फिलिप्पी 1:21 - कोन्छ्‌योककी सुङ

²¹ च्‍यिलासिसिन ङ मिजी क्‍योङ्‍गुप ति ख्रीष्‍टकी थोक्‍ला यिन, तमा शेप साङ ङे थोक्‍ला ख्‍येप्‍साङ यिन।

फिलिप्पी 1:21 Cross References

१ कोरिन्‍थी 1:30

यिने कोन्‍छ्‍योककी ख्‍यिराङला येशू ख्रीष्‍ट ताङ मुला जु च्‍यिक राङ जो नङ्‍गुप यिन। खोकी ख्रीष्‍ट नेमा दाक्‍पुला खोकी रिक्‍पा नाङ्‍सुङ। तमा खोकी थोङ्‍दाङला दाक्‍पुला चाङ्‍मा ताङ टेङ्‍बु वोतुप जोनी दिक्‍पा ने थर च्‍यिसुङ।

१ कोरिन्‍थी 3:22

तीकी तेन्‍दोक ति पावल यिन्‍शी, अपोल्‍लोस यिन्‍शी, पत्रुस यिन्‍शी, जम्‍बुलिङ यिन्‍शी, मिजी यिन्‍शी, याङ्‍ना शेप यिन्‍शी, तसाम पेला यिन्‍शी, याङ्‍ना ज्‍युक्‍थमा यिन्‍शी, तेरी ख्‍यिरा तिराङ यिन।

२ कोरिन्थी 5:1

दाक्‍पुला छ्‍या वे, दाक्‍पी जु ति ती जम्‍बुलिङला देतुपला ग्‍यावु कुर दोके यिन। दी ति ना डिवी, यिने कोन्‍छ्‍योककी दाक्‍पुला जु सम्‍बा नङ्‍नी वे। ती ति देवाच्‍येनला नरीकी नरी देतुप खाङ्‍बा यिन। ती खाङ्‍बा ति मी लाक्‍पी जोवु मिन।

२ कोरिन्थी 5:6

तुक क्‍यानी दाक्‍पु ङार क्‍यानी दी जम्‍बुलिङला जुला वोता सेक चोवो येशू ताङ मुला कुतुक देतुप यिन सिरुप ति छ्‍या वे।

२ कोरिन्थी 5:8

वुतुङ के दाक्‍पु ङार क्‍यानी दाक्‍पी जु ति क्‍युर ज्‍याक्‍नी चोवो येशूकी मुला देवाच्‍येनला देतुपला छासे गा लानी वे।

गलाती 2:20

ङ ख्रीष्‍ट ताङ मुला ग्‍यङ्‍शिङ लोला कलुप यिन। तुक क्‍यानी तन्‍दा ङे क्‍योङ्‍गुप मिजी ति ङे ति मिन, ख्रीष्‍टकी ति यिन। दी मिजी ति ङला ङ्‍यिङ्‍ज्‍ये क्‍यानी खोरे मिजी साङ ङे थोक्‍ला नङ्‍गुप कोन्‍छ्‍योककी सेवुला तेपा क्‍यानी क्‍योङ्‍गिवी।

गलाती 6:14

यिने दाक्‍पी चोवो येशू ख्रीष्‍टकी ग्‍यङ्‍शिङकी कोर्ला मिसिन ङ यम्‍बा काङला साङ तेके मिकी। ख्रीष्‍ट नेसुर जम्‍बुलिङ ति ङे थोक्‍ला ताङ ङ ति जम्‍बुलिङकी थोक्‍ला ग्‍यङ्‍शिङला कलुप यिन।

फिलिप्पी 1:20

ङे खक्‍छ्‍येवुला कि राङ गोवु लाका ताङ रेवा ति दी यिन। ङ नाम्‍साङ ङोछाला माख्‍येल्‍नी छासे ङाडेङ ङ्‍येनी शिसिनाङ सेन्‍बु वोसिनाङ नरी दोके तन्‍दा साङ ङे मिजी ति ख्रीष्‍टकी थोक्‍ला मोवा कितुप डोशी।

फिलिप्पी 1:22

दोजो ङ सेन्‍बु लुसिन ख्रीष्‍टकी थोक्‍ला मङ लाका ल्‍यामु कितुप डिवी। यिने ङ शिते सेन्‍बु लुकिते चुका ति बे गोकिवी ती ति ङला छ्‍या मे।

फिलिप्पी 1:23

तुक क्‍यानी ङ काङ कितुप काङ कितुप गल वे। ङला याङ जम्‍बुलिङ क्‍युर ज्‍याक्‍नी ख्रीष्‍टकी चिप्‍ला राङ देतुप नो वे। ङला ती राङ ल्‍यामु यिन।

फिलिप्पी 2:21

मी यम्‍बातिवा याङ येशू ख्रीष्‍टला मिन, यिने खोरो थोक्‍ला तिराङ नासाम तोङ्‍गिनोक।

कलस्सी 3:4

ख्‍यिरा मिजी ति ख्रीष्‍ट यिन। खो फेपुप तुजेला ख्‍यिराङ साङ खोकी मुला राङ खोकी मोवाला वुङ्‍गुप थोङ्‍गितो।

ज्‍यल्‍का 14:13

ती ज्‍युक्‍ला देवाच्‍येन नेमा दुक सिरुप वोरु यी ङे थोसुङ, “दी ताम्‍ङे टिसा! तफेन्‍ला सी चोवो येशूला तेपा क्‍यानी शिवे, तिवा मोलाम थोपुप यिनो।” तमा कोन्‍छ्‍योककी थु चाङ्‍माकी दुक सुङ्‍गिवी, “ती ताम्‍ङे ति टेके यिन। तिवी लाका ल्‍यामु क्‍यावु तप्‍की तिवाला ङासोप ङ्‍येकिवी। तिवी क्‍यावु लाका ति कोन्‍छ्‍योककी टेन्‍सो क्‍या नङ्‍गिवी।”