फिलिप्पियों 4:6 - काँगड़ी

⁶ कुसा भी गल्ला दी फिकर मत करा। अपर हर इक्क हलात च तुहां दी दरखास्त, प्रार्थना कने विणती धन्यावाद सौगी परमात्मे सामणै पेस कित्ते जान।

फिलिप्पियों 4:6 Cross References

मत्ती 10:19

जाह़लू सैह़ तुहां जो पकड़ुआंगे तां एह़ फिकर मत करदे कि अहां किंआं क्या ग्लांगे क्जोकि जेह्ड़ा कुच्छ तुहां जो ग्लाणा हुंगा, सैह़ तिसी बग्त तुहां जो दस्सी दित्ता जांगा।

मत्ती 13:22

जेह्ड़ा बीई झुड़ां बसुन्टां च बाया, एह़ सैह़ माणु ऐ, जेह्ड़ा वचन तां सुणदा ऐ, अपर इस संसारे दी फिकर कने धन दौलता दा धोखा वचने जो दब्बी दिंदा ऐ, कने सैह़ फल़दा नीं।

मत्ती 6:34

कने कल्ले दी फिकर मत करा, क्जोकि कल्ले दा दिन अपणी फिकर अप्पु करी लैंगा; अज्जे तांई अज्जे दा ई दुख बड़ा भरी ऐ।”

मत्ती 6:8

इसतांई तुहां तिन्हां साइआं मत बणा, क्जोकि तुहां दा पिता तुहां दे मंगणे ते पैहल्ले ई जाणदा ऐ कि तुहां दियां क्या-क्या जरूरतां हन।

लूका 10:41

प्रभुयैं तिसा जो जवाब दित्ता, “मार्था, हे मार्था तू मतिआं गल्लां दी फिकर करदी कने घबरांदी ऐ।

लूका 12:22

भिरी यीशुयैं अपणे चेलेयां नैं ग्लाया, “इसतांई मैं तुहां नैं ग्लांदा ऐ, अपणिया ज़िन्दगिया दे बारे च एह़ फिकर मत करा, कि अहां क्या खांगे; ना अपणे सरीरे दी फिकर कि क्या लगांगे।

लूका 12:29

कने तुहां इसा गल्ला दी फिकर मत करा, कि क्या खाणा कने क्या पीणा ऐ, कने ना शक करा।

लूका 18:1

भिरी यीशुयैं अपणे चेलेयां नैं ग्लाया, कि लगातार प्रार्थना करणी कने हिम्मत नीं हारनी चाइदी, तिसते बाद तिन्हां नैं एह़ उदारण ग्लाया:

लूका 18:7

इसतांई क्या परमात्मा अपणे चुणेयां दा न्याय नीं चुकांगा, जेह्ड़े दिन-रात तिसदी दुहाई दिंदे रैंह्दे हन? क्या सैह़ तिन्हां दे बारे च देर करगा?

1 कुरिन्थियों 7:21

क्या तू इक्क दास था जाह़लू परमात्मैं तिज्जो चुणेया? इसदे बारे च फिकर मत कर, अपर जे तिज्जो अजाद होणे दा मौका मिल्लैं, तां तिस मौके दा फायदा जरूर लै।

1 कुरिन्थियों 7:32

मैं एह़ चांह़दा ऐ, कि तुहां सारे कोई फिकर नीं करन। कने इक्क कुआरा मरद एह़ फिकर करदा ऐ कि परमात्मे दी सेवा किंआं करैं।

2 कुरिन्थियों 1:11

कने तुहां भी मिल्ली नैं प्रार्थना दे जरिये अहां दी मदत करदे हन, कि जेह्ड़ा वरदान मतेआं दे जरिये अहां जो मिल्लेया, तिसदिया बज़ाह ते मते लोक अहां दिया तरफा ते धन्यावाद करन।

इफिसियों 5:20

कने सदा सारियां गल्लां तांई अहां दे प्रभु यीशु मसीह दे नांऐ ते परमात्मे पिता दा धन्यावाद करदे रेह्आ।

इफिसियों 6:18

कने हर बग्त जिंआं पवित्र आत्मा दस्सदा ऐ, अहां जो प्रार्थना कने विणती करदे रेह्आ, कने इसतांई जागदे रेह्आ कि सारे परमात्मे दे लोकां तांई लगातार विणती करदे रेह्आ करा,

कुलुस्सियों 3:15

जेह्ड़ा सांति मसीह दिंदा ऐ, तिसा जो अपणे मने च राज्ज करणा देआ। क्जोकि तुहां सारे इक्की सरीरे दे अंग हन, कने तुहां सबना जो इक्की दूये सौगी सांति च रैहणे तांई सद्देया ऐ, कने तुहां हमेसा धन्यावादी बणी रेह्आ।

कुलुस्सियों 3:17

वचने च या कम्मे च जेह्ड़ा कुच्छ भी करा सब प्रभु यीशुये दे नांऐ नैं करा, कने प्रभु यीशुये दे जरिये पिता परमात्मा दा धन्यावाद करा।

कुलुस्सियों 4:2

प्रार्थना च लगातार लग्गी रेह्आ, जाह़लू तुहां प्रार्थना करदे, तां हमेसा चौकनै कने परमात्मे दा धन्यावाद करदे रेह्आ;

1 तीमुथियुस 2:1

सबना ते पैहल्लैं मैं इसा गल्ला पर जोर पाई नैं ग्लांदा ऐ कि परमात्मे दे सारे लोकां तांई विणती, प्रार्थना कने धन्यावाद कित्ते जान।

1 तीमुथियुस 5:5

तिसा बिधवा दी जिसादी देखभाल करणे आल़ा कोई नीं ऐ, सैह़ परमात्मे पर आस रखदी ऐ, कने मदत तांई रात दिन परमात्मे नैं विणती कने प्रार्थना च लग्गी रैंह्दी ऐ।

1 पतरस 4:7

सारियां गल्लां दा अन्त तौल़ी होणे आल़ा ऐ; इसतांई अपणे आप्पे पर काबू करी नैं कने सच्चाई नैं प्रार्थना च लग्गी रेह्आ।

1 पतरस 5:7

अपणी सारी फिकर परमात्मे पर पाई देआ, क्जोकि सैह़ तुहां दा ध्यान रखदा ऐ।