फिलिप्पियों 4:7 - काँगड़ी

⁷ ताह़लू परमात्मे दी सांति, जेह्ड़ी माणुये दिया समझा ते बाहर ऐ, तुहां दे दिलां कने सोच बचारां जो यीशु मसीह च सम्भाल़ी रखगी।

फिलिप्पियों 4:7 Cross References

लूका 1:79

कि नेहरे कने मौत्ती दे डरे च बैठणे आल़ेआं जो जोत्ती दैं, कने अहां दे पैरां जो सांति दे रस्ते च सिध्धे चलां।”

लूका 2:14

“सुअर्गे च परमात्मे दी महिमा होयैं कने धरतिया च तिन्हां लोकां जो सांति मिल्ले जिन्हां ते सैह़ खुस ऐ।”

यूहन्ना 14:27

मैं तुहां जो सांति देई नैं चलेया, मैं अपणी सांति तुहां जो दिंदा ऐ, सैदेई नीं जदेई संसार दिंदा ऐ। तुहां दा मन बेचैन नीं होयैं कने ना ई डरे।

यूहन्ना 16:33

मैं एह़ गल्लां तुहां नैं इसतांई ग्लाईयां हन, कि तुहां जो मिन्जो च सांति मिल्ले। अपर हौंसला रखा, क्जोकि मैं इस संसारे दे लोकां पर राज्ज करणे आल़े सैताने जो हराई दित्या ऐ।”

रोमियो 1:7

एह़ चिठ्ठी रोम सैहरे दे तिन्हां सारेयां दे नां पर ऐ, जेह्ड़े परमात्मे दे प्यारे हन, कने पवित्र लोक होणे तांई सद्देयो हन, मैं प्रार्थना करदा ऐ, कि अहां दे पिता परमात्मा कने प्रभु यीशु मसीह दे पास्से ते तुहां जो अनुग्रह कने सांति मिलदी रैंह्।

रोमियो 14:17

क्जोकि परमात्मे दा राज्ज च खाणा-पीणा इतणी जरूरी गल्ल नीं ऐ, अपर जरूरी गल्ल एह़ ऐ, कि परमात्मे सौगी धर्मी ज़िन्दगी जीणा, सांति कने खुसी ऐ, जेह्ड़ी पवित्र आत्मा दे जरिये मिलदी ऐ।

रोमियो 15:13

मैं प्रार्थना करदा ऐ, कि परमात्मा जेह्ड़ा आसा दा दाता ऐ, तुहां जो बसुआस करणे च हर तरीके नैं खुसी कने सांतिया नैं भरैं, कि पवित्र आत्मा दिया सामर्थी ते तुहां दी उम्मीद बधदी जां।

रोमियो 5:1

इसतांई जाह़लू अहां बसुआसे ते धर्मी बणे, क्जोकि जेह्ड़ा प्रभु यीशु मसीयैं अहां तांई कित्या ऐ तिसदे जरिये अहां दा परमात्मे सौगी सांति आल़ा रिस्ता ऐ,

रोमियो 8:6

सरीरे दियां गल्लां पर मन लगाणा तां मौत्त ऐ, अपर आत्मा दियां गल्लां पर मन लगाणा तां ज़िन्दगी कने सांति ऐ।

2 कुरिन्थियों 10:5

इसदे जरिये अहां तिस हर इक्क बरोधे जो कने तिस हर इक्क घमंड करणे आल़े जो, जेह्ड़ा परमात्मे दे ज्ञाने दे खलाफ सिरे चुकदा ऐ, निठ्ठा करी दिंदे हन, कने हर इक्क इच्छा जो काबू करी नैं मसीह दा आज्ञाकारी बणाई दिंदे हन,

2 कुरिन्थियों 13:11

कने हे प्यारे साथी बसुआसियो, मैं इन्हां सब्दां सौगी चिठ्ठी बंद करदा ऐ। खुस रेह्आ, सिद्ध बणदे जा, इक्की दूये जो हौंसला दिंदे रेह्आ, इक्क मन रेह्आ, मिल्ली जुली नैं रेह्आ। ताह़लू प्यार कने सांति दा परमात्मा तुहां सौगी रैंह्गा।

गलातियों 5:22

अपर पवित्र आत्मा दा फल़ प्यार, खुसी, सांति, सबर, दया, भलाई, बसुआस,

इफिसियों 3:19

कने मैं प्रार्थना करदा ऐ, कि तुहां मसीह दे तिस प्यारे जो जाणी सकन, जिसते तुहां दा सभाव परमात्मे दे सभावे साइआं बणी जां।

