फिलिप्पी 1:28 - कोन्छ्‌योककी सुङ

²⁸ तमा ख्‍यिराङ रङगी डतिवी काङ क्‍यासिनाङ ज्‍यिवा माकी। तुक क्‍यासिन ख्‍यिरा डतिवा फम्‍बुप ताङ ख्‍यिराङ ति दिक्‍पा ने थरुप त छ्‍या देन्‍गिवी। ती थर्वा ति कोन्‍छ्‍योककी नङ्‍गिवी।

फिलिप्पी 1:28 Cross References

मत्ती 10:28

ख्‍यिरा जु सेसिनाङ नम्‍शिङ ति से मुथुपुप तीला ज्‍यिवा माकी। यिने जु ताङ नम्‍शिङ ङ्‍यिकरला ङ्‍येलाला क्‍युरुप कोन्‍छ्‍योकला ति ज्‍यिवा की।

मर्कूस 3:3

येशूकी ती लाक्‍पा कम्‍बु ठोक गलुप मी तीला “मी तेरीकी दोङ्‍ला लो।” सिनी सुङ्‍सुङ।

लूका 3:6

तमा तेरी मीतिवी कोन्‍छ्‍योककी थर्वा नङ्‍गुप ति थोङ्‍गिवी।’”

यूहन्‍ना 16:8

खो फेप्‍सिमा दिक्‍पा ताङ कोन्‍छ्‍योककी टेङ्‍बु ताङ कोन्‍छ्‍योककी ठिमकी कोर्ला हाक्‍माकोवुतिवाला खोकी हाक्‍को ज्‍यिकिवी।

लोमा छ्‍येतिवी लाका 28:28

ती तप्‍की ख्‍यिरा हाक्‍कोशी, कोन्‍छ्‍योककी दिक्‍पा ने थर ज्‍यितुप सुङ ति यहूदी मिन्‍दुप मिरिक यम्‍बाकी मीतिवाला ख्‍याप्‍टाक क्‍यानी वे। तमा तिवी ती सुङ ति ङ्‍येन्‍गिवी।”

रोमी 8:17

दाक्‍पु कोन्‍छ्‍योककी पेजातिवा यिन सिसिन ख्रीष्‍टकी मुला राङ कोन्‍छ्‍योककी ग्‍येल्‍खापकी अंश थोप छ्‍योवु यिन। दोजो दाक्‍पु ख्रीष्‍टकी मुला राङ कोन्‍छ्‍योककी मोवा थोप्‍नी वोसिन खोकी मुला राङ दुक्‍पा साङ खुर गोकिवी।

१ थेसलोनिकी 2:2

गोमाला ङ्‍यिराङ फिलिप्‍पीला वोतुप पेला छेटाङ खुरुप ताङ तेकी मीतिवी ङ्‍यिराङला ङ्‍यिङ्‍मर क्‍यावु ति ख्‍यिराङला छ्‍या वे। ङ्‍यिराङ थेसलोनिकेला वासिमा साङ तेकी मीतिवा ङ्‍यिरा तेन्‍दोकला लासुङ, यिन्‍सिनाङ कोन्‍छ्‍योककी ङ्‍यिराङला ङाडेङ नङ्‍गुप तप्‍की खोकी लेन ल्‍यामु ति ख्‍यिराङला ख्‍याप्‍टाक क्‍यायिन।

हिब्रू 13:6

तुक क्‍यानी दाक्‍पु ङाडेङ क्‍यानी सि थुप्‍किवी, “चोवो कोन्‍छ्‍योक ति ङला दाल्‍जा किटे कितुप चोवो यिन, ङ ज्‍यिवा मिकी। मीतिवी ङला काङ कि थुप्‍किवी रो?”

ज्‍यल्‍का 2:10

ख्‍युरुङला ख्‍येल वुङ्‍गुप छेटाङकी थोक्‍ला ज्‍यिवा माकी। ल्‍होसा, शैतानकी खोक्‍पा ल्‍हापला ख्‍यिरा पर्ला ललाइ ललाइला चोन्‍खाङला ख्‍येल ज्‍यितुप छल वोतो। यिन्‍सिनाङ ख्‍युरुङला ती छेटाङ ति ङ्‍यिमा च्‍यिथम्‍बा सेक तिराङ ख्‍येल्‍गितो। ख्‍युरुङ शिता सेक ङला तेपा रम्‍बु क्‍यानी दे, तमा ङ ख्‍युरुङला नाम्‍साङ मिशिवु मिजीकी छ्‍यक्‍तक तेरिनो।