फिलिप्पी 1:23 - कोन्छ्‌योककी सुङ

²³ तुक क्‍यानी ङ काङ कितुप काङ कितुप गल वे। ङला याङ जम्‍बुलिङ क्‍युर ज्‍याक्‍नी ख्रीष्‍टकी चिप्‍ला राङ देतुप नो वे। ङला ती राङ ल्‍यामु यिन।

फिलिप्पी 1:23 Cross References

लूका 12:50

यिने ङे लङ गोवु छेटाङकी बप्‍तिस्‍मा यी वे। ती बप्‍तिस्‍मा लङ्‍गुप लाका मासिन्‍दा सेक्‍ला ङला छासे सेम्‍दुक ला वे।

लूका 23:43

तमा येशूकी तीला सुङ्‍सुङ, “वुतुङ के ङ ख्‍युरुङला सिरिन, ख्‍युरुङ हारिङ राङ ङे मुला देवाच्‍येनला गिवितो।”

लूका 8:38

ती डे थेन गलुप मी तीकी खोरुङला साङ खो ताङ मुला डो च्‍यी सिनी येशूला गोङ्‍बा शुसुङ।

यूहन्‍ना 12:26

चुका मी तीकी ङला शब्‍ज्‍यी कितुप नो किवे, ती ति ङे तिङ्‍ला तिङ्‍योक गोकिवी। तमा ङ कनी नोके, ङला शब्‍ज्‍यी कितुप ती साङ ङे मुला राङ तेराङ गिवितो। सी ङला शब्‍ज्‍यी किवे, तीला ङे पपी छ्‍ये जेवितो।”

यूहन्‍ना 13:1

यहूदी थरुप तुछ्‍येनकी गोमी ङ्‍यिमा नोक। येशूकी खुरुङ दी जम्‍बुलिङ क्‍युर ज्‍याक्‍नी पपी चाला फेपुप तुजे लेपुप ति हाक्‍कोनी खोला तेपा कितुप जम्‍बुलिङला वोतुप खोरो मीतिवाला ङ्‍यिङ्‍ज्‍ये क्‍या नङ्‍गिनोक, तमा खो माटुङा सेक तिवाला मङ ङ्‍यिङ्‍ज्‍ये क्‍या नाङ्‍सुङ।

यूहन्‍ना 14:3

ङ गल्‍नी ख्‍यिरा थोक्‍ला दासा टडिक क्‍यासिमा लोङ वानी ख्‍यिराङला ङे ते टिनी डोयिनो, तमा ङ देतुप ते ख्‍यिराङला साङ देतुप ङ्‍येकितो।

यूहन्‍ना 17:24

ओ पपा, पपी ङला नङ्‍गुपतिवा साङ ङ वोतुप ते ङे मुला राङ देतुप ङ्‍येशी। तमा जम्‍बुलिङ ज्‍येङ्‍गुप सिनाङ गोमाला के पपी ङला ङ्‍यिङ्‍ज्‍ये क्‍यानी नङ्‍गुप मोवा ति तिवी थोङ्‍शी सिरुप ङे नोवा वे।

लोमा छ्‍येतिवी लाका 7:59

मीतिवी खोरुङला दो बेपिन वोतुप पेला स्‍तिफनसकी दुक सिनी मोपोर क्‍यासुङ, “ओ चोवो येशू, ङे सेम ति ख्‍युरुङला राङ चेक तेतिन।”

२ कोरिन्थी 5:8

वुतुङ के दाक्‍पु ङार क्‍यानी दाक्‍पी जु ति क्‍युर ज्‍याक्‍नी चोवो येशूकी मुला देवाच्‍येनला देतुपला छासे गा लानी वे।

२ कोरिन्थी 6:12

ङ्‍यिरा ख्‍यिराङला ङ्‍यिङ्‍ज्‍ये कितुप क्‍युर्नी माज्‍याक वे, बोरु ख्‍यिरा के ङ्‍यिराङला ङ्‍यिङ्‍ज्‍ये अला मिकिनोक।

फिलिप्पी 1:24

यिन्‍सिनाङ ङ ति ख्‍यिरा थोक्‍ला राङ सेन्‍बु लु गोकिवी।

१ थेसलोनिकी 2:1

अच्‍युनुपतिवा, ङ्‍यिराङ ख्‍यिरा चिप्‍ला वावु ति तेर्मे राङ मागल सिनी ख्‍यिराङला छ्‍या वे।

१ थेसलोनिकी 2:13

तुक क्‍यानी ख्‍यिरा थोक्‍ला ङ्‍यिराङ कोन्‍छ्‍योकला नरी थुचिछे बुलिन। च्‍यिलासिसिन ख्‍यिरा सुङ ङ्‍येन्‍दुप पेला मी सुङ दोके क्‍यानी मिन, यिने कोन्‍छ्‍योककी सुङ दोके क्‍यानी सेमला लासुङ। वुतुङ के ती सुङगी ख्‍यिराङ तेपा कितुपतिवी मिजीला लाका साङ कियी वे।

१ थेसलोनिकी 4:17

ती ज्‍युक्‍ला दाक्‍पु तेपा क्‍यानी ती पेला सेक सेन्‍बु लुवुतिवा तिवा ताङ मुला राङ नाम ने केला मुक्‍पी पर्ने चोवोला ठेतुपला तेक्‍नी डिवी। तमा दाक्‍पु नरी खोकी मुला राङ देतुप ङ्‍येकिवी।

२ तिमोथी 4:6

ङला दी चोन्‍खाङला सेतुप पेला लेप्‍नी वे। त याङ ङे मिजी ति कोन्‍छ्‍योककी थोक्‍ला बुलुपला टडिक वे।

ज्‍यल्‍का 14:13

ती ज्‍युक्‍ला देवाच्‍येन नेमा दुक सिरुप वोरु यी ङे थोसुङ, “दी ताम्‍ङे टिसा! तफेन्‍ला सी चोवो येशूला तेपा क्‍यानी शिवे, तिवा मोलाम थोपुप यिनो।” तमा कोन्‍छ्‍योककी थु चाङ्‍माकी दुक सुङ्‍गिवी, “ती ताम्‍ङे ति टेके यिन। तिवी लाका ल्‍यामु क्‍यावु तप्‍की तिवाला ङासोप ङ्‍येकिवी। तिवी क्‍यावु लाका ति कोन्‍छ्‍योककी टेन्‍सो क्‍या नङ्‍गिवी।”