फिलिप्पी 1:1 - कोन्छ्योककी सुङ1 टसी देलेक! दी यिकी ति ख्रीष्ट येशूकी थोक्ला शब्ज्यी कितुप ङ पावल ताङ तिमोथी नेसुर फिलिप्पीला वोतुप येशूला तेपा कितुप मीतिवा तेरी ताङ चर्चला गोमा कितुप मीतिवा ताङ चर्चला ल्हाटे कितुप मीतिवाला टिवु यिनो। See the chapter |
फिलिप्पी 1:1
48 Cross References
तुक क्यानी ख्यिराङ गोमा कितुप मी छ्येतिवा रङगी थोक्ला ल्यामो क्यानी नासाम तोङ, तमा तेपा कितुप ख्यिरा मीतिवाला साङ ल्यामो क्यानी ल्होसा। च्यिलासिसिन कोन्छ्योककी थु चाङ्माकी ख्यिराङला तेपा कितुप मीतिवा ल्हाटे कितुपला चेक तेतुप ताङ खोकी खोरो सेवुकी ठककी ङ्योनी नङ्गुप चर्च ल्यामो क्यानी ल्हापला पेतुप यिन।
तोजो तिराङ मिन, चोवो येशू ख्रीष्टला ङो शेवु ति तेरी सिनाङ खक्छ्येवु यिन्दुप तप्की यम्बा तेरी ताम्ङेतिवा कुन यिन्दुप ति ङे हाक्कोसुङ। तमा ख्रीष्टकी थोक्ला तेरी ताम्ङेतिवा क्युर्नी ज्याकिन। तमा ती ताम्ङेतिवा तेरी ज्यरा ज्यिरा दोके यिन सिनी नोक्यायी। तुक क्यानी ङे येशू ख्रीष्टला ङ्ये थुप्शी,
गोमाला ङ्यिराङ फिलिप्पीला वोतुप पेला छेटाङ खुरुप ताङ तेकी मीतिवी ङ्यिराङला ङ्यिङ्मर क्यावु ति ख्यिराङला छ्या वे। ङ्यिराङ थेसलोनिकेला वासिमा साङ तेकी मीतिवा ङ्यिरा तेन्दोकला लासुङ, यिन्सिनाङ कोन्छ्योककी ङ्यिराङला ङाडेङ नङ्गुप तप्की खोकी लेन ल्यामु ति ख्यिराङला ख्याप्टाक क्यायिन।
दी थेप नाङ्ला वोतुप ताम्ङेतिवा ति येशू ख्रीष्टकी हाक्को च्यितुप ताम्ङे यिन। कोन्छ्योककी खोला शब्ज्यी कितुपतिवाला दी जम्बुलिङला ङमु राङ च्युङ्गुप ताम्ङेतिवी कोर्ला हाक्को ज्यितुपला खोरे सेवु येशू ख्रीष्टला दी ताम्ङे ति सुङ्गुप यिन। तमा येशूकी देवाच्येनकी लेन क्योलुप थु च्यिक यूहन्नाकी चाला ताङ्नी ती तेरी ताम्ङेतिवा यूहन्नाला ठछ्येली हाक्को च्यिसुङ।
ती पेला ती देवाच्येनकी लेन क्योलुप थु तीला शावा कितुपला ङ तीकी काङ्बी चिप्ला खवुतुङ्मा देतिन। यिने तीकी ङला “ख्योरो शावा माकी। ङ याङ येशूकी थोक्ला पङ्बु तेरुप ख्युरुङ ताङ ख्योरो अच्युनुपतिवा दोके कोन्छ्योककी लावा तिराङ यिन। ख्योरो कोन्छ्योकला तिराङ शावा की। च्यिलासिसिन येशूकी थोक्ला पङ्बु तेरुप मी तेरीकी कोन्छ्योककी थु चाङ्मा नेमा वुङ्गुप ओङला पङ्बु तेर्किवी।”
Advertisements