Mpiin 2:8 - Uwumbɔr aagbaŋ

⁸ Uwumbɔr nan ŋa isui i lu ŋisubil na aasaak, liwipuul wɔb, Edenn aatiŋ ni, le ki di waah naan uja u na ŋa ki ponn ni.

Mpiin 2:8 Cross References

Mpiin 13:10

Lot nan lik mann gonn, le ki kan ke Jɔɔdann aafataŋ wɔb, ki ti saa Soar aapepel, kpa nnyun sakpen, ke Uwumbɔr aasaak, ni Ijipt aatiŋ na. Nimina mɔmɔk nan laa bi le Uwumbɔr nan nin bii Sodom ni Gomora aatim.

Mpiin 3:23

Le Uwumbɔr jenn nyan u Edenn aasaak ngbaan ni, le ki cha u ko waah nyan ni titan ti ponn ni na,

Mpiin 3:24

le ki di tiwanfuurkaan ni kpa ifeen na, ki di siin kisaak ngbaan aawipuul wɔb, le ki di mmiigaal mu naahn kijuk ki fenni ŋipepel mɔmɔk na, ki kiir kisaak ngbaan. Nima kan, unii ubaa aan ki pii limɔfal aasub chee.

Mpiin 4:16

Le Kainn siir Uwumbɔr chee, ki buen kitiŋ kibaa ni, bi yin ki ke “Chuun Gonni,” ki bi Edenn aawipuul wɔb la.

2 Bibɔrb 19:12

N‑yaajatiib le nan kuln Gosann, ni Harann, ni Resef aatim, le ki ku Bef Edenn aanib bi nan bi Telasar aatiŋ ni na, le bi mɔmɔk aawaa aa nan ŋman ki gaa bi lii.

Aisaya 51:3

M ga san Jerusalem yaab kinimbaak, ni bimɔk koo kaalangbenn ni na. Kitiŋ ngbaan gur ye nteer la, le m ga ŋa ki tikpin aasaak; ki ga li naahn maah nan ŋa ki Edenn ni na la. Mpopiin ni mmɔɔn ŋmeen le ga li bi ki ni, le bi ga li gaa kipak ni idoon aalahn ki pak mi.

Esekiel 27:23

Harann, ni Kane, ni Edenn aatim, ni Seba aawantiirb, ni Asur, ni Kilmad aatim mɔmɔk nan kooh ki daa tiwan aa chee.

Esekiel 28:13

Aa nan koo Uwumbɔr aasaak Edenn ni la, le ki kpa ŋitakpanyaan mɔmɔk aabɔŋ. Aa nan kpa ŋitakpanyaan ŋi bi yi ŋi ke rubi, ni diamonn, ni topas, ni beril, ni kaneliann, ni jaspa, ni safir, ni emeral, ni ganet na. Aa nan kpa salmaa aaleen. Nwiin mundaal bi naan si na, le bi nan ŋa tiwan ngbaan mɔmɔk tii si.

Esekiel 31:16

M yaa tur bu lii kitekpiitiŋ ni kan, bu aah ga lir pu na ga dam ŋitimbol. Edenn aatiŋ aasui mɔmɔk, ni Lebanonn aachook aasunyaan i mɔmɔk sunn buen kitekpiitiŋ ni na aasui ga piir bu aalirm pu.

Esekiel 31:18

“Busub ngbaan le ye Ijipt aabɔr ni waanib mɔmɔk. Hali isui i nan bi Edenn aatiŋ ni na aa nan fɔk ki kpa kina aanyaan. Tɔ, n‑yoonn mue na, bu ga sunn kitekpiitiŋ ni ke Edenn aatiŋ aasui na, ki ti kpee binib bi kaa nyi Uwumbɔr na, ni baah ku binib bi butɔb ponn ni na pu. Dindaan Uwumbɔr le len kina.”

Joel 2:3

I ŋmɔ tijikaar mɔmɔk ke mmii le aah gaal na. Aa yaa lik imɔi wɔb kan, ni naahn Edenn aasaak na la, le aa yaa lik ipuwɔb kan, ni naahn nteersakpiin pu la. Nibaa aan ŋmaa bɔr aan yaan kan ni.