फिलिप्पी 1:4 - कोन्छ्‌योककी सुङ

⁴ तमा ख्‍यिराङ तेरीकी थोक्‍ला ङ मोपोर कितुप पेला नरी कोन्‍छ्‍योकला सेम गा क्‍यानी मोपोर कितिन।

फिलिप्पी 1:4 Cross References

मर्कूस 5:5

ती ति ङ्‍यी ताङ नुप्‍ज्‍या नरी शेप मीला ज्‍योकुप टककी फुक परला ताङ पम्‍दोकला देनी च्‍यार ग्‍यकुप ताङ दो थ्‍वोनी खोरो जुला म देन्‍गिनोक।

लूका 15:10

ङ ख्‍यिराङला सिरिन, दी दोके दिक्‍पा ने खोरो सेम ग्‍युरुप दिक्‍छेन मिरा च्‍यिककी थोक्‍ला कोन्‍छ्‍योककी लेन क्‍योलुप थुतिवा गा किवी।”

लूका 15:7

ङ ख्‍यिराङला सिरिन, दी दोके दिक्‍पा ने सेम ग्‍युर मोगोवु मी टेङ्‍बु मिरा खाल गु ताङ गु सिनाङ दिक्‍पा ने सेम ग्‍युरुप मी मिरा च्‍यिककी थोक्‍ला देवाच्‍येनला मङ गा किवी।”

रोमी 1:9

ङ ङे सेमगी दिङ नेज्‍युनी खोकी सेवु येशू ख्रीष्‍टकी थोक्‍ला लेन ल्‍यामु ख्‍याप्‍टाक क्‍यानी खोला शब्‍ज्‍यी क्‍यावु तप्‍की ङे नरी ख्‍यिराङला टेन्‍नी ङ्‍यी ताङ नुप्‍ज्‍या ख्‍यिरा थोक्‍ला मोपोर क्‍यावु ति कोन्‍छ्‍योकला राङ छ्‍या वे।

फिलिप्पी 2:2

ख्‍यिराङ सेम च्‍यिक्‍पा राङ च्‍युङ्‍गुप ताङ ङ्‍यिङ्‍ज्‍ये च्‍यिक्‍पा राङ कितुप ताङ नासाम च्‍यिक्‍पा राङ तोङ्‍गुप ताङ तेरी थिन्‍नी ङला कशेन गा लोङ।

फिलिप्पी 3:18

ख्‍यिराङला ङे गोमाला थेङ्‍मा बङी सिक्‍यायी, त येलुङ ङ ङुयी सिरा सिरिन। काङ यिन सिसिन मीतिवा बङी ख्रीष्‍ट येशूकी ग्‍यङ्‍शिङकी थोक्‍ला डला गल्‍नी युकिवी।

फिलिप्पी 4:1

तुक क्‍यानी अच्‍युनुपतिवा, ङ ख्‍यिराङला ङ्‍यिङ्‍ज्‍ये लानी नम पेला ठेतुप सिनी नासाम शर्किनोक। तमा ख्‍यिराङला नासाम तोङ्‍गुप पेला ङ छासे गा लानी मीतिवाला ख्‍यिरा कोर्ला तेके कितिन। ङे ङ्‍यिङ्‍ज्‍येवु अच्‍युनुपतिवा, ख्‍यिराङ तुक राङ क्यानी चोवो येशूला तेपा रम्‍बु क्‍यानी देता।

कलस्सी 2:5

ङ ख्‍यिरा पर्ला मेसिनाङ ङे सेम ति ख्‍यिरा पर्ला राङ वे। ख्‍यिराङ येर मर माक्‍यानी ख्रीष्‍टला तेपा क्‍यानी डेकला देतुप ति ल्‍हानी ङ गा कितिन।

१ थेसलोनिकी 1:2

ङ्‍यिराङ मोपोर कितुप पेला कोन्‍छ्‍योकला नरी थुचिछे पुल्‍नी ख्‍यिराङ तेरीला टेन्‍दा किवी,

फिलेमोन 1:7

आङो, ख्‍योरो क्‍यावु ङ्‍यिङ्‍ज्‍येकी ङला छासे गा ताङ सेमला ङाडेङ बङी ङ्‍येनी वे। च्‍यिलासिसिन कोन्‍छ्‍योकला तेपा कितुप मीतिवी सेमला ख्‍योरो लोदिमु जो वे।

२ यूहन्‍ना 1:4

ख्‍योरो पुज्‍युङपुमतिवा ललाइ ललाइ पपा कोन्‍छ्‍योककी नङ्‍गुप कला वोतुप दोके क्‍यानी खोकी सुङ टेङ्‍बुला युवु ति ङ्‍यिरा हाक्‍कोसुङ। तुक क्‍यानी ङ्‍यिराङला छासे गा लानी वोतो।