फिलिप्पी 1:25 - कोन्छ्‌योककी सुङ

²⁵ दी ताम्‍ङे ति तेन्‍तेन हाक्‍कोनी ङ सेन्‍बु देतिन। ख्‍यिराङ येशूला तेपा क्‍यानी येर्के डोप ताङ गा किशी सिनी ङ ख्‍यिराङ तेरीकी मुला नरी देतिन।

फिलिप्पी 1:25 Cross References

लूका 22:32

यिने सिमोन, ख्‍योरो तेपा ति मोतोर्शी सिनी ङे मोपोर क्‍यायिन। ख्‍युरुङ येलुङ लोक्‍नी वुङ्‍गुप पेला ख्‍योरो तेपा कितुप अच्‍युनुपतिवाला रम्‍बु जोसा।”

लोमा छ्‍येतिवी लाका 11:23

बारनाबास ते लेप्‍सिमा तेकी मीतिवाला कोन्‍छ्‍योककी कटिन थोपुप थोङ्‍नी गा क्‍यासुङ। तमा सेमगी दिङ नेज्‍युनी चोवो येशूला तेपा रम्‍बु क्‍यानी दे गोकितो सिनी तिवाला टोङ्‍गु बिन्‍सुङ।

लोमा छ्‍येतिवी लाका 14:22

तमा लोकुप पेला तेकी लोमातिवाला “ख्‍यिराङ हम क्‍या दे गोकिवी, तेपा रम्‍बु क्‍या दे गोकिवी, तमा कोन्‍छ्‍योककी ग्‍येल्‍खापला लेपुपला ङ्‍यिराङ दुक्‍पा बङी खुर गोकिवी।” सिनी टोङ्‍गु बिन्‍सुङ।

लोमा छ्‍येतिवी लाका 20:25

ल्‍होसा, ख्‍यिरा पर्ला कोन्‍छ्‍योककी ग्‍येल्‍खापकी कोर्ला ङे ख्‍याप्‍टाक क्‍यावे, यिने ख्‍यिरा पर्ला सी साङ येलुङ ङला मोथोङ्‍गिवी सिनी मला छ्‍या वे।

रोमी 15:13

ख्‍यिराङला रेवा नङ्‍गुप कोन्‍छ्‍योककी ख्‍यिरा क्‍यावु तेपाकी थोक्‍ला गा ताङ लोदिमु तेरी नङ्‍शी। तमा ख्‍यिराङ खोकी थु चाङ्‍माकी ओङला मङ मङ रेवा क्‍यानी दे थुप्‍शी।

रोमी 15:18

येशू ख्रीष्‍टकी ङे मिजी नेमा यहूदी मिन्‍दुप मिरिक यम्‍बाकी मीतिवाला खला ङ्‍येमु जोपला काङ क्‍या नाङ्‍वे, ती तिराङ मिसिन यम्‍बा काङ साङ ताम्‍ङे लपुप ङाडेङ मिकी। ती लाका ति ङे ख्‍याप्‍टाक क्‍यावु सुङ ताङ ङे क्‍यावु लाका ताङ,

रोमी 15:29

ङ ख्‍यिरा ते वुङ्‍गुप पेला ख्रीष्‍ट नेसुर वुङ्‍गुप मोलाम बङी खुर्नी वुङ्‍गुप्‍नो।

रोमी 5:2

दाक्‍पी येशू ख्रीष्‍टला तेपा क्‍यावु तप्‍की खोकी दाक्‍पुला कटिन नङ्‍नी वे। ती कटिनला राङ दाक्‍पु तसाम देनी वे। तमा ज्‍युक्‍थमाला कोन्‍छ्‍योककी दाक्‍पुला नङ्‍गुप मोवाकी थोक्‍ला रेवा क्‍यानी गा किवी।

२ कोरिन्थी 1:24

ङ्‍यिरा ख्‍यिराङला चुक क्‍यानी तेपा कि गोकिवी सिनी ओङ्‍ज्‍येन कितुपला कार क्‍यावु मिन, यिने ख्‍यिराङला गा लोङ्‍गुपला राङ ङ्‍यिराङ ख्‍यिरा मुला लाका कितिनो। च्‍यिलासिसिन ख्‍यिराङ याङ येशूला तेपा रम्‍बु वे।

फिलिप्पी 1:24

यिन्‍सिनाङ ङ ति ख्‍यिरा थोक्‍ला राङ सेन्‍बु लु गोकिवी।

फिलिप्पी 2:24

चोवो येशूकी नोवा वोसिन ङ साङ ङमु राङ ख्‍यिरा ते वुङ थुप्‍शी सिनी चोवो कोन्‍छ्‍योकला रेवा क्‍या वे।

फिलेमोन 1:22

तमा यम्‍बा साङ ताम्‍ङे च्‍यिक वे। ख्‍यिरा क्‍यावु मोपोरकी ङ ख्‍यिरा ते वुङ थुप्‍किवी सिरुप ति ङे रेवा क्‍या वे। तुक क्‍यानी ङे थोक्‍ला देतुप दासा यी टडिक क्‍यानी ज्‍योका।

१ पत्रुस 1:8

ख्‍यिरा खोला नाम्‍साङ माथोङ्‍सिनाङ खोला ङ्‍यिङ्‍ज्‍ये किवी, तन्‍दा ख्‍यिरा खोला माथोङ्‍सिनाङ ख्‍यिरा खोला तेपा किवी, तमा ख्‍यिराङला नाम्‍साङ ताम्‍ङे क्‍या मिसिन्‍दुप गा ताङ किर्मु गिवी।