फिलिप्पी 1:26 - कोन्छ्‌योककी सुङ

²⁶ तुक क्‍यानी ङ येलुङ ख्‍यिरा ते वुङ्‍गुप पेला ख्‍यिरा ङे थोक्‍ला येशू ख्रीष्‍टला मङ सोवा देक थुप्‍किवी।

फिलिप्पी 1:26 Cross References

यूहन्‍ना 16:22

ख्‍यिराङला साङ दी दोके राङ च्‍युङ्‍गिवी। तन्‍दा ख्‍यिरा सेमला सेम्‍दुक किवी, यिने ङ ख्‍यिराङला येलुङ ठेतुप पेला ख्‍यिरा सेम ति छासे गा लङ्‍गितो। तमा ती गा ति सी साङ ख्‍यिराङ नेसुर ठोक मुथुप्‍तो।

यूहन्‍ना 16:24

त सेक ख्‍यिरा ङे मिङला काङ साङ मालाङ वे। त लोङ, तमा ख्‍यिराङला थोप्‍कितो। तमा ख्‍यिराङला लोदिमु तेरी च्‍युङ्‍गितो।”

२ कोरिन्थी 1:14

यिने तिङ्‍ला ति ख्‍यिरा तेरी हाक्‍को थुप्‍किवी सिनी ङ रेवा कितिन। तुक क्‍यानी दाक्‍पी चोवो येशू फेवु तुजेला ङ्‍यिरा ख्‍यिरा थोक्‍ला तेके क्‍यावु दोके ख्‍यिरा ङ्‍यिरा थोक्‍ला तेके किवितो।

२ कोरिन्थी 5:12

ङ्‍यिरा येलुङ रङगी थोक्‍ला तिराङ तेके कितुप छलुप मिन, बोरु ख्‍यिराङला ङ्‍यिरा कोर्ला तेके कितुपला तुजे बिन वे। तुक क्‍यासिन ख तिराङ ङ राङ यिन सिनी सेम ति मेलोक्‍पा वोतुप मीतिवाला ख्‍यिरा टिलेन तेर थुप्‍किवी।

२ कोरिन्थी 7:14

तीतस ख्‍यिरा चाला डोप सिनाङ गोमाला ङे तीला ख्‍यिरा थोक्‍ला छासे तेके क्‍यायिन। तमा ख्‍यिरा ङला यिछ्‍येता माजो वे। ङ्‍यिरा ख्‍यिराङला नरी ताम्‍ङे टेङ्‍बु लापिन। तुक क्‍यानी तीतसकी मुला ङ्‍यिरा ख्‍यिरा थोक्‍ला तेके क्‍यावु ति टेङ्‍बु वोतुप हाक्‍कोसुङ।

२ कोरिन्थी 7:4

ङ ख्‍यिराङला छासे लो तेन्‍गिवी। ङ ख्‍यिरा थोक्‍ला छासे तेके कितिन। ख्‍यिराङ नेसुर ङला मङ टोङ्‍गु ङ्‍येन वे। ङला चो छेटाङ ख्‍येल्‍सिनाङ सेमला छासे गा लानी वे।

२ कोरिन्थी 7:6

यिन्‍सिनाङ तीतस ङ्‍यिरा ते वासिमा यिछ्‍येतुप मीतिवाला टोङ्‍गु नङ्‍गुप कोन्‍छ्‍योककी ङ्‍यिराङला टोङ्‍गु नाङ्‍सुङ।

गलाती 6:4

तीकी थोक्‍ला तेरीकी खोरो क्‍यावु लाका ति ल्‍यामो क्‍यानी ल्हो। खोरो क्‍यावु लाका ति मी यम्‍बी मुला डिक्‍नी माल्‍हा। मिसियाङ ख्‍युरुङ छ्‍येजु कितुप डिवितो।

फिलिप्पी 3:1

अच्‍युनुपतिवा, तिङ्‍मी ताम्‍ङे यम्‍बा ति काङ यिन सिसिन ख्‍यिराङ चोवोला तेपा क्‍यावु मी यिन्‍दुप तप्‍की सेम गा की। दी यिकी लोकुर ग्यप्‍नी टिकुपला ङला छेरा मलङ्‍गिवी, ती ति ख्‍यिराङला र्‍होकुपला यिन।

फिलिप्पी 3:3

दाक्‍पु ति कोन्‍छ्‍योककी थोङ्‍दाङला वुतुङ के च्‍येतुप लुक्‍सु क्‍यावु मीतिवा यिन। च्‍यिलासिसिन दाक्‍पु याङ कोन्‍छ्‍योककी थु चाङ्‍मा नेमा खोला सोवा देकिवी, तमा येशू ख्रीष्‍टला तेपा क्‍यानी तेके किवी, जुला तिराङ कितुप लुक्‍सुला ति तेपा मिकिवी।

फिलिप्पी 4:10

ङ्‍यिमा चेयी ज्‍युक्‍ला येलुङ ख्‍यिरा ङला ङ्‍याम क्‍यावु थोङ्‍नी चोवो येशू नेसुर ङ छासे गा लानी वे। वुतुङ के ख्‍यिरा ङे थोक्‍ला पप किनोक, यिने ख्‍यिरा ङला दाल्‍जा कितुप छल्‍सिनाङ तुजे माच्‍युङ्‍नोक।

फिलिप्पी 4:4

चोवो येशू ख्‍यिरा मुला ज्‍युवु तप्‍की ख्‍यिराङ नरी सेम गा किसा। ङ येलुङ सिरिन, ख्‍यिराङ सेम गा किसा।