलेमोन 1:21

ख्‍युरुङ ङे खला ङ्‍येन्‍गिवी सिनी रेवा क्‍यानी ङ दी यिकी ति टिकिन वोतो। ख्‍योरो ङे सिक्‍यावु सिनाङ ल्‍हक्‍पा किवी सिरुप ति ङला नो वे।

हिब्रू 10:35

तुक क्‍यानी ख्‍यिरा तेन्‍तेन क्‍यावु ति क्‍युर्नी माज्‍योक। तमा कोन्‍छ्‍योककी ख्‍यिराङला छासे खक्‍छ्‍येवु छ्‍यक्‍तक ग्‍येर्पु नङ्‍गिवी।

हिब्रू 12:2

तमा दाक्‍पी तेपा गो जुवु ताङ ती तेरी छे ज्‍यितुप चोवो येशूला तिराङ नरी ल्‍हाप। खोकी खोरे दोङ्‍ला वोतुप गाकी थोक्‍ला मीतिवी मारे तङ्‍सिनाङ काङ नो माक्‍यानी हम क्‍यानी ग्‍यङ्‍शिङ लोला टुङ्‍सुङ। तमा कोन्‍छ्‍योककी ग्‍येल्‍ठिककी यावी थाकाला ज्‍युसुङ।

१ पत्रुस 5:10

कोन्‍छ्‍योक ति ख्‍यिराङला तेरी कटिन नङ्‍गुप कोन्‍छ्‍योक यिन। खोकी येशू ख्रीष्‍ट ताङ मुला नाम्‍साङ ना मोडोवु मोवाला ख्‍यिराङला कताङ नङ वे। तमा चेयी पर सेक ति ख्‍यिरा छेटाङ खुर्सिनाङ खोकी ख्‍यिरा क्‍यावु दुक्‍पा नेसुर ख्‍यिराङला छ्‍ये जो नङ्‍गिवी। तमा ख्‍यिराङला फार छुर मोयोम्‍बुप ताङ ङार छ्‍येवु जोनी ख्‍यिरा तेपा ति डम्‍ज्‍यी रम्‍बु तिङ्‍गुप दोके जो नङ्‍गिवी।

२ पत्रुस 3:10

यिने चोवोकी तुजे ति कुर्मेन वावु दोके हाक्‍माकोवा क्‍यानी गिवी। ती पेला नाम ति वोरु गिर्पो यी तेन्‍नी ना डिवी, तमा ङ्‍यिमा उला ताङ कर्मातिवा मे रापकी तेरी शिनी डिवी। जम्‍बुलिङ ताङ जम्‍बुलिङला वोतुप तेरी शिनी डिवी।