फिलिप्पियों 1:1

मैं पौलुस कने तीमुथियुस जेह्ड़े यीशु मसीह दे दास हन, अहां दिया तरफा ते एह़ चिठ्ठी परमात्मे सारे पवित्र लोकां दे नां पर, कने स्याणेयां कने सेवकां जो जेह्ड़े यीशु मसीह च होई नैं फिलिप्पी सैहरे च रैंह्दे हन, लिखदा ऐ।

फिलिप्पियों 1:2

मैं प्रार्थना करदा ऐ, कि अहां दे पिता परमात्मे कने प्रभु यीशु मसीह दे पास्से ते तुहां जो अनुग्रह कने सांति मिलदी रैंह्

फिलिप्पियों 4:19

मेरा परमात्मा भी अपणी तिसा धन-दौलता मताबक जेह्ड़ी महिमा सौगी यीशु मसीह च ऐ, तुहां दी हर इक्क जरूरता जो पूरी करगा।

फिलिप्पियों 4:21

यीशु मसीह च परमात्मे दे सारे लोकां जो मेरा नमस्कार ग्ला। जेह्ड़े बसुआसी भाऊ मिन्जो सौगी हन, तुहां जो नमस्कार ग्लांदे हन।

फिलिप्पियों 4:9

जेह्ड़ियां गल्लां तुहां मिन्जो ते सिखियां, कने अपनाईयां, कने सुणियां कने मिन्जो च दिक्खियां, तिन्हां ई दा पालण करदे रेह्आ। ताह़लू सांति दा परमात्मा तुहां लोकां सौगी रैंह्गा।

कुलुस्सियों 3:15

जेह्ड़ा सांति मसीह दिंदा ऐ, तिसा जो अपणे मने च राज्ज करणा देआ। क्जोकि तुहां सारे इक्की सरीरे दे अंग हन, कने तुहां सबना जो इक्की दूये सौगी सांति च रैहणे तांई सद्देया ऐ, कने तुहां हमेसा धन्यावादी बणी रेह्आ।

2 थिस्सलुनीकियों 3:16

मैं प्रार्थना करदा ऐ, कि प्रभु जेह्ड़ा सांति दा सोता ऐ, कने हर तरीके नैं तुहां जो लगातार सांति दिंदा रैंह्, कने तुहां सबना सौगी रैंह्।

इब्रानियों 13:20

सांति दैणे आल़ा परमात्मा तुहां जो सामर्थ दैं। जिन्हीं अहां दे प्रभु यीशु मसीह जो सदा दे वादे दे खूने दे जरिये मरेयां ते जिन्दा कित्ता। यीशु भेड्डां दा म्हान रखवाल़ा ऐ।

यहूदा 1:1

मैं यहूदा जेह्ड़ा यीशु मसीह दा दास कने याकूबे दा लोक्का भाऊ ऐ, मैं एह़ चिठ्ठी तिन्हां लोकां दे नांऐ पर लिखा दा ऐ, जेह्ड़े परमात्मे दे जरिये तिस च बसुआस करणे तांई सद्देयो हन। अहां दा पिता परमात्मा तुहां नैं प्यार करदा ऐ कने यीशु मसीह दे जरिये तुहां जो बचांदा ऐ।

प्रकाशितवाक्य 1:4

एह़ चिठ्ठी यूहन्ने दे पास्से ते तिन्हां सत्तां कलीसियां दे नांऐ पर ऐ जेह्ड़ियां आसिया प्रदेसे च हन। मैं प्रार्थना करदा ऐ, कि तुहां जो परमात्मे दे पास्से ते अनुग्रह कने सांति मिल्लैं, कने सैह़ परमात्मा जेह्ड़ा ऐ कने जेह्ड़ा हमेसा था कने जेह्ड़ा ओणे आल़ा ऐ; कने तिन्हां सत आत्मां दे पास्से ते, जेह्ड़ियां परमात्मे दे सिंहासणे दे सामणै हन,

प्रकाशितवाक्य 2:17

जेह्ड़े मेरे संदेसे जो समझणा चांह़दे हन, तिसियो ध्याने नैं सुणन कि पवित्र आत्मा कलीसियां नैं क्या ग्लांदा ऐ। जेह्ड़ा बुरिआं ताकतां जो हराई दिंदा ऐ, मैं तिसियो कुच्छ मन्ना दिंगा जेह्ड़ा गुप्त च रखेया ऐ, कने तिसियो इक्क चिट्टा पत्थर भी दिंगा; जिस पर इक्क नां लिख्या हुंगा, जिसियो तिसदे लैणे आल़े जो छड्डी नैं होर कोई नीं जाणगा।”